Fréttatíminn - 04.07.2014, Síða 2

Fjórðungur með háskólagráðu
 Matvæli Engin lífræn Mjólk var á Markaði MánuðuM saMan
Lífræn mjólk aftur fáanleg
Eftir að hafa verið ófáanleg á Íslandi
mánuðum saman er lífræn mjólk aftur
komin í verslanir. „Þetta er töluvert
minna magn en áður. Við erum að
framleiða um þriðjung af því sem
Mjólkursamsalan var áður að pakka,“
segir Sverrir Örn Gunnarsson, fram-
leiðslu- og markaðsstjóri BioBú. Öll
lífræn mjólk sem seld er til framleiðslu
á Íslandi kemur frá tveimur búum, Bú-
landi í Austur-Landeyjum og Neðri-
Hálsi í Kjós, en Mjólkursamsalan
hætti að selja lífræna drykkjarmjólk
eftir að þriðja búið missti lífræna vott-
un og bóndinn þar ákvað að sækjast
ekki aftur eftir vottun. Í framhaldinu
hafa hin búin unnið að því að reyna að
auka sína framleiðslu sem hefur verið
tæplega 300 þúsund lítrar árlega.
Biobú hefur árum saman sérhæft sig
í framleiðslu á vörum úr lífrænni mjólk
en vegna mikillar eftirspurnar hefur
það nú sett drykkjarmjólk á markað.
„Við fengum nánast vikulega símtöl frá
fólki sem spurði hvort og hvenær við
ætluðum að framleiða mjólk. Henni er
nú dreift í litlu magni í valdar verslanir
í litlu magni og selst alltaf upp,“ segir
Sverrir Örn. Til að byrja með er mjólk-
inni aðeins dreift í verslanir Hagkaups,
Melabúðina, Víði, Frú Laugu, Fjarðar-
kaup, Græna hlekkinn og Brauðhúsið.
Sverrir Örn segir tvímælalaust þörf
á fleiri mjólkurbændum með lífræna
vottun. „Við náum ekki að framleiða til
að svara eftirspurn. Að við séum farnir
að selja mjólk hamlar í raun vöruþróun
og þess vegna erum við til að mynda
ekki með ost eða smjör á markaðnum
heldur leggjum áherslu á jógúrt og ís.
En þar sem lífræn mjólk væri annars
ekki fáanleg finnst okkur það í raun
skylda okkar að framleiða hana vegna
þessarar miklu eftirspurnar,“ segir
hann.
Lífræna mjólkin frá Biobú er í endurvinnanlegum plastumbúðum.
Hún er gerilsneydd en ekki fitusprengd.
Býr sig undir að
tala ensku við yfirvöld
Eigandi Kosts, Jón Gerald Sullenbergar, fagnar ummælum Ragnheiðar Elínar Árnadóttur
iðnaðarráðherra um að hægt verði að hliðra til lögum og reglugerðum til þess að fá Costco til
landsins. Löngu sé tímabært að auka vöruúrval Íslendinga og samkeppni á markaði.
 vErslun jón gErald fagnar uMMæluM iðnaðarráðhErra
a meríska verslunarkeðjan Costco hefur sýnt því áhuga að koma til landsins og opna hér risaverslun
sem selur auk matvöru meðal annars
áfengi, bensín og lyf. Til að svo verði
þurfa stjórnvöld að veita undanþágur frá
banni við innflutningi á ferskri kjötvöru,
breyta lögum um vörumerkingar og
einnig þyrfti að breyta áfengislöggjöfinni.
