Fréttatíminn - 08.05.2015, Blaðsíða 4
veður Föstudagur laugardagur sunnudagur
Kalt, streKKingur og él na- og a-lands,
en heiðríKt s- og V-lands.
höfuðborgarsVæðið: Sól og hiti rétt
um 3 til 4 Stig yfir miðjan daginn.
aftur hæglátt Veður, en enn Kalt.
Víðast úrKomulaust.
höfuðborgarsVæðið: Skýjað að
meStu og Smá rigning SíðdegiS.
enn hæglátt, en hitinn potast
upp. Víðast þurrt.
höfuðborgarsVæðið: Sól að nýju
og hægur vindur.
Óvenjuköld maíbyrjun
Þó kaldara hafi verið norðanlands en
sunnan er tíðarfarið þó þrátt fyrir það
óvenjulegra þar. Ég man í það minnsta
ekki eftir þetta seinni vorkomu í gróðri
frá því á köldu árunum um og upp úr
1980. Og ekkert bendir til breytinga um
helgina. Lægðardrag fer
suður yfir landið í dag og á
morgun með skýjabakka.
Él NA- og A-lands. Varla
að hiti komist upp fyrir
0°C þar yfir daginn, en á
sunnudag hlýnar aðeins
S-til í sólinni, en áfram
þó næturfrost.
3
-1 -1
1
3
3
-1 -2
-1
5
5
1 1
1
6
einar sveinbjörnsson
vedurvaktin@vedurvaktin.is
Sömdu við Bella Union
Hljómsveitin Mammút hefur skrifað
undir samning við breska plötufyrir-
tækið Bella Union og gefur út smáskífu
ytra hinn 1. júní næstkomandi. Stefnt er
að útgáfu breiðskífu á næsta ári. Bella
Union er þekkt nafn í óháða geiranum
og hefur á sínum snærum listamenn á
borð við John Grant og hljómsveitirnar
The Flaming Lips og Fleet Foxes.
British Airways til Íslands
British Airway s, eitt stærsta flug fé lag
heims, ætl ar að bjóða upp á áætl un ar-
flug til Kefla vík ur flug vall ar frá London
næsta vetur. Flogið verður þris var í
viku; miðviku daga, föstu daga og sunnu-
daga. Vél arn ar fara í loftið frá Kefla vík
seinni part inn og lenda Heathrow um
kvöld mat ar leytið.
Kjúklingur að klárast
Búist er við því að kjúklingur klárist á
KFC á sunnudag. Kristín Helgadóttir
framkvæmdastjóri segir að óvíst sé með
opnunartíma staðanna eftir helgi. Lítið
er til af fersk um kjúk lingi á land inu öllu
og hratt geng ur á birgðir af frosn um
fugli. Slátrun hef ur nú legið niðri frá 20.
apríl þegar verk fall fé lags manna BHM í
Dýra lækna fé lagi Íslands hófst.
Vinnustaðahrekkur á Alþingi
Píratar eru stærsti flokkur landsins,
samkvæmt nýjustu skoðanakönnunum,
en flokkurinn er sá minnsti á þingi
með þrjá þingmenn. Nútíminn greindi
frá því í vikunni að Róbert Marshall,
þingmaður Bjartrar framtíðar, hrekkti
þingmenn Sjálfstæðisflokksins í tilefni
nýjustu vendinga. Setti hann miða á
stórt borð í mötuneyti Alþingis, þar
sem sjálfstæðismenn sitja jafnan, sem
á stóð: Frátekið fyrir Pírata (30%).
„Nokkrir þingmenn skemmtu sér svo við
að horfa á hvern sjálfstæðismanninn á
fætur öðrum velja sér sæti á litlu borði
við hlið stóra borðsins sem var autt
nánast allt hádegið eða þangað Róbert
sótti miðann. Á meðal þeirra sem hurfu
frá borðinu voru Unnur Brá Konráðs-
dóttir, Jón Gunnarsson, Guðlaugur Þór
Þórðarson og varaþingmaðurinn Geir
Jón Þórisson,“ segir Nútíminn.
vikan sem var
sigmundur
fékk sér köku
Þingmenn gerðu athugasemdir
við það í byrjun vikunnar að
Sigmundur Davíð Gunnlaugsson
forsætisráðherra hafi yfirgefið
þingsal í stað þess að svara fyrir-
spurn Katrínar Jakobsdóttur. „Var
hann að fara til þess að fara á
fund? Var hann að fara til þess að
fara að tala við Alþjóðagjaldeyris-
sjóðinn eða Sameinuðu þjóðirnar
eða hvað? Hann var að fara að fá
sér köku, virðulegur forseti,“ sagði
Svandís Svavarsdóttir.
s taðan í dag minnir á níunda áratuginn,“ segir Gunnar Helgi Kristinsson, prófessor við stjór-
nmálafræðideild Háskóla Íslands.
