Listin að lifa - 01.12.2004, Page 56

KYNNING:
Úrvalsfólk hópast til Kanaríeyja
Skemmtanastjóri og hjúkrunarfrseðingur í allan vetur
r
Urvalsfólk er klúbbur á vegum
ferðaskrifstofunnar Úrvals -
Útsýnar ætlaður 60 ára og eldri. í
allan vetur verður skipulögð dagskrá
íyrir Úrvalsfélaga á Kanaríeyjum, að
undanskildum jólum og áramótum. Þetta
er í fyrsta sinn sem ferðaskrifstofan
býður upp á svo samfellda þjónustu með
skemmtanastjóra og hjúkrunarffæðingi.
„Þetta hefur mælst mjög vel fyrir hjá
klúbbfélögum okkar. Áður var fólk bundið
af ákveðnum dagsetningum, ef það vildi
ferðast með skemmtanastjóra og hjúkrun-
arfræðingi. í allan vetur og fram á vor geta
klúbbfélagar farið til Kanaríeyja, hvenær
sem þeim hentar, farið heim þegar þeim
hentar og nýtt sér vikulega flugið okkar.
Dæmi er um fólk sem ætlar að dvelja í
átta vikur á Kanaríeyjum í vetur. Dagskrá
skemmtanastjóranna tekur mið af því að
vikulega komi nýtt fólk inn í hópinn,“
segir Lilja Jónsdóttir, forstöðumaður
klúbbs Úrvalsfólks sem ferðaskrifstofan
Úrval-Útsýn hefur rekið um árabil.
Dagskrá Úrvalsfólks á Kanaríeyjum
byrjaði 30. október undir stjórn Sigvalda
Þorgilssonar sem verður skemmtanastjóri
fram til 18. desember er hlé verður á starfi
Úrvalsfólks. Þann 5. janúar fer dagskráin
aftur af stað undir stjórn Hjördísar Geirs-
dóttur, en í janúar er hið vinsæla Þorrablót.
Hjördís fer síðan heim, en Ásdís Árnadóttir
tekur við. Sigvaldi rekur svo endahnútinn
á starfið sem lýkur þann 23. mars, en flug
til Kanaríeyja er fram í apríl. Allt eru þetta
reyndir skemmtanastjórar sem hafa getið
sér gott orð. Guðrún Sigursteinsdóttir er
hjúkrunarfræðingur í allan vetur.
Nýuppgerð hótel: Með vorinu koma
aðrir áfangastaðir inn í dagskrána, s.s.
Benidorm, Portúgal og Mallorca, vinsælir
staðir hjá klúbbfélögum. Lilja starfar
á skrifstofu Úrvals-Utsýnar í Lágmúla.
Hennar hægri hönd er Valdís Jónsdóttir
sem hefur starfað fyrir klúbbinn um
árabil. Lilja segir að starfsemi Úrvalsfólks
á Kanarí fari einkum fram á þremur
hótelum: Las Camelias, Tenegia og Mont-
emar. Ibúðirnar á Las Camelias hafa verið
endurnýjaðar mjög smekklega og sama
er að segja um Montemar, en þar eru
stærri íbúðir sem henta vel 3-4 sem vilja
deila saman íbúð. Úrvalsfólk getur dvalið
á öðrum hótelum, en fastur 5.000 króna
afsláttur til klúbbfélaga gildir aðeins um
þrjú ofangreind hótel.
Maður er manns gaman: Klúbbfé-
lögum fjölgar stöðugt, sífellt fleiri sjá
kostina við að ferðast með skemmtana-
stjóra og hjúkrunarfræðingi. Blaðamaður
segir þá sögu að eitt vorið kom eldri
maður i vikuferð til Portúgals, hafði dottið
inn í tilboð, farið með skömmum fyrir-
vara og ákveðið að vera einn. Ferðin var
ánægjuleg, en auðvitað var hann meira og
minna einsamall. Fararstjóri benti honum
á að koma aftur eftir nokkrar vikur, þá
í fylgd með Úrvalsfólki. Hann gerði það
og skemmti sér miklu betur. Hann gat
verið í samvistum við fólk á sínum aldri
þegar honum hentaði, en líka farið einn
í sínar rösklegu gönguferðir um bæinn. Á
kvöldin borðaði hann í hópi glaðra íslend-
inga sem fóru með skemmtanastjóranum
á ýmsa veitingastaði, jafnvel staði sem
honum hafði aldrei dottið í að fara inn á,
kínverska, indverska, portúgalska o.s.frv.
Það var glaður maður sem yfirgaf Portúgal
þetta vor og siðan hefur hann ferðast til
margra staða með Úrvalsfólki og kynnst
mörgu skemmtilegu fólki.
Aðild kostar ekkert: Lilja segir að
markmið klúbbsins sé að koma til móts við
alla þá sem vilja njóta dvalar á sólarströnd
og leita eftir skemmtilegri afþreyingu og
góðum félagsskap. „Starfið á Kanaríeyjum
er skipulagt með þarfir þeirra í huga; létt
leikfimi á morgnana, minigolf, spil eða
bingó síðdegis og saman út að borða á
kvöldin. Einnig bjóðast skemmtilegar
skoðunarferðir undir stjórn þrautreyndra
fararstjóra okkar á Kanaríeyjum.“ Lilja
segir aðild að klúbbnum öllum að kostn-
aðarlausu, en nauðsynlegt sé að skrá sig
til að njóta fríðinda. Einu skilyrðin fýrir
inngöngu eru að meðlimir séu orðnir 60
ára, en síðustu árin hefur fjölgað mjög í
þeim aldurshópi. Tvisvar á ári er haldin
skemmtun á Hótel Sögu og nú í október
mættu ríflega 300 klúbbfélagar til að
skemmta sér saman.
„Við Valdís erum alltaf til taks á skrifstof-
unni til aðstoðar klúbbfélögum. í fyrra
var tekin upp sú stefna að fá flesta til
að bóka sig á Netinu, beint af heimasíðu
Úrvals/Útsýnar. Við vitum að sumum
finnst tilhugsunin um netbókun heldur
ógnvænleg, en það á ekkert frekar við um
eldra fólk en þá yngri. Við hvetjum alla til
að prófa sig áfram, því að ódýrara er að
bóka ferðina á Netinu. Ef vandamál koma
upp geta klúbbfélagar hringt í okkur,
við hjálpum þeim með glöðu geði.“ Lilja
hvetur félaga til að hafa samband, ef þeir
vilja koma með tillögur um starfsemina,
svo að klúbburinn haldi áffam að þróast
með lífsgleðina að leiðarljósi.