Fréttatíminn - 04.07.2014, Blaðsíða 24

Stjörnurnar sem hafa skarað fram úr
Leikar eru farnir að æsast á HM í knattspyrnu og í dag hefjast átta liða úrslitin. Knattspyrnuunnendur virðast sammála um að
mótið sé búið að vera frábært til þessa; nóg af mörkum, framlengingum, spennu og stórleikjum markmanna. Fréttatíminn fór yfir
mótið og hefur valið úrvalslið þeirra bestu fram til þessa. Valið var erfitt sem sést vel á því að Neymar komst ekki í byrjunarliðið.
Thiago Silva
Land: Brasilía
Staða: Varnarmaður
Brassarnir hafa ekki eignast marga nýja aðdáendur á heimavelli; það hefur vantað allan samba-takt í þá.
Fyrirliðinn hefur þó staðið fyrir sínu og hefur tryggt að
enn er tími til að breyta um takt og fara að spila eins og
Brasilía á að gera.
Juan Cuadrado
Land: Kólumbía
Staða: Miðjumaður
Fljótur og leikinn kantmaður sem hefur lagt upp flest mörk allra í keppninni, fjögur talsins, auk þess að
skora eitt sjálfur.
Arjen Robben
Land: Holland
Staða: Sóknarmaður
Besti leikmaður mótsins til þessa, ásamt hinum kólumbíska James. Það vita allir að Robben leitar
inn á völlinn með sinn eitraða vinstri fót en það er bara
ekki hægt að stoppa hann þegar hann er í ham. Robben
er í besta formi lífs síns.
Daley Blind
Land: Holland
Staða: Varnarmaður
Einn af ungu leikmönnunum sem vakið hafa athygli hjá Hollandi. Blind leikur jafnan sem miðjumaður en
hefur staðið sig fanta vel vinstra megin í vörninni og þar
sem þörf hefur verið á. Hann lagði upp eftirminnilegt
mark Robins van Persie gegn Spáni.
Toni Kroos
Land: Þýskaland
Staða: Miðjumaður
Kroos er í raun bara einn af ellefu hlutum í vel smurðri vél en hann hefur bundið miðjuna saman
og tengt við sóknina. Kroos á flestar heppnaðar send-
ingar allra á mótinu, 360 talsins. Alls hafa 91 prósent
sendinga skilað sér á réttan stað.
Thomas Müller
Land: Þýskaland
Staða: Sóknarmaður
Müller hefur ekki náð að fylgja eftir ótrúlegri byrjun sinni á mótinu en hann er langt í frá hættur og
hefði getað sett nokkur mörk á móti Alsír. Hann verður í
vígahug gegn Frökkum.
Tim Howard
Land: Bandaríkin
Staða: Varnarmaður
Eins og svo margir markmenn virðist Tim Howard verða betri með hverju árinu sem líður. Margir
markmenn hafa staðið sig frábærlega á mótinu (Ochoha,
Navas og Neuer til að mynda) en Howard tekur
byrjunarliðssætið fyrir frammistöðu sína gegn Belgíu.
Þar varði hann fimmtán skot og hélt sínum mönnum inni
í leiknum. Frábær leiðtogi í skemmtilegu liði Jürgens
Klinsmann.
Mario Yepes
Land: Kólumbía
Staða: Varnarmaður
Á Yepes sannast að aldur þarf ekki að vera nein fyrir-staða á stóra sviðinu. Hann er 38 ára og hefur leitt
frábært lið Kólumbíumanna. Það taka allir eftir mörk-
unum sem James og félagar skora en Yepes og félagar
hafa til þessa aðeins fengið á sig tvö mörk.
Luiz Gustavo
Land: Brasilía
Staða: Miðjumaður
Hefur verið í svipuðu hlutverki hjá Brössum og Gilberto Silva var árið 2002, að brjóta niður sóknir
mótherjanna fyrir framan varnarmennina. Hann er þó
flottur spilari eins og hann hefur sannað í þýska bolt-
anum en það fer ekki mikið fyrir því í leik Brassanna á
HM. Verður í banni gegn Kólumbíu og það gæti sett strik
í reikninginn.
James Rodriguez
Land: Kólumbía
Staða: Miðjumaður
Einstaklega hæfileikaríkur leikmaður sem hefur komið mörgum á óvart. Hann er markahæstur á
mótinu og hefur tekið við sem leiðtogi Kólumbíu eftir
að Falcao meiddist. James er frábær sendingamaður og
hefur einstakt lag á hraðabreytingum.
Lionel Messi
Land: Argentína
Staða: Sóknarmaður
Hefur verið valinn maður leiksins í öllum fjórum leikjum Argentínumanna á mótinu. Það á enginn
roð í hann í því formi. Stóra spurningin er hvort liðs-
félagar hans stígi upp og hjálpi honum að sækja heims-
meistaratitilinn eftirsótta.
24 fótbolti Helgin 4.-6. júlí 2014