Dagblaðið Vísir - DV - 30.06.2008, Blaðsíða 11
DV Fréttir mánudagur 30. júní 2008 11
Kostuðu miKið
en sKila new
yorK enn meira
Borgaryfirvöld í New York gera ráð
fyrir að verk Ólafs Elíassonar, Foss-
arnir í New York, muni skila borginni
að minnsta kosti 55 milljónum doll-
ara, rúmum 4,4 milljörðum króna, í
tekjur. Kostnaður var rúmur millj-
arður eða 15 milljónir dollara en Pu-
blic Art-sjóðurinn sá að mestu um
fjármögnun. Ólafur vígði fyrir helgi
fjóra fossa sem hann lét reisa í New
York-borg en vinna við þá hefur stað-
ið yfir í tvö ár.
Stærsta verkið
Fossar Ólafs eru stærsta listaverk
sem sett hefur verið upp af borgar-
yfirvöldum í New York frá því 2005.
Þá settu hjónin Christo og Jeanne-
Claude upp verkið Gates. Verkið stóð
í Central Park í New York og var 26 ár
í undirbúningi. Talið er að það hafi
skilað fyrirtækjum í borginni 254
milljónum dala í tekjur.
Fossarnir eru í sama stærðarflokki
og 10 hæða bygging. Þeir munu dæla
samtals 35 þúsund gallonum eða
rúmlega 133 þúsund lítrum á mín-
útu í allt sumar. Fossarnir verða í
gangi frá 7 á morgnana fram til 10 á
kvöldin þar til 13. október. Samtals
munu því renna 3.465.000.000 gall-
on um fossana fjóra eða rúmlega 14
milljónir lítra. Þeir eru byggðir upp
á 270 tonnum af stillönsum eins og
fólk þekkir úr byggingariðnaði.
Einn foss er undir Brooklyn-
brúnni, einn er á milli bryggju fjög-
ur og fimm í sama hverfi, einn er við
bryggju 35 á Manhattan og einn er
við norðurströnd Governors Island.
Stolt af verkinu
Borgarstjórinn í New York, Mic-
hael Bloomberg, sagði verk Ólafs
mjög merkilegt og hann bauð það
velkomið til borgarinnar á opnun-
arhátíðinni. „Public Art-sjóðurinn
gefur okkur New York-búum ekki
aðeins innblástur heldur kemur
með milljónir dollara inn í efna-
hagskerfið okkar. New York-borg er
stolt af því að hafa sjóð eins og Pu-
blic Art í okkar borg og við erum
einnig stolt af því að hafa verk Ólafs
hér hjá okkur.“
Benedikt BóaS hinRikSSon
blaðamaður skrifar: benni@dv.is
Fossar ólafs elíassonar kostuðu skildinginn en skila meiru til
New York-borgar að mati Michaels Bloomberg borgarstjóra.
Verk Ólafs er stærsta listaverkið sem hefur verið sett upp í stóra
eplinu í þrjú ár, eða síðan Christo og kona hans Jeanne-Claude
létu til sín taka.
Mikið sjónarspil Fossar Ólafs
Elíassonar hafa vakið heimsathygli.