Ragnheiður Elín Árnadóttir iðnaðar-
ráðherra telur að innkoma Costco á ís-
lenskan markað myndi auka samkeppni
og lækka vöruverð. Hún sagðist í fréttum
RÚV í vikunni sjá fyrir sér að hægt væri
að láta þetta ganga. „Á meðan þeir sýna
þessu eins mikinn áhuga og mér finnst
þeir gera þá erum við á þessum enda
tilbúin til að gera það sem í okkar valdi
stendur til að greiða úr þeim úrlausnar-
efnum sem fyrir hendi eru.“
Jón Gerald fagnar ummælum
iðnaðarráðherra
Jón Gerald Sullenbergar, kaupmaður í
Kosti, fagnar þessum ummælum iðnaðar-
ráðherra því nái breytingar á lagaum-
gjörð og áfengislögum fram að ganga
muni vöruúrval og samkeppni á markaði
aukast. „Ég fagna þessum fréttum. Ís-
lenskur markaður er hrikalega einhæfur
og óheilbrigður því hér er einn risi, Hag-
ar, sem stjórnar um 65% markaðarins svo
öll samkeppni er af hinu góða. Það væri
frábært að fá hingað alvöru risafyrirtæki
á markaðinn sem kann vel til verka. Þess-
ar breytingar myndu líka auka vöruúrval
Íslendinga sem er löngu tímabært.“
Eitt verður að ganga yfir alla
Jón Gerald telur samskipti Costco og
stjórnvalda endurspegla það hversu gall-
að íslenska kerfið sé. „Mér finnst frábært
að sjá hvernig Costco hefur opinberað
það hverskonar reglugerðafargani við
þurfum að lúta. Þeir lýsa því vel hvers-
konar höft og bönn við þurfum að búa við
hér. Það er með ólíkindum að árið 2014
skulum við ekki ennþá geta haft almenni-
legt vöruúrval í verslunum okkar. Það
er svo mikið til af flottum vörum, ostum
og áleggi sem íslenskir neytendur mega
ekki fá að njóta,“ segir Jón Gerald sem er
ekkert nema jákvæður í garð Costco og
þeirra breytinga sem koma verslunarinn-
ar myndi hafa í för með sér. Það þýddi já-
kvæðar breytingar á íslenskum markaði.
„Auðvitað verður eitt að ganga yfir alla.
Nú þarf maður kannski bara að skipta
yfir í ensku þegar maður talar við hið
opinbera.“
Sjá einnig síðu 10
Halla Harðardóttir
halla@frettatiminn.is
Það er með
ólíkindum
að árið 2014
skulum við
ekki ennþá
geta haft
almennilegt
vöruúrval í
verslunum
okkar.
Jón Gerald Sullenberger, eigandi Kosts, fagnar komu Costco til
landsins. Hann telur samskipti Costco við stjórnvöld endur-
spegla hversu gallað íslenska kerfið sé. Ljósmynd/Hari
Gildir í júlí
Sogavegi við Réttarholtsveg
Opið kl. 9-18 virka daga Sími 568 0990 www.gardsapotek.is
Lágt lyfjaverð - góð þjónusta
Allir styrkleikar og allar
pakkningastærðir af Nicotinell Fruit.
81 þúsund fjölskyldur
Mannfjöldi á Íslandi skiptist í 81.380
fjölskyldur og 60.454 einstaklinga utan
fjölskyldna, að því er fram kemur í nýju
manntali Hagstofunnar, sem miðar við
árslok 2011. Fjölskyldurnar voru flestar
barnafjölskyldur en í 54.222 þeirra var
barn innan við 25 ára aldur. Alls voru
22.444 fjölskyldur samsettar eingöngu af
hjónum eða sambúðarfólki án barna. Þá
voru alls 118.617 einkaheimili samkvæmt
niðurstöðum manntalsins. Alls bjuggu
307.398 manns á slíkum heimilum, 2,59
einstaklingar að meðaltali á heimili. Auk
þessara bjuggu 7.397 á stofnanaheimilum
og 761 var talinn heimilislaus eða í hús-
næðishraki. -jh
Óhagstæð vöruskipti
Vöruskipti í júní voru óhagstæð um 7,7
milljarða króna, að því er bráðabirgða-
tölur Hagstofu Íslands sýna. Útflutning-
ur í júní nam 40,7 milljörðum króna og
innflutningur 48,4 milljörðum króna.
6,6 prósent allra íbúða auðar
Athygli vekur þegar tölur nýs manntals eru skoðaðar að auðar íbúðir
teljast 6,6% allra íbúða, það er að segja ekki í notkun. Eignaríbúðir
eru mun algengari en leiguíbúðir. Alls bjuggu 85.045 heimili í íbúð
sem a.m.k. einn heimilismanna átti að hluta eða öllu leyti eða 71,7%
heimilanna, 31.851 heimili bjuggu í leiguíbúðum og 1.721
með annarskonar umráðarétti. - jh
Nýtt manntal Hagstofunnar, tekið 2011,
gefur gott yfirlit yfir menntunarstig
landsmanna. Á landinu var 249.841 ein-
staklingur 15 ára eða eldri og voru 60.922
með fyrstu háskólagráðu eða meira,
eða 24,4% mannfjöldans. Flestir hafa
þó aðeins lokið grunnskólamenntun eða
minna, eða 102.832 sem eru 41,2%. -jh
2 fréttir Helgin 4.-6. júlí 2014