Fréttatíminn - 04.07.2014, Síða 20

D avid Robertson byrjar spjallið á því að spyrja hvort það verði ekki klippt út ef hann fer að
bulla eitthvað. Þegar hann var ungur
þá keppti hann í hlaupum fyrir Eng-
lands hönd og fór þá stundum í viðtöl
sem hann var aldrei neitt sérstaklega
góður í.
„Ég er alinn upp í Kent sem er lítil
borg í suðaustur Englandi. Ég ætlaði að
verða hlaupari, eins og ég segi, en þeg-
ar ég var um 23 ára þá meiddist ég illa,
sem varð til þess að ég hætti að hlaupa.
Þá fluttist ég til London og fór að búa
þar, sem er nánast full vinna. Fór að
vinna sem arkitekt þar, eða sem aðstoð-
armaður arkitekta þar sem ég er ekki
lærður slíkur. Ég lærði tækniteiknun
sem nýtist vel í starfi arkitekta, ég vann
við það í um það bil tíu ár í London.“
En af hverju Ísland? hvernig kom það
til?
„Konan mín er íslensk. Við hittumst
á Íslandi. Vinkona mín hafði flutt hing-
að og ég kom að heimsækja hana. Ég
hafði heimsótt Ísland nokkrum sinnum
áður en ég flutti hingað. Í einni heim-
sókninni kynntist ég konunni minni,
Sveinbjörgu Pétursdóttur viðskipta-
fræðingi og ég ákvað að flytja bara
hingað. Stofan sem ég hafði verið að
vinna fyrir í London fór á hausinn, ég
var búinn að kaupa hús með systur
minni þar og það er dýrt að búa í Lond-
on svo ég flutti bara til Reykjavíkur.
Það var einhvernveginn mjög auðveld
ákvörðun. Mig hafði alltaf langað til
þess að búa í Skandinavíu, ég hef hrif-
ist af skandinavískum lífsstíl og þessari
þunnu línu milli stórborgar og náttúru.
Þetta small einhvernveginn allt saman.
London er ekki auðveld borg að búa í
og í rauninni ekki hægt að hafa það gott
þar nema þéna allverulega. Reykjavík
er töluvert auðveldari á allan hátt.“
Stofnaði hjólreiðaverkstæði í
kjölfar hruns
„Þegar ég kem til Íslands vann ég
stuttlega hjá arkitektastofu og einn-
ig sem ljósmyndari. Ég flutti hingað
á röngum tíma til þess að verða arki-
tekt, stuttu eftir hrun svo hjólreið-
arnar komu snemma inn í myndina.
Ég ætlaði mér alltaf að gera eitthvað
hjólatengt og ef ég hefði ekki farið út
í hlaupin ungur þá hefði ég örugglega
valið hjólið. Svo það var ekki tilviljun
ein að ég skyldi fara út í það þegar ég
kom til Íslands. Þegar hrunið skall á
höfðum við eignast eldri son okkar
svo ég fór í fæðingarorlof og hugsaði
vel um það sem mig langaði að gera.
Þegar orlofið var búið þá stofnaði ég
fyrstu vinnustofuna undir nafninu
Kría.“
Stefndi á ólympíuleika
David ætlaði sér alltaf á ólympíuleika til
þess að keppa fyrir sína þjóð.
„Ég á ennþá met á Englandi sem hafa
ekki verið slegin, sem er mjög ánægju-
legt 20 árum síðar. Í húsakynnum
hlaupasambands Stóra-Bretlands eru
myndir uppi á vegg af þeim sem eiga
metin í öllum vegalengdum sem keppt
er í. Hlaupagoðsögnin Steve Ovett á
metið í öllum greinunum nema einni.“
Þar er mynd af okkar manni, sem á
ennþá unglingametið í 1500 metrum
sem er 3:40:09, sem í dag kæmi honum
á ólympíuleika.
„Ég var ágætur,“ segir David og glott-
ir. „Ég fór á stuttum tíma úr því að verða
5. besti í Kent yfir í það að verða 5. besti
á Englandi. Þá áttaði ég mig á því að
þetta ætti vel við mig. Ég vann mikið af
mótum og keppti fyrir Englands hönd,
bæði á heimsmeistaramótum og Evr-
ópumótum frá 15 ára til 23 ára aldurs.
