Fréttatíminn - 31.10.2014, Blaðsíða 20

Nærandi, orkugefandi og eykur lífsgæði
Spírandi ofurfæði
Útsölustaðir: Bónus um allt land.
Aðrir: Fjarðarkaup, Græni hlekkurinn, Hagkaup, Krónan,
Lifandi Markaður, Melabúðin, Nettó og Nóatún.www.ecospira.is
Sölustaðir Höfuðborgarsvæðið: Fjarðarkaup, Græni Hlekkurinn, Hagkaup, Lifandi Markaður
og Melabúðin. Um land allt: Bónus, Krónan, Nóatún, Kaskó, Nettó, Samkaup Úrval og Strax.
É g er ekki alltaf að semja tónlist, þetta birtist í ein-hverjum óróa sem breytist í
lag, einhver tilfinningalegur órói“,
segir Ragnheiður Gröndal tón-
listarkona. „Ég dvel yfirleitt ekki
lengi við lagasmíðar og ef þær
ganga eitthvað illa þá hendi ég bara
hugmyndunum eða bíð eftir því að
þær þróist á eðlilegan máta,“ segir
Ragnheiður sem var að senda frá
sér áttundu plötu sína, Svefnljóð.
„Hugmyndin að plötunni varð til
út frá ljóðinu Svefnljóð sem er að
finna í ljóðabókinni Bréf til nætur-
innar eftir Kristínu Jónsdóttur frá
Hlíð. Þetta er ótrúlega fallegt og
vel ort ljóð sem fangaði huga minn
mjög sterkt. Í stuttu máli fjallar það
um það hvernig við erum stundum
eins og þrælar vinnunnar og hvers-
dagsleikans – og hvernig hvíldin
endurnærir okkur. Ég hugsa Svefn-
ljóð bæði sem plötu sem hægt er að
setja á og njóta með fullri athygli,
en einnig má nota hana til þess að
hjálpa sér að sofna og hvílast vel.
Ég lagði áherslu á að öll stemn-
ingin á henni virkaði róandi fyrir
taugakerfið – og í raun var ferlið
ekkert annað en þerapía fyrir sjálfa
mig þar sem ég er oft frekar ör og
stressuð yfir lífinu almennt. Öll
lögin komu mjög auðveldlega og
ég man nánast stað og stund fyrir
hvert lag.“
Engir stælar í upptökunum
Á Svefnljóðum er að finna mörg
falleg ljóð eftir ýmsa höfunda,
ásamt ljóðum eftir Röggu sjálfa
og segir hún lögin oftast verða til í
kringum ljóðin. „Stundum kviknar
samt ákveðin tilfinning og í kjöl-
farið kemur laglína sem svo kallar á
texta eftir á.
Það er eitt lag sem mig dreymdi
á plötunni sem heitir Lifandi vatnið
og er við ljóð Sigurðar Pálssonar.
Við vorum pöruð saman í verk-
efni sem nefnist Sálmafoss og mig
dreymdi lagið áður en ég fékk
ljóðið sent. Svo kom það og small
saman, enda er þetta mjög sterkt
ljóð.“
Þú hefur leitað svolítið í Hallgrím
Helgason, henta hans ljóð þinni
músík vel?
„Já, hann er hæfilega húmor-
ískur og pínu skrýtinn. Hann er
líka orðasmiður, býr til hugtök
sem gaman er að vinna með. Svo
er þetta líka allt í takt við þær upp-
lifanir og reynslu sem ég hef orðið
fyrir. Ég eignaðist barn árið 2012
og í kjölfarið leitaði ég meira inn á
við og langaði að gera lágstemmda,
einfalda plötu,“ segir Ragga. „Ég
tók þá ákvörðun að hafa eins litla
stæla og ég gat í upptökunum. Á
sumum plötunum mínum hef ég
verið með hinar og þessar tilraunir,
bæði í útsetningum og söngstíl.
Núna langaði mig að fara aðeins til
baka og hafa sönginn og píanóið
sem kjarna og fanga einfaldleik-
ann.“
8 plötur fyrir þrítugt
Ragga hefur gefið út 8 sólóplötur á
löngum ferli þrátt fyrir að vera ekki
orðinn þrítug. Hún nær þremur
tugum í desember. „Ég var 18 ára
þegar fyrsta platan mín kom út og
voru það djass standardar. Þetta
hafa ekki allt verið plötur með
minni músík en í mínu nafni þó.“
Þú ert orðinn meira en djasssöng-
kona eins og þú byrjaðir? „Mig
hefur alltaf dreymt um að búa til
tónlist þar sem mörgum stílum
ægir saman. Fyrir tæpum tíu
árum fékk ég brennandi áhuga á
íslenskum þjóðlögum og í kjölfarið
leitaði ég í að hlusta á þjóðlaga-
og heimstónlist frá mörgum og
Nýjasta plata Ragnheiðar Gröndal nefnist Svefnljóð,
og er það hennar 8. sólóplata. Ragga, eins og hún
er kölluð, segist ekki viss hvort hún hefði náð jafn
langt hefði hún komið seinna fram á sjónarsviðið.
Hún gaf út sína fyrstu plötu aðeins 18 ára gömul
og gerði sér enga grein fyrir bransanum sem hún
var að demba sér út í. Hún segir djassinn geta verið
harðan húsbónda og segir langa leið frá því að læra
eitthvað og að geta eitthvað. Svefnljóð er hennar
meðal við stressinu sem hún hefur gagnvart lífinu.
