Frjáls verslun - 01.03.2013, Blaðsíða 78

78 FRJÁLS VERSLUN 3. 2013
Oft er starfsmaður gerður að stjórnanda af því að hann var besti sérfræð ing­
urinn í deildinni. Er eitthvert vit í því? Góður sérfræðingur þarf engan
veginn að vera góður stjórnandi.
Þ
að að vera góður
stjórn andi, yfirmaður
eða leiðtogi reynir á
margt annað en bara
faglega eða tækni-
lega þekkingu á þeim verkefn -
um sem unnin eru í deild hans
eða þekkingu á starfsumhverfi
vinnustaðarins. Þó er reyndin sú
að of oft eru starfsmenn gerðir
að stjórnendum af því þeir voru
bestu sérfræðingarnir í eining -
unni en fá svo jafnvel enga
þjálfun í stjórnun eða upplýsing-
ar um hvaða viðbótarkröfur eru
gerðar til þeirra sem stjórnenda.
Það að vera stjórnandi, eða
yfirmaður með mannaforráð,
getur verið mjög skemmtilegt
og gefandi starf, sérstaklega
þegar vel gengur og tekst
að hafa áhrif á framgang og
útkomu mála á vinnustaðnum.
Það er ekki síður gaman og
gefandi þegar tekst að hafa
áhrif á framgang og velsæld
starfsfólksins.
En til þess að ná þessu er
ýmislegt varðandi þig, kæri
stjórnandi, sem þú gætir þurft
að skoða.
Sjálfstraust
Það hvernig yfirmönnum, og
starfsfólki öllu, gengur með
eigin framgang og þróun í starfi
og hversu vel þeim gengur að
hafa áhrif og ná árangri byggist
að töluverðu leyti á sjálfstrausti.
Þá er ekki verið að tala um
sjálfstraust þar sem einstakl-
ingar treysta bara sjálfum sér
alltaf best eða telja að enginn
geti gert eins vel og þeir –
heldur sjálfstraust sem þarf til
að geta tekið ákvarðanir, útdeilt
verkefnum, tekið á málum, veitt
endurgjöf og til að hrósa.
Þeir yfirmenn, sem leyfa ekki
starfsfólkinu að njóta sín og síns
árangurs og eiga heiðurinn af
verkum sínum, geta ekki útdeilt
verkefnum eða leggja ekki í að
hafa starfsfólk sem hefur jafnvel
meiri þekkingu eða reynslu en
þeir sjálfir, hafa væntanlega
ekki nægjanlegt sjálfstraust.
Yfirmenn sem aldrei komast í
frí því þeir telja að enginn geti
leyst verkefni þeirra ættu líka
aðeins að skoða málin. Skortur
á sjálfstrausti getur því orðið til
þess að yfirmenn treysta sér
ekki til að grípa og nýta ýmis
tækifæri sem gætu verið þeim,
einingu þeirra og vinnustaðnum
öllum til hagsbóta.
Samskiptahæfni
Talað hefur verið um og vísað í
rannsóknir sem hafa sýnt fram
á að 85% af skýringunni á því
af hverju fólk er ráðið í starf eða
fær framgang í starfi er sam-
skiptahæfni og viðhorf.
Í nútímastarfsumhverfi, þar
sem t.d. skipulag fyrirtækja
verður æ „flatara“ en á sama
tíma jafnvel alþjóðlegra, reynir
oft mikið á samskipti við alls
konar fólk; birgja, viðskipta-
vini, samstarfsfólk, yfirmenn,
undirmenn, starfsfólk alls kyns
stofnana, erlenda aðila o.fl.
Það hversu vel þessi sam-
skipti ganga, hversu vel ein -
staklingum tekst að vinna sínum
málum brautargengi, hversu
vel þeim gengur í samninga-
viðræðum af ýmsum toga og
stjórnun
þegar besti sérfræðingurinn
er gerður að yfirmanni
Herdís Pála
MBA, markþjálfi og
eigandi www.herdispala.is þar
sem hægt er að skrá sig fyrir
ýmsu ókeypis og hvetjandi
lesefni.
„Skortur á sjálfs­
trausti getur því orðið
til þess að yfir menn
treysta sér ekki til að
grípa og nýta ýmis
tækifæri sem gætu
verið þeim, einingu
þeirra og vinnu­
staðnum öllum til
hagsbóta.“ – í sambandi við allt118 Já.is Stjörnur.is Símaskrá Já í símann i.ja.is
Já – það passar