Dagblaðið Vísir - DV - 30.06.2008, Blaðsíða 16
Svarthöfði hefur fylgst með gjaldeyrisumræðu þjóðarinn-ar með öndina í hálsinum yfir
því hvað taki við af krónunni eftir
að hákarlarnir átu hana. Flestir vilja
taka upp evruna, en það er Svart-
höfða lítt þóknanlegt. Evrópusam-
bandið samanstendur af ýmsum
minnipokaþjóðum sem hafa eytt
síðustu hálfri öld í að hörfa. Það
væri hrikalegur ósigur þjóðarinnar
að koma með skottið á milli
lappanna eftir hrakfar-
ir í útrásinni og biðja
um náð og miskunn.
Hefðu víkingarnir á
sínum tíma bank-
að upp á hjá írsku
munkunum og beðið
um brauð og kristnun,
ef strandhöggið hefði mis-
heppnast?
Ef við tækjum upp evru kæmi annað atriði í hausinn á okkur. Evran er nú í kring-
um 130 krónur, en ekki 80 krónur
eins og áður var. Allt íslenska hag-
kerfið færi á útsölu inn í Evrópu-
sambandið. Sparifé okkar og eignir
myndu rýrna svo um munar.
Fleiri og furðulegri hugmynd-ir eru uppi. Björgólfur Thor Björgólfsson vildi til dæmis
taka upp svissneskan franka. Þeir
sem fylgdust með leik Þjóðverja og
Tyrkja í undanúrslitum Evrópu-
meistaramótsins í knattspyrnu sáu
auðvitað að Svisslending-
ar ráða ekki einu sinni við
gervihnattaútsendingu. Þeir
eiga að halda sig við sínar
sterku hliðar: Súkkulaði, úr og
jóðl.
Ekki má heldur gleyma að sviss-neski frankinn
hefur hækkað á sama
hátt og evran. Hann er
eiginlega bara evra. Og
hvað ættum við svo sem
að kalla þennan nýja gjald-
miðil? Íslenskan svissneskan
franka!?
Enn aðrir hafa viljað taka upp norska krónu. Það er ljóst að slíkt yrði mikið fjörbrot ís-
lenskrar þjóðar og einungis stolts-
ins vegna er það með öllu útilokað.
Svarið kom undir lok síðustu viku. Geir H. Haarde vill taka upp Bandaríkjadalinn
frekar en annað. Þessu samsinnir
Svarthöfði af öllu hjarta. Í fyrsta
lagi hefur dollarinn ekki hækk-
að jafnhrikalega og evr-
an undanfarið, þannig
að segja mætti að við
fengjum meira fyrir
hverja krónu þegar
umskiptin yrðu. Flest-
um ætti einnig að vera
ljóst að Ísland á miklu
meira sameiginlegt með
Bandaríkjamönnum heldur
en Evrópumönnum. Íslending-
ar horfa aðallega á amerískar
bíómyndir og frumkvöðlaand-
inn er svipaður. Bæði lönd þurftu
að berjast gegn kúgun nýlendu-
herra. Auk þess eiga þjóðirnar
sameiginlegt að vera heimsmeist-
arar í bílaeign.
Fyrir utan þá
jarðfræði-
legu stað-
reynd að
vesturhluti
Íslands er í
Ameríku.
Ljóst er af öllu að Geir hefur lög að mæla
þegar hann mælir með upptöku
dollarans. Að mati Svarthöfða ætti
að taka skrefið til fulls og ganga til
liðs við Bandaríkin. Ísland myndi
sóma sér vel sem fimmtugasta og
fyrsta fylkið. Það sem er mikilvæg-
ast er að verðlagið í Bandaríkjun-
um er mun betra en í Evrópusam-
bandinu. Og ekki skemmir fyrir
að bensínið fæst í gallonum í stað
lítra.
mánudagur 30. júní 200816 Umræða DV
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson
framkVæmDaStjóri: Elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fulltrÚi ritStjóra:
janus Sigurjónsson, janus@dv.is
fréttaStjóri:
Brynjólfur Þór guðmundsson, brynjolfur@dv.is
auglýSingaStjóri:
ásmundur Helgason, asi@birtingur.is
DrEifingarStjóri:
jóhannes Bachmann, joib@birtingur.is
dv á netinu: dv.is
aðalnúmer: 512 7000, ritstjórn: 512 7010,
áskriftarsími: 512 7080, auglýsingar: 512 70 40.
Umbrot: dv. Prentvinnsla: landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
Fylki Fimmtíu og eitt
Svarthöfði
Brynjólfur Þór Guðmundsson fréttastjóri skrifar. Þórunn og félagar ritskoðuðu í raun fréttaflutning.
Veruleikafirring ritskoðara
Leiðari
Saga íslenskra umhverfisráðherra er um margt saga hrakfallabálka. Fyrstur umhverfisráðherra var Júlíus Sólnes sem varð sennilega
frægastur fyrir að velta ráðuneyti sínu, þá
var hann ekki kominn með skrifstofu en
var með ráðherrabíl sem honum tókst að
velta. Eiður Guðnason var sennilega sá
ráðherra sem fæstir vissu að væri til. Öss-
ur Skarphéðinsson glímdi við ísbjörn. Siv
Friðleifsdóttir reitti hvort tveggja rjúpna-
veiðimenn og umhverfisverndarsinna til
reiði. Svo afrekaði Sigríður Anna Þórð-
ardóttir að velja sér sem aðstoðarmann
ungan mann sem hafði helst talað gegn
því að nokkur umhverfisvandamál væru til staðar. Og gott ef Jón-
ína Bjartmarz sagði ekki einhvern tíma í spjallþætti í sjónvarpi
að hún gæti hugsað sér að ráða ferðinni í öllum ráðuneytum
nema umhverfisráðuneytinu; og varð að sjálfsögðu umhverfis-
ráðherra skömmu síðar.
Kannski er það því aðeins framhald á langri hrakfallasögu
hvernig komið er fyrir Þórunni Sveinbjarnardóttur rúmu ári eft-
ir að hún varð umhverfisráðherra. Hún hefur reynst vanmegnug
til að framfylgja stefnu Samfylkingarinnar
í umhverfismálum, stefnu sem flokkurinn
lagði mikið upp úr fyrir síðustu kosningar.
Þar fær hún að því er virðist lítinn stuðning
frá samflokksmönnum sínum og uppsker
andstöðu þingmanna Sjálfstæðisflokksins.
Hrakfarir Þórunnar með ísbirnina þurfa
því kannski ekki að koma á óvart í sögu
þessa litla en mikilvæga ráðuneytis. Það
sem kemur á óvart eru viðbrögð hennar við
umfjöllun fjölmiðla um dráp ísbjarnanna.
Henni var brugðið eftir fyrra ísbjarnardráp-
ið og sagði eftir seinna ísbjarnardrápið að
hún hefði ekki viljað sjá teknar groddaleg-
ar myndir, myndir sem gætu sent skilaboð
sem íslensk stjórnvöld vildu alls ekki senda við þessar aðstæð-
ur. Þá hafði fyrra ísbjarnardrápið vakið athygli og andúð víða
um heim. Þórunn Sveinbjarnardóttir umhverfisráðherra, und-
irmenn hennar og stjórnendur undirstofnana umhverfisráðu-
neytisins sáu því til þess að möguleikar fjölmiðla til myndatöku
og fréttaflutnings af drápi síðari ísbjarnarins voru takmarkaðir.
Þórunn og félagar ritskoðuðu í raun fréttaflutning. Ef Þórunn
skilur þetta ekki er veruleikafirring hennar algjör.
DómStóLL götunnar
Hvað finnst þér um frammistöðu íslenska kvennalandsliðsins í fótbolta?
„mér finnst stelpurnar vera mjög góðar
og ég er mjög hrifinn af þeim.“
Hjalti Eyjólfsson,
79 ára eftirlaunaþegi
„frammistaðan er mjög góð. Þeim
gengur nefnilega mjög vel.“
Jóhann Stefánsson,
38 ára öryrki
„mér finnst hún bara stórkostleg, ég er
mjög ánægður með sigurinn.“
Magnús Þorgrímsson,
56 ára framkvæmdastjóri
„mér finnst hún alveg frábær.
Þær standa sig bara rosalega vel.“
Kristinn Eyjólfsson,
76 ára eftirlaunaþegi
SanDkorn
n Hanna Birna Kristjánsdótt-
ir er ekki svarið við fylgishruni
Sjálfstæðisflokksins. Þau voru í
það minnsta
viðbrögð
bloggara við
skoðanakönn-
un Félagsvís-
indastofnun-
ar um fylgi
flokkanna
í borginni.
Samfylkingin
fékk tæplega helmingsstuðning,
eða 48,2%, en Sjálfstæðisflokkur-
inn einungis 29,2%. Þess ber að
geta að könnunin stóð yfir bæði
á meðan Vilhjálmur var oddviti
og Hanna Birna, frá 2. til 22. júní,
Hann Birna tók við 7. júní.
n Ólafur F. Magnússon, borg-
arstjóri í Reykjavík, vinnur það
brautryðjendaverk að hafa ein-
ungis stuðning 1,2% borgarbúa.
Þetta er met, meira að segja fyrir
Ólaf F. Flestir töldu að borgarstjór-
inn hefði náð botninum í 1,8% í
maí, en nú hefur hann náð nýjum
lægðum. Fyrir mánuði sendi Ólaf-
ur út yfirlýsingu, þegar í ljós kom
að 60% stuðningur var við hans
helsta baráttumál, að flugvöllur-
inn færi ekki. Því þykir að teljast
alvarlegt að 58,8% eru ekki tilbúin
að leggja á sig að styðja Ólaf, þrátt
fyrir málefnalega samstöðu.
n Morgunblaðið fjallaði á föstu-
dag um að Cristiano Ronaldo
prýddi flöskur með íþrótta-
drykknum Soccerade. Frá þessu
var greint á
DV.is 22. apr-
íl. Fram kom
að drykkjar-
vörufram-
leiðandi væri
í eigu Íslend-
inga, meðal
annars Eiðs
Smára Guð-
johnsen og föður hans, Arnórs.
Ronaldo hefur verið iðinn við að
koma fram í auglýsingum og sitt
sýnist hverjum. Fyrir nokkrum
misserum var víða hent gaman
að honum fyrir að auglýsa Suzuki
Swift, en flestar stórstjörnur knatt-
spyrnunnar hafa verið sérlega
vandfýsnar á vörumerki fram að
þessu.
n Samfylkingin mætir sífellt meiri
erfiðleikum í umhverfismálum.
Fyrir helgi undirritaði Össur
Skarphéðinsson iðnaðarráðherra
viljayfirlýs-
ingu um álver
á Bakka við
Húsavík og
var Gunnari
V. Andréssyni
ljósmynd-
ara meinað
að mynda
atburðinn.
Fyrir skemmstu tók Björgvin G.
Sigurðsson skóflustungu að öðru
álveri í Helguvík. Af því tilefni
sagði Dofri Hermannsson, einn
höfunda Fagra Íslands, að eitt-
hvað hlyti að hafa verið sett út í
kaffið hans. Á föstudag varði Dofri
Samfylkinguna með því að hún
hafi verið neydd til þessa af Sjálf-
stæðisflokknum. Einhver hlýtur
að hafa boðið Dofra í kaffi.