Fréttatíminn - 08.05.2015, Page 33

þessu má raða saman fullkomnum
hádegisverði.
Torgið er konuheimur, veröld
gamalla kvenna. Dóttir okkar, átta
ára, var klipin átján sinnum í kinn-
ina og fékk ís, konfekt, tyggjó og
límonaði fyrir að vera svona mikið
krútt. Mest fjörið er við borðið næst
samlokugerðinni. Þangað leituðu
konurnar um leið og hlé verður á
afgreiðslunni og þangað koma vinir
þeirra úr þorpinu. Við skiljum ekki
orð af því sem fólkið segir og vitum
ekki af hverju það hlær, en við höf-
um setið við svipuð borð með líku
fólki og hlegið af sambærilega létt-
vægum hlutum. Kúnstin við svona
samtöl er að segja ekkert sem skipt-
ir neinu sérstöku máli en segja það
þannig að allt annað virðist hjóm og
óþarfa áhyggjur og vesen. Þetta er
svona félagslegt heilslubótarnudd,
gerir sálinni og andanum gott.
Skortur á svona léttvægu snakki er
að gera íslensku þjóðina sturlaða.
Það þolir enginn að hneykslast og
skammast frá morgni til kvölds.
Goðaveldið fellur en klíkurnar
lifa
Lengst frá þessu borði, við hinn
endann á húsveggnum sátu yngri
menn og ræddu landsins gagn og
nauðsynjar meðan þeir supu bjór.
Einn þeirra var múrarameistari
sem var að endurbyggja íbúðar-
húss við torgið — eða lét, öllu held-
ur, nemann sinn vinna meðan hann
sagði sjálfur sína skoðun við borðið.
Þegar hann hafði slegið botninn í
söguna stóð hann upp til að fara
að vinna en þá kom sonur hans á
hlaupahjóli, eini rastafarinn í Corti,
tólf ára strákur með dreadlocks og
skiljanlega þurfti múrarameistar-
inn að leggja honum lífsreglurnar.
Auðvitað skilur gestkomandi ekki
út á hvað lífið í litlum bæ upp í fjöll-
unum á Korsíku gengur. Korsíka
er lík Íslandi, hálöndum Skotlands,
fjörðunum og norðurlandi Noregs og
öðrum útnárum Evrópu. Þetta eru
of fámenn svæði til að hafa staðið
undir sterkri miðstjórn. Saga þeirra
liggur frá stríðsherraklönum og
goðum yfir í nútímastjórnmál sem
eru mettuð af þjóðernishyggju, smá-
kóngahætti, héraðshöfðingjum – og
klíkum. Eins og íslensk nútímastjór-
nmál eru í raun gömlu goðaveldin
í búningi nútímastjórnmála skilst
mér að stjórnmálin á Korsíku snúist
um eitthvað allt annað en látið er í
veðri vaka. Og undir niðri ráða ein-
hverjar klíkur öllu. Sumar eru svo
sterkar að fólk kallar þær mafíu,
korsnesku mafíuna. Hún hefur putt-
ana í of mörgu. Klarínettuleikari,
vinkona okkar, varð til dæmis að
hætta í píanónámi þegar hún var tíu
ára vegna þess að píanókennarinn
kunni ekki á píanó. En hann var
frændi mannsins sem réð tónlistar-
kennara í skólana. Skiljanlega hefur
ekki byggst upp gott tónlistarnám á
Korsíku. Þótt við búum að góðum
tónlistarskólum á Íslandi þá þekkj-
um við þessi eyðileggjandi áhrif klík-
anna á aðra þætti mannlífsins.
Öllum morðum hætt
Sturlungaöld lauk ekki á Korsíku
fyrr en á síðustu öld. Langt fram á
þá tuttugustu voru hefndarvíg nán-
ast daglegt brauð, alla vega viku-
legt. Samfélagið var vafið inn í enda-
lausan þráð hefnda og hefnda fyrir
hefndir sem enginn kannski vissi
upphafið að. Þetta ástand varði svo
lengi vegna þess að hvorki Genúa-
menn né Frakkar, sem tóku eyjuna
af Genúa þegar veldi borgarinnar
hnignaði, skiptu sér um of af Kor-
síku. Þótt eyjan tilheyrði stærra
ríkjasambandi voru það eftir sem
áður smákóngar og héraðshöfðingj-
ar sem stjórnuðu eyjunni og kúguðu
fólkið. Það var ekki fyrr en eftir ára-
tuga og aldalangan stöðugan fólks-
flótta frá eyjunni að hefndarvígin
lögðust af.
Þar sem við sátum á Gaffory-
torgi í Corti vorum við ekkert hissa
á að Korsíkumenn væru hættir að
stinga hvorn annan með hnífi til að
verja heiður ættarinnar eða auka
áhrif klíkunnar. Eins og Jean Mar-
ie eru konurnar sem sinna okkur á
torginu komnar vel á efri ár. Hefnd-
ir, stríð og spellvirki hafa alltaf ver-
ið ungs manns gaman, þótt oft séu
það eldri menn sem egni þá yngri
til ódáða. En þegar gamla fólkið
hefur ekki lengur neinu ungu fólki
að stjórna, nema kannski tólf ára
strák sem vill frekar tilheyra tón-
listinni á Jamaíku en hefndarvíg-
um gömlu Korsíku, getur gamla
fólkið lítið gert annað en hlegið í
sólinni.
Gunnar Smári Egilsson
gunnarsmari@frettatiminn.is
Samlokugerðin og
barinn á Gaffory-
torgi í Corti. Þegar
leið á hádegið
fjölgaði við borðið
næst okkur og lifn-
aði yfir samtalinu.
Þangað söfnuðust
konurnar úr þorp-
inu og héldu lífi
í þorpsandanum
þótt ferðamenn-
irnir fylltu vel flest
hinna borðanna
og vildu eigna
sér bæinn. Mynd/
Alda Lóa
BRJÓSTABOLLAN 2015
látum gott af okkur leiða
Styrktarfélagið Göngum saman styrkir rannsóknir á
brjóstakrabbameini. Landssamband bakarameistara leggur málefninu
lið með sölu brjóstabollunnar um mæðradagshelgina.
gongumsaman.is
labak.is
matartíminn 33 Helgin 8.-10. maí 2015