Fréttatíminn - 04.07.2014, Blaðsíða 34

É g fór í brjálæðislega flotta danska ævintýramynd, sem var öll tekin upp í
Tékklandi. Það var hringt í mig
frá Eskimo Models sem höfðu
milligöngu með leikaraval og ég
spurður hvort ég talaði dönsku?
Ég svaraði því svona loðið, eina
sem ég kunni var menntaskóla-
danskan sem er ekkert endilega sú
besta. Ég fékk bara svarið „Takk,
við höfum samband.“ Þá hugsaði
ég strax, andskotinn ég er örugg-
lega að missa af einhverju góðu.
Svo er ég stuttu seinna að vinna
með Gunna Helga og hann spyr
mig hvort ég hafi ekki farið í prufu
fyrir dönsku myndina. Ég segi nei,
þau voru að leita að fólki sem talar
dönsku og ég geri það ekki. Þá
spurði Gunni hvort ég væri ekki
með öllum mjalla. Það kunna allir
dönsku, Jói, þú segir það bara!
Þá áttaði ég mig á því að auðvitað
á maður bara að segja að maður
kunni dönsku, það kemur þá bara
í ljós í prufunni. Maður á alltaf að
taka sénsinn og feika, segir Jói
kátur.
Hélt að Auddi Blöndal væri að
gera grín
„Svo var haft samband við mig aft-
ur, út af öðru verkefni og ég spyr í
pósti hvernig hafi verið með þetta
verkefni. Ég tali nú alveg dönsku,
ef það er ennþá verið að leita að
leikara í þessa dönsku mynd. Þá
kom bara svar strax, og dagarnir
pössuðu allir við mín plön. Ég fékk
danskar línur og átti að læra þær
á hálftíma sem ég gerði með smá
hjálp frá Kristni vini mínum sem
er nýfluttur heim frá Danmörku.
Mætti í prufuna og nokkrum dög-
um síðar var ég mættur til Prag
í tökur á þessari mynd. Við Ís-
lendingar getum þetta alveg ef við
ætlum okkur það, og prufan kom
sjálfum mér meira að segja á óvart,
ég var bara ágætur í dönsku.“
Allan tímann var Jói samt
smeykur um að þetta yrði ekki að
veruleika. Bað fjölskylduna um
að vera ekkert að tala um þetta.
„Innst inni trúði ég því alveg að
á einhverjum tímapunkti myndi
Auddi Blöndal hoppa úr einhverj-
um skáp og ég „Tekinn“, svo ég
beið bara rólegur.“
Danirnir mjög almennilegir
Hvernig var umhverfið vinnulega,
að vera kominn í stóra framleiðslu
á erlendri grund? „Það voru allir
ótrúlega almennilegir, allir svo
ánægðir að sjá mann og manni
leið mjög vel, ég talaði svo góða
stund við leikstjórann sem er bara
strákur á mínum aldri og það var
allt gert til þess að manni liði sem
best.“
Sagðist tala dönsku og fékk hlutverkið
Leikarinn Jóhann G. Jóhannsson landaði hlutverki í stórri danskri
ævintýramynd sem tekin var upp í Tékklandi. Hann kom sjálfum sér
á óvart með dönskukunnáttunni en ástæða þess að íslenskur leikari
var ráðinn í hlutverkið var til að liðka fyrir styrkumsóknum
og sölu á myndinni.
Jói fór ellefu sinnum út og
þetta voru ellefu tökudagar sam-
tals. En hvernig var svo danskan
á endanum? „Ég lærði línurnar
eins og páfagaukur og var farinn
að mynda mjög gott samband
við hljóðmanninn sem hjálpaði
mér mikið með framburðinn, því
hann er mjög misjafn, eftir því
hvaðan þú ert í Danmörku og líka
hvort þú ert töff eða ekki, sem er
skemmtilegt. En ég fékk alltaf
mikinn sting í magann þegar
kom að því að breyta einhverjum
línum, mér þótti það óþægilegt
því ég var búinn að læra hand-
ritið svo vel. En þetta blessaðist á
endanum.“
Gríðarlega stór framleiðsla
Skammerens Datter er ævintýra-
mynd sem byggð er á bókum. Það
eru fjórar bækur sem hafa verið
gefnar út í Danmörku. Sagan er
í anda Game of Thrones, sögu-
sviðið er svipað. Mikið um dreka
og forynjur og sagan er um hina
klassísku baráttu góðs og ills.