ólíkum stöðum – og þá einkum til
þess að stúdera söngstílinn. Ég er
farin að líta á þessar plötur mínar
sem litlar etýður og æfingar í því að
komast nær mínum kjarna. Auðvi-
tað er eina vitið að vera
ekki alltaf að rembast
við að ætla að búa til
meistaraverk, heldur á
maður að leyfa sér að
flæða þangað sem áhugi
manns beinist hverju
sinni,“ segir Ragga.
Eru Íslendingar
kannski ekki með-
tækilegir fyrir þjóðlaga-
tónlist? „Ég held að ég
geti fullyrt það að það
er lítill hópur. Íslend-
ingum finnst mörgum
þetta vera óþægileg
músík. Hún er þung og
þessi hefð er svo bundin
við ljóðin og rímurnar.
Stemningin í íslenskum
þjóðlögum minnir
okkur of harkalega á
hvað stutt er síðan við
bjuggum í torfkofum.
Mér finnst þjóðlögin til
dæmis kenna okkur ým-
islegt um æðruleysi kynslóðanna
á undan okkur. Tek þó fram að ég
hefði samt alls ekki viljað vera uppi
fyrir tvöhundruð árum síðan og
gæti ekki fyrir mitt litla líf komist af
án þess að fá mér daglega soja-latte.
En hafandi unnið með tónlistarfólki
frá ýmsum löndum sem iðkar þjóð-
lagatónlist komst ég að því að marg-
ir hafa sömu sögu að segja – það er
að fólki upp til hópa finnst sín eigin
þjóðlagatónlist ekki áhugaverð.
Fólk heillast frekar af hefðum sem
eru þeim meira fram-
andi. En þetta er þó
gríðarlega mismunandi
eftir löndum og ég er síst
einhver sérfræðingur í
þessum efnum.“
Þráhyggja fyrir söng
Ragga ákvað mjög
snemma að hún ætlaði
að verða söngkona og
þegar hún vann söng-
keppni Samfés, 15 ára
gömul, var það ráðið.
„Þetta lá í kortunum.
Ég heillaðist mjög
snemma af þessu öllu og
fannst bara svo gaman
að syngja. Ég er með
þráhyggju fyrir söng,“
segir Ragga. „Svo þegar
ég hugsa til baka þá
finnst mér algert brjál-
æði hvað ég byrjaði ung
– vaðandi uppi á sjálfs-
trausti ungrar sálar en
jafnframt vanþroska. Í dag finnst
mér ég hafa verið ótrúlega heppin
að hafa náð að stimpla mig inn.
Ég er ekkert viss um að ég hefði
haft sjálfstraustið til þess að vaða í
þetta síðar. Þegar maður er 15 ára
þá hefur maður enga hugmynd um
hvað þetta er erfiður bransi og hvað
það getur verið erfitt að komast
að. Velgengni veltur mikið til á því
hvort maður fái góð tækifæri til að
láta ljós sitt skína.“
Af hverju valdirðu djassinn svona
snemma? „Það er eiginlega bara
Hauki bróður að kenna, og mamma
hlustaði líka mikið á djass,“ segir
Ragga en bróðir hennar er klarín-
ett- og saxófónleikarinn Haukur
Gröndal.
„Við vorum ekki alin upp við
popptónlist. Við erum í grunn-
inn algjörir nördar og í dag er ég
að uppgötva allskonar músík sem
fólki hefur þótt vera klassík í mörg
ár. Sem dæmi nefni ég Fleetwood
Mac. Ég heillaðist mikið af söng-
konum eins og Natalie Cole, Ellu
Fitzgerald, Söruh Vaughan og svo
Nancy Wilson sem er mín uppá-
halds söngkona. Á þetta hlustaði
ég daginn út og inn og grenjaði
svo yfir Celine Dion, Whitney og
Mariuh á hápunkti gelgjuskeiðsins.
Þær kenndu mér hinn svokallaða
slaufusöng, en þeirri tónlistar-
stefnu afneitaði ég þó í mörg ár og
reyndi að hafa látleysið í fyrirrúmi í
söng mínum.“
Fékk nóg af námi
Ragga fór í nám við FÍH strax eftir
grunnskóla og kláraði þar nám í
söng árið 2005, þá rúmlega tvítug
að aldri.
„Ég lærði söng hjá Jóhönnu
Linnet og Kristjönu Stefáns og hjá
Hver er
FæðiNGaRdaGuR:
15. desember 1984.
Maki:
Guðmundur Péturs-
son tónlistarmaður.
BaRN:
Gunnar Magnús
2ja og hálfs árs.
StaRF:
Tónlistarkona.
ÁHuGaMÁl:
Heilsa, næringar-
fræði, jóga, líkams-
rækt og andleg
málefni. Matargerð
og þá einkum og
sér í lagi grænmetis-
matargerð.
Ragnheiður
Gröndal
?
Framhald á næstu opnu
Þerapía fyrir
sjálfa mig
Mér finnst bara svo gaman að syngja. Ég er með þráhyggju fyrir söng, segir Ragnheiður Gröndal. Myndir/Hari
20 viðtal Helgin 31. október-2. nóvember 2012