„Þá voru þessi stóru samflotsverkföll
meginreglan sem lömuðu þá stóran
hluta atvinnulífsins. Í þeim voru oft
gerðar stórar kröfur og þá voru menn
oftast að reyna að vinna eitthvað til
baka sem menn töldu að ríkisvaldið og
vinnuveitendur hefðu haft af sér á kjara-
tímanum. Þetta leiddi ekki til farsællar
hagstjórnar.“
Ófremdarástand
Gunnar segir afleiðingarnar þess-
ara verkfalla hafa verið verðbólgu og
óstöðugleika í efnahagsmálum. „Þau
gerðu það að verkum að bara viss
tegund af efnahagsstarfsemi, sér-
staklega sjávarútvegurinn, gat þrifist
hérna með góðu móti. Ég held að það
hafi allir verið sammála um að það hafi
verið ófremdarástand og þess vegna
átti meðal annars verkalýðshreyfingin
þátt í því á árunum í kringum 1990 að
reyna aðrar leiðir. Þær leiðir krefjast
aðkomu ríkisvaldsins því það þarf fleiri
tæki til að vinna á ójafnvægi sem menn
telja að hafi myndast heldur en bara
krónutöluhækkanir því hættan er sú
að þær fari að miklu leyti út í verðlagið.
Svona vinna byggir á langtímasamtali
og trausti manna á milli. Samkomulag
krefst þess að ríkisvaldið komi að með
einhverja langtímahugsun um það
hvernig megi hafa áhrif á uppbyggingu
launakerfisins til lengdar.“
skaðinn birtist á óvæntum stöðum
„Það er erfitt að meta nákvæmlega
skaðann af þessum verkföllum núna og
ég held að hinum almenna borgara finn-
ist þetta ruglingslegt,“ segir Auður H.
Ingólfsdóttir, lektor við stjórnmálahag-
fræðideild Háskólanum á Bifröst. „Það
eru svo margir í verkfalli og þau byrja
og enda á hinum og þessum dögum. Ef
kennarar eða læknar fara í verkfall þá
er algjörlega á hreinu hverjar afleiðing-
arnar verða en nú er erfitt að sjá beinar
afleiðingar og skaðinn er að birtast á
óvæntum stöðum.“
Auði finnst togstreitan á milli við-
semjenda áhugaverð. „Það er ákveðin
krafa um hækkun launa en svarið við
henni er sú að þá komi verðbólga sem
muni éta launin upp. Þetta snýst auðvi-
tað ekki bara um launahækkanir heldur
líka um ákveðna kröfu frá massanum á
vinnumarkaði um það hvernig við dreif-
um arði af auðlindunum. Það að efsta
lagið hafi, á síðustu árum eftir að fór
að rétta úr kútnum, verið að skammta
sér dálítið ríflega hleypir illu blóði í
fólk. Fólk er orðið þreytt á því að stóri
hópurinn þurfi alltaf að bera byrðina. Ef
litli hópurinn sem er í efsta laginu tekur
sér svona ríflegar hækkanir þá kemur
ekki mikil verðbólga, en það er bara
svo óréttlátt. Þannig að ég held að þessi
barátta snúist mikið um réttlætiskennd.
Og ég held að menn verði að horfast í
augu við það.“
halla harðardóttir
halla@frettatiminn.is
verkFöll staðan nú minnir á níunda áratuginn
Segir vanta langtíma-
hugsun í kjarabaráttuna
Gunnar Helgi Kristinsson, prófessor við stjórnmálafræðideild Háskóla Íslands, telur samkomulag í
kjaradeilunni krefjast langtímahugsunar frá ríkisvaldinu. Auður H. Ingólfsdóttir segir kjarabarátt-
una ekki bara snúast um launahækkanir heldur um það hvernig auðlindunum sé dreift. Baráttan
snúist um réttlætiskennd.
Auður H. Ingólfsdóttir,
lektor við stjórnmálahag-
fræðideild á Bifröst.
Gunnar helgi Kristinsson,
prófessor við stjórnmála-
fræðideild í HÍ.
4 fréttir Helgin 8.-10. maí 2015