Takmarkið voru ólympíuleikar en einu
sinni sem ég var að kæla mig niður eftir
hlaup þá meiddist ég. Ég keppti í þrjú ár
eftir að ég meiddist en fannst alltaf eins
og ég væri að hlaupa á annarri löppinni,
svo ég hætti.“
Þeir sem hjóluðu voru álitnir
skrýtnir
„Mér líður vel á Íslandi. Ég á tvo syni,
6 ára og svo einn sem fæddist í maí.
Þegar ég kom hingað langaði mig að
gera eitthvað hjólatengt því landið
býður svo mikið upp á það. Ég hafði
selt systur minni minn helming í hús-
inu sem við keyptum svo þegar ég kom
hingað þurfti ég ekki að finna vinnu
strax. Hafði smá svigrúm til þess að líta
í kringum mig og hugsa næsta skref.
Ég byrjaði á því að opna vinnustofu þar
sem ég tók gömul hjól hjá fólki og gerði
þau upp sem ný. Styrkti þau og gerði
þau flott. Þetta spurðist frekar fljótt út
sökum þess að Dr. Gunni skrifaði grein
um mig og vinnustofuna. Í dag geri ég
ekki upp hjól. Kría er verslun með ný
hjól. Ég er umboðsaðili fyrir hjól sem
heita Specialized, og koma frá Banda-
ríkjunum.“
Á Íslandi er mikil gróska í reiðhjóla-
menningu og margir sem segja það
hafa byrjað með tilkomu David og hans
áhuga á að gera reiðhjól aftur móðins.
„Það er notalegt að heyra það, við
Bjó til hjólreiðamenningu á Íslandi
David Robertson er fertugur Englendingur sem býr á Íslandi. Hans saga er eins og margra erlendra íbúa landsins. Kynntist íslenskri stúlku og endaði í Reykjavík.
Hann ætlaði sér ungur að verða atvinnuhlaupari og hafði alla burði til þess og var farinn að keppa fyrir Englands hönd sem unglingur. Svo ætlaði hann sér að verða
arkitekt en endaði sem reiðhjólaverslunareigandi í Reykjavík. Margir segja David ábyrgan að hluta fyrir þeirri miklu reiðhjólamenningu sem náð hefur fótfestu á
Íslandi. David í Kríu vonar að fleiri Íslendingar byrji að hjóla og hugsi um hjólreiðar eins og hverja aðra íþrótt. Hann var á dögunum kjörinn formaður nýs Hjólreiða-
sambands Íslands.
„Ég var
ágætur,“
segir David
og glottir. „Ég
fór á stuttum
tíma úr því að
verða 5. besti
í Kent yfir í
það að verða
5. besti í Eng-
landi og þá
áttaði ég mig
á því að þetta
ætti vel við
mig.“
Orkuforðinn okkar
Vatnsaflsstöðvar nota fallþunga vatns til að knýja hverfla sem vinna rafmagn.
Úrkomu og leysingavatni af jöklum landsins er safnað í uppistöðulón, sem
flest eru á hálendinu. Miðlunarlónin eru góð geymsla fyrir raforku og gera
kleift að vinna rafmagn jafnt og þétt allt árið.
Hálslón er vatnsmesta lón landsins. Þegar lónið fyllist síðsumars
er vatni veitt um yfirfall sem steypist í um 100 metra háum fossi,
Hverfanda, niður í Hafrahvammagljúfur.
Verið velkomin í heimsókn í sumar!
Kárahnjúkastífla: Leiðsögumaður tekur á móti gestum alla
miðvikudaga og laugardaga kl. 14-17.
Búrfellsstöð: Gagnvirk orkusýning er opin alla daga kl. 10-17.
Vindmyllur á Hafinu: Starfsfólk tekur á móti gestum alla
laugardaga í júlí kl. 13-17.
Kröflustöð: Jarðvarmasýning er opin alla daga kl. 10-17.
www.landsvirkjun.is/heimsoknir
*Vatnsmagn í miðlunarlónum er mælt í gígalítrum
(milljörðum lítra).
Krókslón - 140 Gl.
Hágöngulón - 320 Gl.
Blöndulón - 412 Gl.
Þórisvatn - 1400 Gl.
Hálslón - 2100 Gl.
Sultartangalón 109 Gl. • Kelduárlón 60 Gl. • Hrauneyjalón 33 Gl. • Sporðöldulón 25 Gl. • Gilsárlón 20 Gl. • Bjarnalón 5 Gl. • Ufsar– og Vatnsfellslón 3 Gl.
20 viðtal Helgin 4.-6. júlí 2014