Frjáls verslun - 01.03.2013, Page 21

FRJÁLS VERSLUN 3. 2013 21
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fundir - Móttökur - Veisluþjónusta
Jó úin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fundir - Móttökur - Veisluþjónusta
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
myndun
stjórnar Stjórnarmyndunarviðræð urn ­ar vöktu fyrst athygli vegna þess sem ekki var í fréttum: Hvað var að gerast á bak við tjöldin? Flókið sjónarspil eða bara einfalt kurteisistal fárra? Var formaður Fram ­
sóknarflokksins að snupra Bjarna Bene ­
diktsson viljandi með því að tala fyrst við
aðra og það aftur og aftur? Það fór um
marga sjálfstæðismenn. Framsóknarmaður
sagði við Frjálsa verslun að „menn halda
alltaf að hlutirnir séu flóknari en þeir eru
í raun og veru. Það var ekkert sérstakt í
gangi annað en að tala við alla“.
Jóhannes Þór Skúlason, aðstoðarmaður
Sig mundar Davíðs, segir að þessi
taugatitringur hafi verið óþarfur og alls
ekki eins alvarlegur og haldið var fram í
fréttum.
„Ég held ekki að þetta hafi varanleg áhrif
á samstarf Sigmundar Davíðs og Bjarna.
Þeir hafa áður unnið vel saman í þinginu
og þekkjast vel,“ segir Jóhannes Þór.
Lykilstaða sigmundar davíðs
Stefanía Óskarsdóttir stjórnmálafræðingur
er ekki heldur viss um að forleikurinn að
stjórnmyndunarviðræðunum hafi verið
nákvæmlega skipulagður leikþáttur af
hálfu Framsóknarflokksins.
„Þó er augljóst að Sigmundur Davíð vildi
sýna að hann er i lykilstöðu; þeirri stöðu
sem miðjuflokkar gjarnan hafa og Al þýðu ­
flokkur og Framsóknarflokkur höfðu áður,“
segir Stefanía.
„Vandinn er að flokkarnir til vinstri töp ­
uðu svo hræðilega núna að þeir geta varla
verið með í stjórn. Sigmundur Davíð vissi
líka að Sjálfstæðisflokkurinn gæti ekkert
leitað þótt töf yrði á formlegum stjórnar ­
myndunarviðræðum. Framsókn er með öll
trompin á hendinni,“ segir Stefanía.
Ólafur Ísleifsson hagfræðingur hefur
líka takmakaða trú á flóknu valdatafli í
að draganda viðræðnanna: „Formaður
í miðjuflokki býr við þær aðstæður að
hann verður að leita samstarfs til hægri og
vinstri. Einhver hópur í flokknum verður
alltaf fyrir vonbrigðum með niðurstöðuna
og formaðurinn verður að geta sagt við
þann hóp: Ég reyndi en það reyndist ekki
grundvöllur fyrir samstarfi,“ segir Ólafur.
Ólafur segir einnig að Sigmundi Davíð
hafi tekist að sýna að hann er í lykilstöðu,
sem þrengir kosti Bjarna Benediktssonar,
sem býr við þá aðstöðu að lífsnauðsyn er
fyrir flokk hans að komast í stjórn.
Hik á vinstri væng Framsóknar
Stefanía bendir einnig á sögulegar ástæður:
„Það eru líka gamlar efasemdir innan
Fram sóknarflokksins um stjórnarsamstarf
við sjálfstæðismenn,“ segir hún. „Það er
vinstriarmur í flokknum og sagan sýnir
að framsóknarmenn tapa oftast fylgi á
samstarfi til hægri. Það var meira að segja
farið að líta á flokkinn sem hægriflokk.
Þess vegna getur hafa verið raunverulegur
þrýst ingur innan hans að leita eftir við ­
brögðum vinstriflokkanna.“
Ólafur bendir líka á að sviptingarnar í
póli tíkinni í vor hafi styrkt mjög stöðu Sig ­
mundar Davíðs. Hann hafði frjálsar hendur
og umboðið frá forsetanum:
„Sigmundur Davíð er ný stærð í íslensk ­
um stjórnmálum. Hann hefur orðið að þola
háð og spott en hann hefur sýnt að hann
er stjórnmálamaður af styrkleika sem ekki
ber að vanmeta. Hann hefur hæfileika til
að flytja fólki sannfærandi boðskap,“ segir
Ólafur.
áhætta sjálfstæðisflokks
Viðmælendur Frjálsrar verslunar eru því
á þeirri skoðun að taugatitringurinn sem
varð á milli flokkanna í upphafi muni ekki
hafa varanleg áhrif á samstarfið. Aðrir
þættir gætu reynst vandasamari.
Stefanía bendir á að „það getur verið
áhættusamt fyrir Sjálfstæðisflokkinn
að fara í stjórnarsamstarf á forsendum
Fram sóknarflokksins. Það liggur í loft ­
inu að framsóknarleiðin verður valin í
skuldamálum en skattalækkanir Sjálf ­