Fréttatíminn - 31.10.2014, Blaðsíða 24
fonix.is • Hátúni 6a • 105 Reykjavík • S. 552 4420
Heimilistæki
Heimilistækjadagar 20% afsláttur
E f þú vilt heyra konur og menn stynja við borðið skaltu prófa uppskrift mína að konfiter-
aðri svínasíðu. Það er alltaf gaman
þegar maður er með gesti þegar
allir hlæja og skemmta sér en það
er líka gaman þegar allir þegja og
stynja af ánægju,“ segir Ragnar
Freyr Ingvarsson, læknir og matar-
bloggari í Svíþjóð.
Í vikunni kom út önnur mat-
reiðslubók Ragnars - Læknirinn
í eldhúsinu, veislan endalausa
- og Ragnar segir að áðurnefnd
svínasíða, elduð upp úr andafitu,
sé í uppáhaldi hjá sér af þeim upp-
skriftum sem er að finna í bókinni.
„Ég er hrifinn af því að elda upp úr
fitu. Þetta er kannski flóknasta upp-
skriftin í bókinni en hún er líka sú
besta.“
Hrein skemmtun að elda mat
Ragnar hefur um árabil haldið úti
blogginu Læknirinn í eldhúsinu þar
sem hann deilir tilraunum sínum
og uppskriftum með lesendum. Til-
viljun réði því að hann er kominn
þangað sem hann er í dag. Upphaf-
lega ákvað hann að halda dagbók
um það sem hann eldaði því honum
fannst hann alltaf vera að elda það
sama. Svo undu bloggskrifin upp á
sig og hann eignaðist traustan hóp
lesenda.
„Það er ákveðin fíkn að vera
bloggari. Það er gleði fólgin í því að
fá klapp á bakið,“ segir Ragnar um
skrif sín. „Ég er læknir, ég er ekki
í þessu til að græða peninga. Fyrir
mér er þetta hrein skemmtun, fjör,
eins og annað fólk fer í golfferðir.“
Hann er með Facebook-síðu sem
yfir níu þúsund manns hafa líkað
við. „Það er ofsalega verðlaunandi.
Þar sendir fólk mér fyrirspurnir,
spyr mig ráða og þakkar mér fyrir
uppskriftirnar.“
Þrátt fyrir vinsældirnar átti Ragn-
ar Freyr ekki von á því að hann væri
að fara að gefa út matreiðslubók
eins og raunin varð í fyrra. Sér í
lagi eftir að hann talaði við Forlagið
fyrir nokkrum árum og var sagt að
hann gæti gleymt því, hann væri
Fíkn að vera bloggari og fá klapp á bakið
Ragnar Freyr Ingvarsson
hefur sent frá sér aðra mat-
reiðslubók sína á tveimur
árum. Hann starfar sem
læknir í Lundi í Svíþjóð en
nýtir hverja lausa stund í
eldhúsinu og bloggar um
árangurinn af miklum móð.
Ragnar nýtur þess að búa í
Svíþjóð og horfir með hryll-
ingi á ástandið í íslenska heil-
brigðiskerfinu.
þeirri fyrri?
„Þessi er meira frá hjartanu.
Fyrri bókin hvíldi mikið á blogginu
þó ég hafi auðvitað eldað allt upp
aftur og betrumbætt. Um síðustu
jól settist ég niður og skrifaði niður
200 uppskriftir. Bæði sígildar og
nýjar.“
Hræðilegt ástand í íslenska
heilbrigðiskerfinu
Ragnar Freyr starfar sem gigtar-
læknir á háskólasjúkrahúsinu í
Lundi. Hann segir að það hafi verið
mikil viðbrigði þegar hann flutti út
fyrir sex árum til að fara í sérnám.
„Þá þurfti ég ekki lengur að vinna
kvöld- og helgarvaktir. Það var eins
og að fá 160 tíma á mánuði gefins.
Þá gat ég farið að prófa erfiðari
hluti í eldhúsinu.“
Hvernig líst þér á ástandið hjá
kollegum þínum í læknastétt heima
á Íslandi?
„Ástandið er hræðilegt. Mér
finnst leiðinlegt að vera neikvæður
en staðan er bara sú að við eigum
frábært heilbrigðisstarfsfólk - vel
menntaða lækna og hjúkrunar-
fræðinga - en restin er bara skelin
tóm. Kollegar mínir í Svíþjóð eiga
ekki til aukatekið orð þegar ég
segi þeim frá tækjabúnaðinum á Ís-
landi,“ segir Ragnar.
Hann nefnir sem dæmi að
furðu sæti að á Íslandi sé enginn
jáeindaskanni. „Við erum fimm-
tán árum á eftir öðrum. Ég panta
þessa rannsókn 2-3 í viku úti. Þetta
er vissulega dýr rannsókn en hún
skiptir sköpum í greiningu og með-
ferð krabbameina.“
Ragnar segir að nauðsynlegt
sé að leggja í margumtalaða 60
milljarða fjárfestingu og koma upp
almennilegu háskóla-
sjúkrahúsi hér. „Svo þarf
augljóslega að greiða
fólki betri laun, sam-
keppnishæfari laun. Það
er ekki hægt að ætlast til
þess að fólk éti þjóðern-
isástina.“
Af hverju telurðu að
ástandinu hafi verið leyft
að drabbast svona niður?
