Frjáls verslun - 01.03.2013, Qupperneq 25

FRJÁLS VERSLUN 3. 2013 25
Að vera á tánum … í vinnunni
Thomas Möller segir að þeir sem spila badmin-ton þekki mikilvægi þess að vera á tánum þegar
spilað er til sigurs. Hann segir
líka mikilvægt að vera „á tánum“
í fyrirtækjarekstri.
Thomas bendir á nýlega könn-
un, „Why good companies fail“,
sem gefur í skyn að andvaraleysi
stjórnenda („complacency“)
sé ein helsta ástæða rekstrar-
erfiðleika og gjaldþrota. Að
mati Thomasar er kæruleysi og
áhyggjuleysi vegna eigin vel-
gengni áberandi bæði á Íslandi
og erlendis.
„Dæmigert fyrir fyrirtæki sem
eru ekki nægilega „á tánum“ er
að þau sjá ekki nýja þróun sem
ógnun. Stjórnendur hjá þessum
fyrirtækjum eru ómeðvitaðir
um þær hættur sem steðja
að fyrirtækinu svo sem vegna
tækni þróunar eða nýrrar sam-
keppni. Stjórnendur hjá Kodak
sögðu t.d. að stafrænar myndir
væru bóla og svo fór fyrirtækið
á hausinn. Fyrirtæki sem fylgjast
ekki með breytingum á hegðun
neytenda lenda oft í erfiðleikum.
Dæmi um slíkt eru fyrirtækin
Polaroid og PanAm.“
Thomas segir að vilji og geta
fyrirtækja til að laga sig að nýj-
um aðstæðum, finna ný tæki færi,
sveigjanleiki og snerpa séu
bestu tækin í hinum hraða og
sí breytilega heimi viðskipta og
þjón ustu í dag.
„Önnur algeng ástæða fyrir
gjaldþroti er að fyrirtækin halda
sig ekki við sínar sterku hliðar og
sérstöðu. Oftast eru forstjórarnir
með of margar hugmyndir; reyna
að gera of mikið og halda sig
ekki við stefnuna sem stjórnin
hefur markað.
Þá er í þriðja lagi hætta á að
rekstur þeirra fyrirtækja stöðvist
sem eru ekki á tánum hvað
varðar fjárstreymi („cashflow“).
Of mikil binding í birgðum er þar
algengasta ástæðan. Ef þú þarft
að lyfta þér upp á tærnar til að
sjá allar birgðirnar skaltu hafa
áhyggjur,“ segir Thomas í léttum
dúr.
tHomas möller
– framkvæmdastjóri rýmis
STJÓRNUN
Ásmundur Helgason segir að fimm sinnum fleiri lesi fyrirsagnir en meginmál í prentaug-
lýsingum.
„Góð þumalputtaregla er að
fyrirsagnir setji fram loforð um
þann ábata sem af vörunni
fæst. Þá getur líka verið áhrifa-
ríkt að nota tilvitnun en það
gefur til kynna að upplýsingarn-
ar komi frá þriðja aðila, sem
getur aukið trúverðugleika.
Spurningarformið í fyrirsögn
getur líka verið gott að nota en
spurning krefur lesandann um
afstöðu til spurningarinnar og
þar með er hann farinn að taka
þátt í skilaboðunum. Áhættan er
að spurningin, eða öllu heldur
svarið, geri lesandann afhuga
vörunni.“
Ásmundur segir að fleiri taki
eftir fyrirsögn en ella ef hún er
fréttnæm. Hann segir að það
geti verið gott að hafa vörumerk-
ið í fyrirsögninni til að auka líkur á
að lesendur muni hvað var verið
að auglýsa.
„Það borgar sig ekki að nota
flókin orð, tvíræðni né neitt slíkt
því það dregur úr líkunum á að
fólk muni eftir auglýsingunni.
Hins vegar getur verið gott
að vera með óvænt skilaboð í
fyrirsögninni.“
Stundum á vel við að hafa
meginmálstexta langan, svo
sem í söguformi, auk þess sem
það getur verið gott að nota
upptalningu með tölustöfum.
„Það leiðir lesandann frá lið eitt
niður í lið tvö og svo koll af kolli.
Algengur misskilningur er að
reyna að hafa sem minnstan
texta en það getur reynst nauð-
synlegt að veita upplýsingar til
að auðvelda lesandanum að
taka afstöðu til vörunnar og til
að geta borið hana saman við
samkeppnisvörur. Þá má nefna
að á meðan lesendur eru lík-
legastir til að lesa fyrirsagnir eru
myndatextar það næsta sem
þeir eru líklegir til að lesa.“
Fyrirsögnin er stóra málið
ásmundur Helgason
– markaðsfræð ingur hjá dynamo
AUGLÝSINGAR
M
enningarbylt-
ingin í Kína
var ekki til
beint til þess
fallin að hlúa
að mannauði, svo vægt sé til
orða tekið. Byltingin markaði
spor í uppvöxt Ping Fu en síðar
sá hún sér þann kost vænstan
að flytja til Bandaríkj anna eða
það sem sennilegra er að nýta
sér „ráðleggingar“ kínverskra
stjórnvalda um að flytja úr
landi. Hún kunni varla orð í
ensku og það var ein ástæða
þess að hún valdi að leggja
stund á nám í forritun en í þeirri
grein taldi hún að tak mörkuð
enskukunn átta sín yrði ekki
óyfirstíganlegur þröskuldur.
Sam hliða námi vann Ping Fu
ýmis störf til að geta greitt
skólagjöld og framfleytt sér.
Að loknu meistaraprófi í
tölv unarfræði frá Háskólanum
í Illinois réðst hún til starfa
hjá rannsóknarsetri á vegum
skólans og þar fór boltinn að
rúlla en rannsóknarteymi sem
hún stýrði vann meðal annars
að þróun þrívíddartækni.
Fyrir hvatningu stjórnenda
rannsóknarsetursins stofnaði
Ping og eiginmaður hennar
fyrirtækið Geomagic fyrir 15
árum. Viðskiptasvið fyrirtæk i s-
ins er það sem Ping kallar sjálf
„internet hlutanna“. Hér ræðir
um að hlutir eru prentaðir í
þrívídd, eins framandi og það
kann að hljóma. Í huga flestra
er prentun einfaldlega eitt lag af
pappír. Þrívíð prentun er hvert
lagið á fætur öðru. Í nýlegu
sjónvarpsviðtali á BBC sat Ping
í mestu makindum í rauðum
skóm sem hún hafði „prentað
út“. Og hún velkist ekki í vafa
um framtíð þrívíddarhönnunar
og þrívíddarprentunar. „Þetta er
næsta stóra skrefið, eins stórt
og gufuvélin, færibandið eða
Internetið …“ Bylting sem muni
hafa áhrif jafnt á burgeisa sem
aðra.“
loftur ólafsson
– sérfræðingur hjá Íslandssjóðum
ERLENDI
FORSTJÓRINN
Frá einni byltingu
til annarrar
Ping Fu eigandi Geomagic: