Dagblaðið Vísir - DV - 30.06.2008, Side 28
Wesley Gibson er bókhalds-
plebbi og erkinörd sem engu máli
skiptir. Það traðka allir á honum
og hann kyngir stoltinu með góð-
um slatta af slökunarlyfjum. Þeg-
ar niðurlæging hans getur varla
orðið meiri birtist honum sérdeil-
is fallegt hasarkvendi, Fox, og að-
stoðar hann úr mjög ofbeldisfull-
um og lífshættulegum aðstæðum.
Það kemur á daginn að pabbi hans
hafði verið myrtur nýlega og Fox vill
að Wesley hefni hans. Hann gengur
því til liðs við bræðralagið sem has-
arpían og pabbi hans hafa þjónað.
Þetta leynifélag framkvæmir aftök-
ur á liði sem er úrskurðað fúlmenni
eftir fornri spákenndri forskrift.
Markmiðin eru háleit en hópur-
inn birtist fremur óhuggulega sem
gengi sadómasó-morðingja með
yfir meðallagi vafasaman boðskap.
Lífssýn Bræðralagsins er fremur rýr
og innihaldslítil. Maður hefði viljað
sjá meira af hefðum og hlutum sem
fylgja 1000 ára gömlu leynifélagi.
En mikið var samt fínt að sjá
virðulegan leikara á borð við
Morgan Freeman segja orð eins
og „motherfucker“, „fuck“ og svo
framvegis. Angelina Jolie leik-
ur Fox alveg ágætlega en virkar
ekki raunveruleg í slagsmálasen-
um myndarinnar. Hún er orðin svo
mjó að senur þar sem hún ber full-
orðna karlmenn eru ekki sannfær-
andi. Sennilega myndu bara brotna
á henni útlimirnir ef hún svo mik-
ið sem gæfi einhverjum selbita.
En hún er að öðru leyti fín og ein
klassísk rassasena með henni ger-
ir manni ekki lífið leitt. Vondi kall-
inn hins vegar er ekki stór karakter
og er bara eins og einhver óklárað-
ur kafli í handritinu. Almennt séð er
myndin prýðilega leikin, eitthvað
sem maður bjóst ekki við í mynd
af þessu tagi. Skotinn James McA-
voy fer frábærlega með aðalhlut-
verk Wesleys og Morgan Freeman
er að sjálfsögðu traustur. Öll tækni-
leg útfærsla er frábær og brellur eru
notaðar til hins ýtrasta. Allskon-
ar tæknibrögðum er beitt, hægt og
hraðað á mynd og hljóði, sýnt fram
og til baka, klippingar og grafík er
frumleg og flott. Aukahljóð eru not-
uð til að sýna hugsanir og hvernig
ýmsar aðstæður birtast fólki. Mynd-
in er öll mjög ýkt og það er jákvætt.
Hún er absúrd sem er viljandi gert
á köflum til að sýna persónulega
upplifun fólks af atburðum. Bara í
einni brellugeðveikinni varð ég var
við að eitthvað væri örlítið gervi-
legt. Sem er kannski viðbúið í mynd
sem er jafn hlaðinn af svaðalegum
brelluatriðum. Kóreografía í skot-
senum hefur sjaldan eða aldrei ver-
ið tilkomumeiri og jafn stíliseruð.
Skotbardagar eru meira í ætt við vel
útfærðan dans, ballett eldspúandi
skammbyssa. Útlitið er ansi veiga-
mikið en fléttan er vissulega til stað-
ar hér. Maður sér samt strax í rosa-
legri byrjunarsenunni hvað lagt er
upp með. Takmarkið er að gera rugl
svala mynd og það tekst. Eina sem
dregur úr töffinu er eitthvað ósvalt
rokkdót sem lafir undir nokkrum
senum. Myndin nær til fólks sem
kann að meta Fight Club, Matrix,
lúkk á borð við 300 og klisjukennd-
an grunn mynda á borð við Karate
Kid. Klisjan um nördið sem verður
svakalega töff á stuttum tíma með
utanaðkomandi aðstoð og kennir
svo öllum svaka lexíu. En þegar allt
annað er jafn vel smurt og hér, er
erfitt að skynja það mjög illa. Enda
eru skynfærin frá fyrstu mínútu fyllt
af beinflísum og brenndu púðri.
Erpur Eyvindarson
mánudagur 30. júní 200828 Fókus DV
á m á n u d e g i
Hvað veistu?
1. Hvaða megasarlag er notað í nýrri auglýsingaherferð Toyota?
2. Hvaða starfsmaður Kastljóssins á von á barni í desember?
3. Hvaða íslenski poppari sagðist í viðtali við dV í síðustu viku vera með ritstíflu í
danmörku?
ByssuBallett
Brellumeistar
Narníu-bækur C.S. Lewis voru
guðsgjafir fyrir unga og spunaspil-
andi menn, sem fóru að sofa á hverju
kvöldi óskandi þess að þeir myndu
vakna upp í ævintýraheimi. Einmitt
þess vegna var ég hrifinn af fyrstu
myndinni, sem kom út fyrir einhverj-
um þremur árum. Þá voru þau Lucy,
Edmund, Peter og Susan að stíga sín
fyrstu skref í ævintýraheimi Narníu, á
flótta undan sínum eigin stríðshrjáða
veruleika, barnslega saklaus að berj-
ast við ísdrottninguna.
Nú er annað uppi á teningnum í
Narníu. Menn hafa þar hirt öll völd,
og ævintýraverurnar lifa nú í felum.
Mennski prinsinn Caspían flýr fóstra
sinn og kynnist ævintýraverunum,
en í leiðinni blæs hann í aldagamalt
horn og hviss bang, Peter, Edmund,
Lucy og Susan eru mætt. Í samein-
ingu ætla þau að endurvekja fyrri
tíma í Narníu, bræðralag, réttlæti og
hvað það nú heitir allt saman.
Prince Caspian er vönduð kvik-
mynd. Tæknibrellurnar góðar og leik-
ararnir standa sig flestir vel, dvergar
og læmingjar áberandi betri. Hins
vegar tekst ekki að skapa hér svip-
að andrúmsloft og í fyrri myndinni.
Þessi er öll einhvern veginn miklu
grynnri. Miraz konungur er ekki jafn
sterkt illmenni og ísdrottningin og
óþægilega margt minnir á Tveggja
turna tal Hringadróttinssögu, þótt
engan sé við að sakast um það. Á
meðan fyrri myndin var vel útfært
og stórbrotið ævintýri, þá er eins og
vottur af sullaveiki hafi komist í þetta
handrit. Yngsta kynslóðin ætti að
finna hér margt við sitt hæfi, en því
miður vantar eitthvað: harðneskju,
drunga eða ögn sterkara handrit til
þess að gömul nörd og ævintýradýr-
kendur geti hrifist um leið.
Dóri DNA
Sullaveiki í NarNíu
1. Ef þú smælar framan í heiminn 2. jóhanna Vilhjálmsdóttir 3. magni
bíódómur
THE CHroniClEs of
narnia: PrinCE CasPian
HHHHH
lEiKsTjórn: andrew adamson
aðalHluTVErK:Ben Barnes, georgie
Henley, skandar Keynes og William
moseley
Sullaveikt handrit
„á meðan fyrri myndin var vel
útfært og stórbrotið ævintýri, þá
er eins og vottur af sullaveiki hafi
komist í þetta handrit.“
ánÆgJuleg
Hlustun
Að ferðast í huganum er betra fyr-
ir andlega heilsu en margt annað. Ein
leið til þess er að hlusta á þátt Höllu
Gunnarsdóttur á Rás 1, Umhverfis
jörðina, sem ég datt inn í í uppvask-
inu á laugardaginn.
Landið sem var til umfjöllunar
í þessum fjórða þætti var Jórdanía.
Viðmælendur Höllu voru þrír. Fyrst í
röðinni var Birna Hilmarsdóttir sem
bjó í Jórdaníu um árabil. Sagði hún
upp og ofan af upplifun sinni af landi
og þjóð og var hafsjór af fróðleik. Frá-
sögn Birnu var svo krydduð með far-
símahringingu í bakgrunninum sem
skiptist í tvær mislangar lotur ef ég
man rétt. Þessi „sándeffekt“ hefði al-
veg mátt missa sig.
Annar viðmælandi þáttarins var
Ólafur Gíslason listfræðingur sem
jós úr viskubrunni sínum um listir og
menningu Jórdana. Innlegg Ólafs var
ekki síður fróðlegt, en ef einhverjum
dytti í hug að leggja frásagnargleði-
lega mælistiku á þau Birnu og Ólaf,
þá þarf Birna ekkert að óttast í þeim
samanburði - burtséð frá öllum sím-
hringingum. Síðust í gestaröðinni var
Guðrún D. Guðmundsdóttir, fram-
kvæmdastjóri Mannréttindaskrifstofu
Íslands, sem sagði meðal annars frá
hinum gífurlega fjölda flóttamanna
sem flýr til Jórdaníu.
Þáttur Höllu var afar fræðandi
og ánægjulegur áheyrnar. Þó vantar
óneitanlega myndefni til að finnast
maður enn frekar vera kominn á stað-
inn sem um er rætt, en það er vitan-
lega þar sem útvarpsmiðillinn lendir
á vegg. Hann nær því aldrei að slá út
ferðaþætti á borð við þætti Michaels
Palins sem sýndir voru í ríkissjón-
varpinu fyrr á árinu. Sem ferðaþáttur
í útvarpi er Umhverfis jörðina á hinn
bóginn flottur flugmiði út í heim.
Kristján Hrafn Guðmundsson
teBolli að
morgni
Ég er ein af þeim sem kjósa að
sniðganga síbyljuna á sjálfstæðu út-
varpsstöðvunum. Á sunnudagsmorg-
uninn hlustaði ég á Morgunvaktina á
Rás 2 og rifjaði upp gamla tíma, tíma
þegar aðrar útvarpsstöðvar náð-
ust ekki austan Jökulsár á Fjöllum.
Venjulega sér útvarpskonan Margrét
Blöndal um þáttinn en að þessu sinni
sat Ásrún Eva Albertsdóttir vaktina.
Morgunvaktin er dæmigerður þáttur
á Rás 2, heimilislegur og rólegur. Til-
valinn til að dunda við eitthvað smá-
legt á sunnudagsmorgni. Raula með
tónlist sem allir þekkja og heyra við-
töl við venjulegt fólk í hversdeginum.
Þú veist að hverju þú gengur og þú
veist á hverju þú átt ekki von, nefni-
lega enskuslettum, píkupoppi og
gaspri um stjörnurnar í Hollywood.
Þátturinn fór þægilega af stað eins og
hæfir sunnudagsmorgnum. Fyrst var
spiluð tónlist úr öllum áttum og Ás-
rún Eva talaði af yfirvegun. Hún hef-
ur rödd sem allir hlustendur Rásar 2
kannast við, eins og brot frá liðinni
tíð. Þegar leið á morguninn tók Ás-
rún viðtöl við fólk úti um víðan völl,
en þátturinn er duglegur að sinna því
sem hæst ber á landsbyggðinni.
Fyrir okkur sem kjósum rólegheit
og heimilislega stemningu í morg-
unsárið er þetta málið, ef þú sækist
hins vegar eftir spennu og óvæntum
atburðum er Rás 2 ekki þinn tebolli.
Skiptu á FM957 og láttu okkur rúvara
í friði, við viljum hafa það huggó.
Lilja Guðmundsdóttir
Útvarpsdómur
umHVErfis jÖrðina
rás 1 HHHHH
Útvarpsdómur
morgunVaKTin
rás 2 HHHHH
bíódómur
WanTEd HHHHH
lEiKsTjórn: Timur Bekmambetov
aðalHluTVErK: james mcavoy, morgan
freeman, angelina jolie
Wanted „ Klisjan um nördið sem verður svakalega
töff á stuttum tíma með utanaðkomandi aðstoð og
kennir svo öllum svaka lexíu. En þegar allt annað er
jafn vel smurt og hér, er erfitt að skynja það mjög
illa. Enda eru skynfærin frá fyrstu mínútu fyllt af
beinflísum og brenndu púðri. “