Fréttatíminn - 31.10.2014, Blaðsíða 72

 Í takt við tÍmann katrÍn Ásmundsdóttir
Grænmetisæta með
gamlan Nokia-síma
Katrín Ásmundsdóttir er 22 ára laganemi í HR og annar stjórn-
enda sjónvarpsþáttarins Hæpsins. Hún keyrir um á tólf ára
gömlum Honda Jazz og elskar að fara í „brunch“ um helgar.
Staðalbúnaður
Fatastíllinn minn er einfaldur, það er
eiginlega allt svart. Ég kaupi mest föt í út-
löndum, í búðum eins og & Other Stories,
Monki og H&M.
Hugbúnaður
Þegar ég er ekki í skólanum eða að vinna
reyni ég að læra og að eiga gæðastund
með vinum og vandamönnum og kærast-
anum mínum. Mér finnst sérstaklega
gaman að fara í „brunch“ um helgar eða
að fara í bíó. Það er til dæmis algert möst
að fara á Riff. Ég æfi í World Class en hef
verið að æfa dans í Klassíska listdansskól-
anum og hef í hyggju að byrja þar aftur
þegar það verður aðeins minna að gera.
Ég fer ekki mikið út að skemmta mér en
það er alltaf gaman að fara út að borða
með vinum eða kíkja á góða tónleika. Ég
horfi á Homeland og Sopranos, American
Horror Story og House of Cards. Svo er
klassískt að detta í Sex and the City.
Vélbúnaður
Ég er með tvo síma, iPhone sem ekki er
hægt að hringja úr eða senda sms, og
gamlan Nokia-síma fyrir einmitt það. Ég
nota iPhone-inn til að komast á netið
og allt það. Ég myndi ekki segja að
samfélagsmiðlar séu minn vettvangur,
ég pósta mynd þegar ég man eftir því.
Aukabúnaður
Mér finnst mjög gaman að elda, það er
með því skemmtilegasta sem ég geri. Það
fer mikill tími í að skoða og leita að upp-
skriftum en ég mætti eyða meiri tíma í
að elda. Ég er grænmetiæta og græn-
metis smalabaka er einn af uppá-
halds réttunum mínum. Ég keypti
mér bíl núna í haust – 12 ára
gamlan Honda Jazz – og veit ekki
hvað ég gerði án hans. Það er
erfitt að ætla að fara milli skóla
og vinnu í strætó. Í sumar fór
ég til London með vinkonum
mínum. Þetta var í fyrsta
sinn sem ég kom þangað og
við fórum á tónlistarhátíðina
Wireless. Þar sáum við Earl
Sweatshirt, Azealia Banks
og Iggy Azalea og marga
fleiri flotta poppara.
Plötuhorn hannesar
5

ADHD
Hlýlegur tregi
Hljómsveitin ADHD
hefur fest sig í sessi sem ein
áhugaverðasta djasssveit
landsins. Nýjasta plata
þeirra, sú fimmta í röðinni,
nefnist einfaldlega 5 og er
sveitin eins og oft áður að
gæla við djassstef og form
í blöndu við skemmtilegar
rytmapælingar. Tónlist
ADHD er skandinavísk að
mörgu leyti. Það gætir ein-
hverrar norrænnar einlægni
í þessum stefjum. Lögin
eru, ef eitthvað er, aðeins
þyngri en á fyrri plötum og
sumstaðar minnir hljóð-
heimurinn á sveitir eins
og Sigur Rós og Godspeed
You Black Emperor, sem
er ekki leiðum að líkjast.
Hlýr tónn saxófónleikarans
Óskars Guðjónssonar og
snyrtilegar hrynpælingar
Magnúsar Trygvasonar
Eliassen trommuleikara
binda þennan hljóðheim
saman. Þessi plata ADHD er
aðeins tormeltari en fyrri
plötur en samt eru einkenni
sveitarinnar sterk og það er
virkilega gaman að fylgjast
með þróun þessarar sveitar.
Bestu lög: Indjánadans-
inn, Sveðjan og Eyþór
Gunnarsson.
vellir

Snorri Sigurðarson
Fyrirmyndar
frumraun
Trompetleikarinn Snorri
Sigurðarson er einn fremsti
djasstrompetleikari landsins
og er varla neinn tónlistar-
maður starfandi sem Snorri
hefur ekki spilað með. Vellir
er hans fyrsta plata þrátt
fyrir að hafa verið lengi að.
Lögin eru öll eftir Snorra
og nýtur hann aðstoðar
hljóðfæraleikaranna Einars
Vals Scheving, Agnars Más
Magnússonar og Richard
Anderson. Tónlistin á
plötunni er góð blanda hefð-
bundinna Be-Bop skotinna
djasslaga og þjóðlegra
stefja. Snorri leikur bæði
á trompet og flugelhorn á
plötunni og ég er ekki frá því
að flugelhornið hafi vinning-
inn hjá Snorra, þó trompet-
leikurinn sé vissulega til
fyrirmyndar líka. Platan
rennur ákaflega ljúflega í
gegn og það er greinilegt
að Snorri er lunkinn tón-
smiður. Vonandi líður ekki
langur tími að næstu plötu.
Hljóðfæraleikur á plötunni
er til mikillar fyrirmyndar og
hljóðheimurinn er mjúkur
og áreynslulaus.
Bestu lög: Hægt og sljótt,
Beint í moll og Vellir.
svefnljóð

Ragga Gröndal
Tímamót
Svefnljóð er 8. sólóplata
söngkonunnar Röggu
Gröndal sem þarf vart að
kynna fyrir tónlistaráhuga-
fólki. Lögin á plötunni
eru eftir Röggu sjálfa
fyrir utan eitt lag sem er
eftir Guðmund Pétursson
gítarleikara. Ragga sýnir á
þessari plötu að hún er full-
skapaður listamaður sem
vert er að taka alvarlega
fyrir alla sína vinnu. Platan
byrjar á hinu seiðmagnaða
titillagi og maður opnar
ósjálfrátt eyrun og hlustar
af andakt. Það er varla
veikan blett að finna á
þessari plötu. Söngur
Röggu er gríðarlega yfir-
vegaður og það heyrist vel
hvaða vald hún hefur á
hljóðfæri sínu. Hljóðheim-
urinn er mjög fallegur og
bindur lögin saman ásamt
öllum hljóðfæraleik, sem er
minimalískur sem gerir það
að verkum að laglínur fá að
njóta sín til fullnustu. Ég er
á því að þessi plata verði
til þess að Ragga Gröndal
verður talin ein besta
tónlistarkona landsins um
ókomna tíð – og hana nú!
Bestu lög: Svefnljóð,
Landgangur, Litla barn,
Ástarorð og Lifandi vatnið
Lj
ós
m
yn
d/
H
ar
i
H
V
ÍT
A
H
Ú
SI
Ð
/
S
ÍA
72 dægurmál Helgin 31. október-2. nóvember 2012