Vísbending - 24.12.2012, Blaðsíða 19

19
Forseti Íslands var á
erlendum vettvangi
nefndur Dalai Lama
norðursins. Þetta varð
tilefni til eftirfarandi
hugleiðingar:
Snow sagðist hafa frétt af því að á Íslandi væri eins konar útibú frá hinu fræga vaxmyndasafni
Madame Tussaud. „Eins og allir vita eru vaxmyndirnar þar svo eðlilegar að maður nánast heilsar
þeim. En á Íslandi ganga þær sprelllifandi um götur höfuðborgarinnar. Ríkisstjórnin er til dæmis
undir forystu Móður Teresu vestursins, konu sem hefur helgað bágstöddum allt sitt líf. Allt bendir
til þess að í lok stjórnartímabils hennar náist það takmark að allir landsmenn verði bágstaddir.“
Og Snjómaðurinn hélt áfram: „Helsti samstarfsmaður hennar gekk þvert yfir Ísland fyrir nokkrum
árum. Þetta hefur enginn gert nema Gandhi á Indlandi. Þarna eru Móðir Teresa og Gandhi saman
og leiða þjóðina með Dalai Lama í forsæti.“
Lifandi vaxmyndasafn, 12. tbl.
að lokum ráð sem Heldur gildi sÍnu árið 2013:
lokaorð perssons voru: „þið verðið að laga hagstjórn-
ina. ef þið gerið það ekki sjálf gerir einhver annar það
fyrir ykkur.“
Heimssýn frjálslynds jafnaðarmanns, 47. tbl.
Þróun síðustu ár hefur orðið sú sem vonast var eftir, að Ísland yrði
ekki einungis tákn heimskreppunnar sem hófst árið 2008 heldur ekki
síður tákn viðreisnar. En þótt greiðist úr skammtímavandamálum,
á enn eftir að leysa mörg langtímavandamál. Eitt slíkt er að hanna
peningakerfi sem ekki brotnar í fyrstu vindhviðum.
Viðsnúningur, Gylfi Zoega, 27. tbl.
Þegar litið er til næstu 5-10 ára eða svo mun gengi íslensku krónunnar
verða veikt og mun veikara en það hefur verið síðustu áratugi. Hið
veika gengi kemur til af nauðsyn því Ísland þarf að viðhalda góðri
samkeppnishæfni til þess að auka útflutningsframleiðsluna.
Vöxtur í vændum? Ásgeir Jónsson, 3. tbl.
Stöðugt gengi er forsenda fyrir stöðugu verðlagi hér á landi. Kerfi
með föstu gengi myndi því framkalla stöðugra verðlag og gera afnám
verðtryggingar mögulega. Þátttaka í evrópska myntsamstarfinu
virðist eina framkvæmanlega fastgengiskerfið. Valið stendur því á
milli þess að taka þátt í evrusamstarfi eða hafa fljótandi gengi með
Tobin-skatti og öðrum aðgerðum sem ætlað er að draga úr sveiflum
á gengi krónunnar.
Tobin-skattur og peningastefnan, Gylfi Zoega, 4. tbl.
Í raun er því ekki hægt með afdráttarlausum hætti að komast
að endanlegri niðurstöðu um hvaða gengisfyrirkomulag henti
Íslendingum um alla framtíð út frá hagfræðilegri greiningu. Loks er
óhjákvæmilegt að málið sé útkljáð á pólitískum vettvangi.
Kostir og gallar mismunandi fyrirkomulags gengismála, Þórarinn G.
Pétursson, 39. tbl.
Fyrst skapaði íslenska krónan hér falskt góðæri í upphafi aldarinnar
og svo lokaði hún landinu með gjaldeyrishöftum.
Skortur á samkeppni á fjármálamarkaði kallar á misskilning, Bolli
Héðinsson, 20. tbl.
Frá því að verðbólgumarkmið var tekið upp hefur vanspá
verðbólgu verið mun algengari en ofspá og á það bæði við ársspár
og mánaðarlegar spár sem oft eru birtar nokkrum dögum fyrir
birtingu vísitölu neysluverðs.
Ónákvæmni í verðbólguspám, Yngvi Harðarson, 42. tbl.
Vel má færa sannfærandi rök gegn útbreiddri notkun
verðtryggingar á Íslandi. Hún minnkar áhrifin af vaxtaákvörðunum
Seðlabankans. Jafnframt má færa fyrir því rök að verðtryggingin
dragi úr aðhaldi við hagstjórn með því að minnka neikvæð
áhrif verðbólgu. Þessi grein dregur þó í efa að þá fullyrðingu að
meginrök gegn verðtryggingu lána séu að slík lán séu sérstaklega
óhagstæð fyrir lánþega.
Verðtrygging og greiðslubyrði, Daði Már Kristófersson, 16. tbl.
Lykillinn að því að á Íslandi geti verið stöðugleiki til lengdar
er að verðbólga sé svipuð hér og í nágrannalöndum. Það verður
ekki nema launahækkanir verði ekki umfram það sem fyrirtækin
geta borið.
Ný þjóðarsátt: Hvað ef við kynnum okkur hóf? 15. tbl
Sumir þóttust sjá vonarglætu, en peninga- og
gengismál voru greinarhöfundum hugleikin:
Eftir stendur spurningin um hvers vegna stórir bankar, sem hafðu átt að vera
öðrum fyrirmynd, stóðu í braski og svindli. Hvers vegna var ekki eftirlitskerfi í
bönkunum sem varaði við því hvað var í gangi?
Bankar eða veðbankar? 26. tbl.
Það virðist því mega álykta sem svo að kostnaður íslenskra skattgreiðenda
verði um það bil fimm sinnum meiri en kostnaður breskra skattgreiðenda vegna
þeirra áfalla sem dundu á fjármálafyrirtækjum á tímabilinu frá 2007 og fram til
dagsins í dag. Kannski segir það einhverja sögu um gæði bankaeftirlitskerfa og
bankaeftirlitsstofnana í löndunum tveim?
Kostnaður ríkissjóðs vegna falls fjármálafyrirtækja, Þórólfur Matthíasson, 43. tbl.
Sanngirnisrök mæla með því að reynt verði að
leysa vanda þeirra sem skulda mest með því að
lækka greiðslubyrði. Þeim sem skulda meira í húsum
sínum en þeir eiga verði leyft að skila húslyklunum
og vera þannig lausir allra mála. Skynsemisrök mæla
með því að horft sé heildstætt á þennan vanda því
að þjóðfélagið líður fyrir hann. Hann verður aldrei
minnkaður ókeypis og eiginfjárvandinn aldrei bættur
að fullu.
Samfélagsvandi, 45. tbl.
Verðbólga og
vextir voru aldrei
langt undan: