Víkurfréttir - 18.04.2012, Blaðsíða 8

8 miðvikudagurinn 18. aPrÍL 2012 • VÍKURFRÉTTIR
Líflegar kryddjurtir í eldhúsglugganum gefa góðan ilm í húsið og lífga upp á mataræðið
hjá okkur. Sumardagurinn fyrsti
er framundan og ekki seinna en
vænna að fara að byrja ræktunina
og sá fræjum. Kryddjurtir eru
auðveldar í ræktun
og mikil ánægja fylgir
því að rækta sitt eigið
krydd og grænmeti.
Þær þurfa góða birtu, næringarríka
mold, góðan áburð í byrjun og reglu-
lega vökvun. Gott er að verða sér úti
um frekari ráðleggingar um ræktun
kryddjurta ef þið eruð að prófa í
fyrsta sinn. Algengar kryddjurtir sem
gott er að eiga í eldhúsglugganum eða
úti á palli í pottum eru t.d. steinselja,
basil, oreganó, kóríander, rósmarín
og piparmynta. Kryddjurtir eru ekki aðeins góðar
á bragðið heldur eru þær allar virkar lækninga-
jurtir og auka þar með hollustugildi matarins
og heilbrigði okkar. Rannsóknir á kryddjurtum
hafa leitt í ljós að margar tegundir kryddjurta
innihalda svokölluð jurtanæringarefni sem eru
fyrirbyggjandi gegn ýmsum sjúkdómum. Krydd-
jurtir má nota á marga vegu í matargerð en einnig
má búa til te úr ferskum kryddjurtum en þá er sett
1 msk af kryddjurt í 1 b af soðnu vatni
og látið trekkja í 10-15 mín. Pipar-
mynta, salvía og sítrónumelissa henta
vel í te. Piparmynta hefur góð áhrif á
meltinguna og er er góð gegn ristilk-
rampa. Salvía getur slegið á hitakóf
hjá konum og þá þarf að drekka
hana reglulega yfir daginn eða um
2-3 b á dag. Sítrónumelissa er vægt
róandi og hentar því vel við streitu
og spennu í líkamanum. Kryddum
tilveruna okkar með bragðgóðum
kryddjurtum og njótum heilsubæt-
andi áhrifa þeirra.
Heilsukveðja, Ásdís grasalæknir.
www.facebook.com/grasalaeknir.is
Á krydduðum
nótum!
www.facebook.com/grasalaeknir.is
Söngleikurinn Stattu upp fyrir sjálfum þér! var settur upp á heimili mínu
fyrir stuttu en hann er byggður á laginu Stattu upp sem hljómsveitin Blár
ópal flutti eftirminnilega í söngvakeppni RUV en
lag og texti eru eftir þá Ingólf Þórarinsson og Axel
Árnason.
Sögusviðið er heimilið mitt en söngleikurinn fjallar um
hversu mikilvægt er að standa með sjálfum sér þrátt
fyrir mótbyr, athugasemdir og jafnvel mótmæli annarra.
Staðfesta í gegnum erfiða tíma er það sem hefur haldið
mörgum manninum á floti og þá oft þrátt fyrir efasemdir
úr öllum áttum.
Fyrsti þáttur: Ég og unglingurinn vorum að spjalla saman.
Hann langaði í bæinn að hitta vina sína á laugardags-
kvöldi en var ekki viss um hvort hann nennti því. Ástæðan var að hann var
ákveðinn í að drekka ekki þessa helgi og sagði að þá væri nánast ómögulegt að
fara niður í bæ því þá kæmu athugasemdirnar: common maður, fáðu þér í glas,
af hverju ertu ekki að drekka, ertu eitthvað veikur. nokkur glös drepa þig varla,
vertu ekki svona leiðinlegur o.s.frv. Ég hlustaði á son minn og sveifla mér svo
léttilega yfir í míkrófóninn og byrjaði að syngja:
Loks hef ég tíma, tíma til að segja
allt eins og er í stað þess að þegja
þú þegir ef þú þorir ekki að segja mikið meira
þú ættir í raun bæði að hlusta og heyra.
Þú veist það vinur þú þarft að fara að trúa á þig
mundu samt að hlusta á mig
ef segi þér að nú sé tími til að snúa við og finna síðan innri frið!
Leit síðan ákveðin í augu hans og söng hátt og skýrt: Stattu upp fyrir sjálfum
þér!! við ræddum svo hvað það skipti miklu máli að vera ekki eins og lauf-
blað í vindi sem sveiflast til og frá eftir áliti annarra. Það er sama hvernig lífi
við ákveðum að lifa, það eru alltaf einhverjir sem hafa skoðanir á því og allra
mikilvægast að standa með sjálfum sér í þessum lífsins ólgusjó. unglingsárin
séu mikilvægur prófsteinn þegar kemur að staðfestu og á þeim árum getum við
búist við að fá fullt af verkefnum sem reyni á þetta. gott og mikilvægt samtal
þarna!
annar þáttur: Síminn hringir og vinkona mín hinum megin á línunni að athuga
hvort ég kæmi með henni í kokteilpartý um kvöldið. Ég hélt það nú, bauðst
til að sækja hana því ég ætlaði að vera á bíl og enda á því að segja: fæ mér
bara sódavatn og sítrónu til að losna við böggið.....ha ha, þykist vera með gin
og tónik. Sonur minn hlustar á þetta, horfir á mig þegar ég legg símann á og
segir: stattu með sjálfum þér hvað!!! Svo reif hann míkrófóninn og hóf upp
raust sína:
gerðu allt sem þig langar til
ekki næstum því ekki hér um bil
ekki gefast upp og ekki hætta við
því þá muntu vinna meira og minna.
Stattu upp fyrir sjálfum þér …
Þriðji þáttur: Ég áttaði mig auðvita á mótsögninni – Hugo Þórisson uppeldis-
frömuð með meiru birtist í svona hologram mynd í horninu á eldhúsinu og
segir með James Earl Jones rödd : anna Lóa, það er ekki það sem þú segir
sem skiptir öllu máli, frekar það sem þú gerir. Hugo hverfur jafnfljótt og hann
birtist – púff!
Hér er ég kona á fimmtugsaldri að segja syni mínum eitt en geri sjálf allt annað.
Hvað er málið – hverjum kemur við hvort ég fái mér sódavatn í kokteilpartýi eða
ekki! af hverju þykir það sjálfsagt að í partýum þar sem vín er veitt eigi allir að
drekka nema viðkomandi sér óvirkur alkóhólisti, ófrísk, á lyfjum, með ofnæmi,
æfa fyrir ólympíuleikana, eða með aðra haldbæra skýringu aðra en: mig langar
ekki að drekka. En skilboðin eru: HaLLÓ, það langar aLLa í vín aLLTaF og þú ert
alveg að leggja þitt af mörkum til að gera þetta að fýlupúkapartý ársins sko!!!
Ég skildi unglinginn minn betur og áttaði mig á því að það er ekki alltaf auðvelt
að standa með sjálfum sér. Það er bara einhvern veginn þannig að það eru
ákveðin skotleyfi á fólk sem fer sínar eigin leiðir. Sama hvort það er að sleppa
víni eða einhverju öðru þá mEga aðrir hafa sterkar skoðanir á því – svona rétt
eins og maður sé ekki alveg normal. Þetta getur í raun átt við hvaða hluti sem
er í lífi okkar og sömu athugasemdir heyrast gjarnan þegar fólk breytir um
mataræði, fer að hreyfa sig meira eða ákveður að breyta lífi sínu á annan hátt.
Þrátt fyrir að vissulega reyni á okkur á unglingsárunum varðandi staðfestu þá
held ég að við séum ansi lengi að átta okkur á að við erum sjálf sérfræðingarnir
í eigin lífi og lendum frekar í vanda þegar við hættum að hlusta á okkar innri
rödd og förum að sveiflast eftir röddum annarra.
Lokaþátturinn: við mæðginin stöndum þétt saman og syngjum saman loka
erindið:
vertu réttur maður á réttum stað
því það dugar ekkert sem er minna en það
vertu sterkur ef það er eitthvað að
lifðu lífinu lifandi á sérhverjum stað.
Stattu upp fyrir sjálfum þér
Tjöldin dregin fyrir – sýningin verður endurtekin eftir þörfum!
Gleðilegt sumar og þangað til næst - gangi þér vel!
Anna Lóa Ólafsdóttir
Söngleikurinn „Stattu
upp fyrir sjálfum þér!!“
Nú er að renna út sá frestur sem gefinn var til að sækja um verkefnastyrk til Menningarráðs
Suðurnesja. Mennta- og menningarmálaráðherra,
iðnaðarráðherra og Samband sveitarfélaga á Suður-
nesjum gerðu með sér samning um samstarf ríkis
og sveitarfélaga á Suðurnesjum um menningar-
mál og menningartengda ferðaþjónustu. Markmið
samningsins eru að:
• Efla samstarf á sviði menningarmála á svæðinu.
• Stuðla að nýsköpun og fjölbreytni í menn-
ingu og menningartengdri ferðaþjónustu.
• Fjölga atvinnutækifærum á sviði menningar og lista.
• Menningarstarfsemi styðji við ferðaþjónustu.
Frestur til að sækja um rennur út þann 20. apríl. Um-
sóknareyðublöð og allar upplýsingar er að finna á
http://menning.sss.is
Menningarráð Suðurnesja hefur frá árinu 2007 út-
hlutað styrkjum til menningarverkefna á Suðurnesjum.
Mörg frábær verkefni hafa orðið til á þessum árum og
sum þeirra komin til að vera. Öll hafa þessi verkefni
styrkt menningarlífið á Suðurnesjum og verið hvatning
til frekari uppbyggingar á menningarsviðinu.
Á síðasta ári tók Menningarráð þá ákvörðun að styrk-
upphæðir yrðu í framtíðinni hærri til verkefna og þar
með verða verkefnin færri sem munu hljóta styrki. Því
miður bar orðið á því að styrkþegar treystu sér ekki
af stað með þau verkefni sem styrkur fékkst til, vegna
þess hvað styrkupphæðin var lítill hluti af kostnaði
verkefnisins. Með þessum breytingum er m.a. horft
til stærri menningarviðburða og viðburða sem geta
orðið atvinnuskapandi til lengri tíma litið. Með þessari
breytingu vonast Menningarráðið til að gott menn-
ingarlíf á Suðurnesjum eflist enn frekar.
Á Suðurnesjum er mikið af skapandi og skemmtilegu
fólki sem vill efla ímynd svæðisins. Fátt er betur fallið til
bættrar ímyndar en öflugt og kraftmikið menningarlíf
byggt á traustum grunni. Með fagmennsku í fyrirrúmi
í öllu sem við gerum í menningu og menningartengdri
ferðaþjónustu, sköpum við á svæðinu atvinnutækifæri
tengdum þessum greinum. Um leið byggjum við upp
góða ímynd fyrir Suðurnes í heild sinni og aukum
áhuga landsmanna á að sækja okkur heim.
Björk Guðjónsdóttir, verkefnastjóri
Heklan – Atvinnuþróunarfélag
Áhugafólk um myndlist ætti ekki að láta sýningu Jóns Ax-
els Björnssonar, Tilvist, framhjá
sér fara en á sunnudaginn kl.
14:00 tekur listamaðurinn sjálfur
á móti gestum í sýningarsal Lista-
safnsins í Duushúsum. Til sýnis
eru ný olíumálverk og vatns-
litamyndir eftir Jón Axel þetta er
fyrsta stóra sýning hans í áratug.
Jón Axel var meðal nokkurra
listamanna sem komu fram undir
merkjum „nýja málverksins“
snemma á níunda áratugnum, en
skar sig snemma úr þeim hópi fyrir
sjálfstæð vinnubrögð, ekki síst frá-
sagnarlegan stíl sem snerist framar
öðru um margháttaðan mannlegan
vanda í lítt skiljanlegum heimi.
Í framhaldinu hefur myndlist Jóns
Axels tekið ýmsum listrænum
breytingum, orðið einfaldari og
grafískari í formi, síðan nokkuð
höll undir þrívíddarlist, jafnvel
innsetningarformið. Nýjustu mál-
verk hans eru opin og lífræn að
formi og margræð að merkingu, en
frásögnin í þeim snýst sem fyrr um
leitina að einhvers konar haldreipi í
hringiðu lífsbaráttunnar.
Sýningin stendur til 6. maí. Henni
fylgir vönduð sýningarskrá með
fjölda ljósmynda og texta um lista-
manninn. Aðgangur að Listasafn-
inu er ókeypis og þangað eru allir
velkomnir.
Menningarverkefni – umsóknir
Listamannsleiðsögn á sunnudag