Bækurnar eru mjög vinsælar
í Danmörku. „Mitt hlutverk
er í vonda liðinu, sem er mjög
skemmtilegt. Ég er besti vinur
aðal vonda.“
Þetta er gríðarlega stór fram-
leiðsla, mikið um tölvugrafík og
ótrúlegar leikmyndir, að sögn
Jóa. Danir leggja mikið í þessa
mynd og binda miklar vonir við
hana. Hún er nánast öll tekin upp
í Prag, bæði útitökur og svo mikið
í stúdíói þar. Fyrirhugað er að
koma til Íslands og taka landslags-
myndir, en eiginlega allt er tekið í
Tékklandi.
Það vekur forvitni að það er
fenginn leikari frá Íslandi til þess
að leika í danskri kvikmynd, hann
þarf að kunna dönsku. Hefði ekki
verið bara auðveldara að ráða
danskan leikara?
„Þetta er gert til þess að það sé
auðveldara að fá styrki frá öðrum
Norðurlöndum, og selja myndina
áfram. Jakob Oftenbro er til dæm-
is norskur og svo er líka sænsk
stelpa að leika í myndinni. Þetta
þarf allt að vera pólitískt rétt til
þess að þóknast samnorrænu sjón-
varpsstöðvunum og kvikmynda-
sjóðunum.“
Jói hefur leikið í mörgum mynd-
um en segir þetta það stærsta.
„Þetta var stærsta verkefni sem
ég hef komið að, svolítið eins og
Flags of our Fathers, sem var vita-
skuld mjög stórt. En þetta var á
pari við hana, og meira að segja
Dönunum fannst þetta mjög stórt.
Það er mikið talað um þessa mynd
í Danmörku og mikil spenna
fyrir henni. Ég var nokkrum
sinnum stoppaður og beðinn um
eiginhandaráritun, sem var mjög
skemmtilegt. Þá fattaði maður að
þetta var eitthvað einstakt, það er
búið að birta mikið af myndum úr
tökunum í blöðum og fjalla vel um
alla leikarana, mjög spennandi.“
Með mörg járn í eldinum
Þetta er ekki það eina sem Jói
hefur verið að gera en í vetur
verður frumsýnd ný íslensk kvik-
mynd sem hann leikur í sem heitir
Sumarbörn. Einnig leikur hann í
sjónvarpsþáttum „Hrauninu“ sem
eru framhald af hinum vinsælu
þáttum Hamrinum, en þeir verða
sýndir á næstunni.
„Annars er ég frekar laus við,
og vil halda því þannig. Ég vil bara
taka þeim verkefnum sem koma
og er ekki að fara að fastráða mig
í leikhúsin í vetur. Aldrei að vita
að maður fái kannski eitthvað
að gera í Danmörku, en ég hef
svosem ekkert leitt hugann að
því, hlakka bara til að sjá myndina
þegar hún kemur á næsta ári.“
Hannes Friðbjarnarson
hannes@frettatiminn.is
Jóhann G. Jóhannsson
Stærstu verkefni
Nonni og Manni.
Flags of our fathers.
Englar alheimsins.
Skammernes Datter.
helstu leikarar
skammerens Datter
Sören
Malling
Hlutverk Torben Friis í sjón-
varpsþáttunum Borgen sem
Íslendingar þekkja.
Wallander.
Forbrydelsen.
Nikolaj og Julie.
Jakob
Oftebro
Kontiki (2012).
Sjónvarpsþættirnir Broen (
2013).
Sjónvarpsþættirnir
Lillyhammer ( 2013).
Allan
Hyde
Hefur leikið í dönsku
sjónvarpsseríunum
Ködkataloget og Heartless.
Stærsta verkefnið til þessa
er þó bandarísku þættirnir
True Blood.
Lj
ós
m
yn
d/
H
ar
i
Gómsæ og
glútenlaust
VAKANDI!VERTU
blattafram.is VERNDARI BARNA Í 10 ÁR
93% þolenda þekkja þann
sem beitir þá kynferðislegu
ofbeldi!
34 viðtal Helgin 4.-6. júlí 2014