Fréttatíminn - 04.07.2014, Page 6

F orsenda þess að bifreiðaeigend-ur kjósi rafbíla er gott aðgengi að hleðslustöðvum og enn sem kom-
ið er eru þær aðeins nokkrar hér á landi
og flestar á höfuðborgarsvæðinu eða í
nágrenni þess. Stjórnvöld hafa markað
þá stefnu að árið 2020 verði tíu prósent
bíla knúnir umhverfisvænum orkugjöf-
um. Að mati Gísla Gíslasonar hjá Even,
innflytjanda rafbíla og eins forsvars-
manna Rafbílasambands Íslands, þarf
að vinna að markmiðinu af meiri mætti.
„Í Noregi er unnið að þessu markmiði á
hverjum degi og því eru rafbílar algeng-
ir þar,“ segir hann. Even hefur nú fest
kaup á tvö hundruð hraðhleðslustöðv-
um sem settar verða upp víðs vegar um
landið. „Við gátum ekki beðið eftir rík-
inu og viljum leggja okkar lóð á vogar-
skálarnar. Draumurinn er að alls staðar
verði ókeypis að hlaða og að fólk geti
farið hringinn á rafbíl án þess að greiða
neitt í eldsneytiskostnað. Núna erum við
að vinna að því að ákveða hvar á að setja
þær niður og í samstarfi við hverja. Við
ætlum að leysa þetta í eitt skipti fyrir öll
og nýta orku landsins.“ Stefnt er að því
að hefja uppsetninguna núna í sumar og
að henni verði lokið fyrir áramót.
Á lista yfir mest seldu bíla í Noregi á
þessu ári er Tesla í öðru sæti en Nissan
Leaf í því fjórða. Á Íslandi eiga rafbíl-
arnir enn nokkuð í land með að kom-
ast ofarlega á sölulista þó salan aukist
hægt og bítandi. Fyrstu sex mánuði
ársins komu níu Tesla bílar á göturnar
og ellefu Nissan Leaf, samkvæmt upp-
lýsingum á vef Samgöngustofu. Norsk
stjórnvöld hafa mótað skýra stefnu um
fjölgun rafbíla og er stefnt að því að árið
2020 verði fjöldi rafbíla þar kominn yfir
200.000. Norðmenn eru því leiðandi á
heimsvísu í rafbílavæðingunni.
Bæði í Noregi og á Íslandi njóta eig-
endur rafbíla ýmissa fríðinda, svo sem
aðgangs að fríu rafmagni á rafhleðslu-
stöðvum, fríum bílastæðum, niðurfell-
ingu á tollum, vörugjöldum og virðis-
aukaskatti en á Íslandi er ekki greiddur
virðisaukaskattur af fyrstu sex milljón-
um af verði rafbíls. Í Noregi greiða raf-
bílaeigendur hvorki vega- né ferjutolla
og fá frítt rafmagn á þúsundum hrað-
hleðslustöðva. Þá er heimilt að aka
rafbílum á sérstökum akreinum fyrir
rútur.
Flestir rafbílaeigendur, eða um níutíu
prósent, hlaða bíla sína heima en þó er
mikilvægt að þeir hafi aðgang að hrað-
hleðslustöðvum þegar rafmagnið klár-
ast. Lengri tíma tekur að hlaða rafbíl í
hefðbundinni innstungu á heimili en á
hraðhleðslustöðvum. Ekki hefur verið
mögulegt að hlaða Tesla á hraðhleðslu-
stöðvum hérlendis en með tilkomu nýju
stöðvanna sem Even setur upp á næstu
mánuðum verður það mögulegt hring-
inn í kringum landið. Með sérstöku
millistykki verður mögulegt að hlaða
Tesla á þeim hleðslustöðvum sem fyrir
eru.
Dagný Hulda Erlendsdóttir
dagnyhulda@frettatiminn.is
Jónas
Haraldsson
jonas@
frettatiminn.is
 SkipulagSmál Forval rangárþingS um Skipulag og hönnun
Hugmyndasamkeppni um Landmannalaugar
Sveitarfélagið Rangárþing ytra efnir
til forvals fyrir hugmyndasamkeppni
um skipulag og hönnun Landmanna-
laugasvæðisins, í samvinnu við Um-
hverfisstofnun og Félag íslenskra
landslagsarkitekta. Valdir verða 3-4
hópar til þátttöku sem fá greitt fyrir
tillögurnar sínar. Umsóknarfrestur
fyrir forvalið er til 10. júlí en áætluð
skil í samkeppnina eru um miðjan
nóvember, að því er fram kemur á síðu
Hönnunarmiðstöðvar. Svæðið er inn-
an Friðlands að Fjallabaki. Það er um
1,7 ferkílómetrar að stærð og tekur
yfir núverandi þjónustusvæði í Land-
mannalaugum og næsta nágrenni, allt
frá Grænagili og norður að Norður-
námshrauni.
Á svæðinu er m.a. gert ráð fyrir að
eftirfarandi verði: Aðstaða Umhverf-
isstofnunar og gestastofa, gisti- og
veitingaþjónusta, aðstaða fyrir starfs-
fólk, landverði og aðra eftirlitsaðila,
aðstaða fyrir daggesti, samverustað-
ur fyrir leiðsögufólk og hópa, hluti
af núverandi þjónustu sem er í Land-
mannalaugum færist til innan svæðis,
endurbætt stígakerfi og aðgengi fyrir
hreyfihamlaða og endurbætt aðstaða
tengd náttúrulaug. Landmannalaugar. Efnt verður til forvals um skipulag og hönnun svæðisins. Mynd Hönnunarmiðstöð
 Samgöngur SkreF í átt til raFbílavæðingar
Hægt hefur gengið að koma upp hraðhleðslustöðvum fyrir rafbíla á Íslandi. Í Noregi eru rafbílar
meðal söluhæstu bíla. Stjórnvöld þar hafa markað skýra stefnu um rafbílavæðingu.
Setja upp tvö hundruð
hleðslustöðvar fyrir rafbíla
Söluhæstu bílarnir
í Noregi í ár
1. Volkswagen Golf
2. Tesla Model S (rafbíll)
3. Toyota Auris
4. Nissan Leaf (rafbíll)
5. Skoda Octavia
Söluhæstu bílarnir
á Íslandi í ár
1. Skoda Octavia
2. Toyota Yaris
3. Volkswagen Polo
4. Volkswagen Golf
5. Nissan Qashqai
Nissan Leaf
Tesla Model S
Orka náttúrunnar, ON,
stendur fyrir hraðhleðslu-
verkefni í samstarfi við
BL og Nissan Europe og
er stefnan að opna tíu
hleðslustöðvar. Fyrsta
hleðslustöðin við þjóðveg
eitt var opnuð á dögunum
við N1 í Borgarnesi. Nú
hafa sjö stöðvar af tíu
verið opnaðar. Um er að
ræða tilraunaverkefni til
tveggja ára og verður
hleðslan á stöðvunum
gjaldfrjáls þann tíma.
Sjö stöðvar
Við ætlum að
leysa þetta í eitt
skipti fyrir öll
og nýta orku
landsins.
Gísli Gíslason og félagar í Even hafa fest kaup á tvö hundruð hraðhleðslustöðvum fyrir rafbíla. Ljósmynd Hari
R E Y K J AV Í K | A K U R E Y R I
Skál í Höllinni!
6 fréttir Helgin 4.-6. júlí 2014