„Það er „þetta redd-
ast“ viðhorfið, við
reddum alltaf öllu. Í
Svíþjóð er allt skipulagt
og greint 2-3 ár fram í
tímann. Ég veit til að
mynda nákvæmlega
hvað ég verð að gera í
viku 21 á næsta ári. Við
vitum líka nákvæm-
lega hvað við þurfum af
lyfjaskömmtun í mars
2015 og þá leggjum við
bara inn pöntun fyrir
það og fáum afslátt fyrir
vikið. Það er auðvitað
mun dýrara að gera allt
á síðustu stundu. Maður
sparar peninga á að skipuleggja og
gera áætlanir fram í tímann. Það
skortir framtíðarsýn á Íslandi.“
Hann segist þó ekki útiloka það
að flytja aftur heim, jafnvel þó það
myndi þýða launalækkun upp á
marga tugi prósenta miðað við nú-
verandi aðstæður.
„Naflastrengurinn togar alltaf í
mann. Ég finn það þegar ég kem.
Hér er auðvitað vinir manns og
ættingjar. Ég er búinn að vera úti í
sex ár og er búinn að læra að vera
eins og Svíi. Samt næ ég því aldrei
alveg, það er í hjartanu að vilja gera
eitthvað spontant.“
Spilar skvass til að
geta borðað meira
Eins og sakir standa
nýtur Ragnar Freyr
þess að búa í Lundi.
Þar spilar hann skvass
þrisvar í viku og lyftir
lóðum. „Ég hef komist
að því að skvass brennir
flestum hitaeiningum.
Þannig að ég stunda
það og lyfti lóðum til að
geta borðað meira!“
Í Svíþjóð kveðst hann
fá frábært hráefni þó
hann taki reyndar alltaf
fisk og lambakjöt með
sér frá Íslandi. „Skánn
er landbúnaðarhérað
Svíþjóðar og hér er
ofboðslega gott úrval
af grænmeti. Ég er
með 20 ólíkar krydd-
jurtir úti í garði og sæki
mér steinselju þangað
í desember. Svo er Evr-
ópa við þröskuldinn hjá
okkur.“
Hann hyggst halda
ótrauður áfram að blogga og kveðst
meira en til í að skrifa fleiri bækur
ef áhugi reynist fyrir því. „Maður
þarf jú alltaf að borða svo ég er
ekki að fara að hætta að elda. Svo
eru börnin farin að elda með mér.
Dóttir mín er efnilegur bakari og
sonur minn deilir hnífaáhuga mín-
um. Hann er mikið í salatgerð. Sú
yngsta er reyndar aðallega fyrir.“
Höskuldur Daði Magnússon
hdm@frettatiminn.is
Ragnar Freyr Ingvarsson lét það verða eitt af sínum fyrstu verkum að fá sér pylsu á Bæjarins bestu í Hafnarstræti. Hann er á Íslandi til að kynna nýja matreiðslubók sína.
Ljósmyndari Fréttatímans stakk upp á því að Ragnar fengi sér tvíhleypu, tvær pylsur í einu brauði, en læknirinn lagði ekki í það í þetta skiptið. Ljósmynd/Hari
HvEr Er
38 ára gigtarlæknir
í Lundi.
Kvæntur Snædísi
Evu Sigurðardóttur
sálfræðingi.
Þau eiga þrjú börn
á aldrinum 2-13
ára.
Áhugamál: Mat-
reiðslan, skvass og
líkamsrækt.
Var að gefa út aðra
matreiðslubók sína.
Útgáfuhóf hennar
verður í Eymunds-
son á Skólavörðu-
stíg í dag, föstudag,
klukkan 17. Á
laugardag verður
hann svo í Líf og
list í Smáralind frá
13-17.
Ragnar Freyr
?hvorki kokkur né frægur. Ragnar komst hins vegar í kynni
við Tomma og Önnu sem reka
bókafélagið Sögur. „Það kom í
ljós að þau voru nýflutt til Lundar
og við Tommi hittumst í hádegis-
mat. Okkur varð mjög vel til vina
og hann tók séns á því að læknir
gæti skrifað bók. Það virkaði og við
seldum fullt af bókum. Við höfum
farið í ferðalög með þeim og þau
hafa étið helminginn af báðum bók-
unum hjá okkur!“
Þessi bók kemur frá hjartanu
Nýja bókin ber undirtitilinn Veislan
endalausa og segir Ragnar að hún
standi undir nafni. „Frá 5. janúar
og fram til 10. júní þegar ég skilaði
af mér handritinu var gegndarlaus
veisla hjá okkur. Það var smá pása
tekin þegar ég tók upp sjónvarps-
þætti á Íslandi og þegar við fórum
í stutt skíðafrí en annars var þessi
bók í matinn.“
Hver er munurinn á þessari og
Vel vopnum búinn
Ragnar Freyr viðurkennir fús-
lega að eldamennskan kalli á
talsverða fjárfestingu í græjum.
„Þú ættir að sjá eldhúsið mitt, ég
á allt! Ég er með tíu hellur og tvo
ofna. 8 eða 9 Le Creuset potta,
nóg af kopar og hnífum. Ég er
vel vopnum búinn. Þetta
er fíkn, það er gaman að
vera með góðar græjur.“
Hvað segir konan við þessu?
„Hún er hrifin af stígvélum
og ég geri ekki athugasemdir
við þau kaup hennar.“
24 viðtal Helgin 31. október-2. nóvember 2012