Víkurfréttir - 18.04.2012, Blaðsíða 6

6 miðvikudagurinn 18. aPrÍL 2012 • VÍKURFRÉTTIR
Leiðari Víkurfrétta
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
PÁLL KETILSSON, RITSTJÓRI
vf.is
Ekki er vika án Víkurfrétta - sem koma næst út fimmtudaginn 26. apríl 2012. Bókið auglýsingar í síma 421 0001 eða gunnar@vf.is
Framsýni Leifs ferðamanns
Kirkjan og börnin
Það eru skemmtileg og merkileg tímamót að Flugstöð Leifs
Eiríkssonar fagni aldarfjórðungs afmæli um þessar mundir
og Víkurfréttir gerðu því skil í síðustu viku og enn betur í þessu
tölublaði. Flugstöðin er langstærsti atvinnuveitandi á Suðurnesjum
í dag og hefur tekið við keflinu af aðilum sem áður sinntu því hlut-
verki á svæðinu. Þar var Varnarliðið náttúrulega í efsta sæti í rúma
hálfa öld en þar á undan sjávarútvegurinn.
Suðurnesjamenn (og landsmenn allir auðvitað) geta þakkað Amer-
íkönum það að hér er alþjóðaflugvöllur sem nú gefur af sér um og
yfir tvö þúsund störf þegar allt er talið. Það væri erfitt að ímynda
sér Suðurnesin í dag ef þessi stóri atvinnurekandi væri ekki til
staðar. Flugreksturinn býr til gríðarlegan fjölda starfa sem fjölgar
jafnt og þétt og við njótum þess í dag. Þegar Varnarliðið fór af landi
brott fengu margir starfsmenn þess vinnu í flugstöðinni hjá hinum
mörgu aðilum sem þar eru með rekstur. Í miðju góðæri fór það ekki
hátt þó svo nærri þúsund manns misstu atvinnuna í einum vetvangi.
Það hefðu eflaust orðið meiri læti ef 15% íbúa einhvers byggðarlags
hefðu misst viðurværi sitt.
Þróunin í ferðaþjónustunni hefur verið þannig að stöðug aukning
flugfarþega hefur kallað á stækkun flugstöðvarinnar og svæðisins
í kringum hana, sérstaklega síðastliðin tíu ár eða svo. Keflavíkur-
flugvöllur verður 70 ára á næsta ári en hann var vígður í lok mars
1943. Í ræðu sem Björn Ingi Knútsson, þáverandi flugvallarstjóri,
flutti á 60 ára afmæli Keflavíkurflugvallar árið 2003 greindi hann frá
því að ekki fyrr en frá árinu 1957 hafi vinna hafist við það að halda
nákvæma skrá um fjölda flugfarþega, flutning á pósti og vörum. Þá
höfðu rúmlega 26 milljónir farþega farið um Keflavíkurflugvöll. Frá
2003 hafa 16 milljónir bæst við og því eru ríflega 43 milljónir manna
sem hafa farið í gegnum flugvöllinn frá 1957. Frá því ári eru þetta
því um 800 þúsund manns á ári að meðaltali.
Þegar við tölum um farþegafjölda, og það sem honum fylgir, má
ekki gleyma gríðarlegum vöruflutningum sem fara í gegnum flug-
völlinn. Ekki má í þessu sambandi gleyma því að fyrir einhverjum
árum síðan uppgötvuðu menn í sjávarútvegi það, að flytja ferskan
fisk með flugvélunum til Evrópu og Ameríku. Þar eru gríðarleg
verðmæti og mörg störf sem fylgja.
Síðast en ekki síst hefur tenging okkar við umheiminn hjálpað
Íslendingum að víkka sjóndeildarhring sinn. Í ræðu frú Vigdísar
Finnbogadóttur, þáverandi forseta Íslands á vígsludaginn í flug-
stöðinni 1983 sagði hún m.a.: „Hver sá Íslendingur sem hingað
kemur er annað tveggja á leið til að sækja sér þekkingu, viðskipti
og menningu til annarra þjóða eða kominn í land eftir útivist sem
víkkað hefur sjóndeildarhring hans. Hann er því á sömu braut og
forfeður okkar fyrr á öldum, landkönnuður hins nýja tíma. Og er-
lendir menn sem hingað koma eru sömu erinda, að líta annan heim
en þann sem þeir eru vanastir og víkka þannig sinn sjónhring.“
Okkar fyrsti alvöru ferðamaður var Leifur Eiríksson og meira við-
eigandi nafn var varla hægt að finna á flugstöðina okkar. Það er við
hæfi að við minnumst hans framsýni þegar hann sigldi um höfin
í leit að Vínlandi. Í dag treystum við á ferðamann heimsins sem
skapar okkar samfélagi á Suðurnesjum betri lífsskilyrði. Við skulum
hugsa vel um hann, hvort sem hann er að koma til landsins eða fara
héðan. Þannig tryggjum við framtíðina betur.
Börnin eru mikilvægustu ein-staklingarnir í kirkjunni.
Þetta kann að hljóma sjálfgefið
en svo hefur ekki alltaf verið.
Stundum hefur barnastarf mætt
afgangi. Menn hafa litið svo á
að kirkjan sé aðeins vettvangur
hinna fullorðnu og að börnin eigi
að laga sig að siðum þeirra. Á síð-
ustu áratugum hefur barnastarf
kirkjunnar færst í aukana og má
líkja því við vakningu.
Í Keflavíkurkirkju eru börnin í
aðalhlutverki. Við leggjum mikið
kapp á að mæta þörfum þeirra. Í
því sjáum við bæði mikil tækifæri
til þess að tengjast fólki og þar með
vaxa. Hitt skiptir meira máli - að
barnastarfið er ein af frumskyldum
okkar, þótt henni hafi ekki alltaf
verið sinnt sem skyldi í gegnum
tíðina. Börnin koma oft við sögu í
boðskap Jesú Krists. Kristur hampar
börnunum hvað eftir annað og
ögrar þar þeim hugmyndum sem
voru við lýði í umhverfi hans þar
sem réttindi barna og barnavernd
voru framandleg hugtök. Kristur sá
eitthvað stórkostlegt í börnunum.
Hann talaði oft um þau, ekki að-
eins sem jafngild hinum fullorðnu,
heldur jafnvel eitthvað æðra og
merkilegra þeim sem slitið höfðu
barnskónum.
Þetta er leiðarljósið okkar og barna-
starfið í kirkjunni á að bera svipmót
þess boðskapar sem kirkjan flytur.
Við getum talað þar um „barna-
sáttmála“ kirkjunnar sem lýtur að
þeirri þjónustu sem kirkjan vill
veita börnum vítt og breitt um
landið. Þar ber m.a. að horfa til
þess hlutverks okkar að bjóða upp
á æskulýðsstarf án endurgjalds.
Þetta skiptir mjög miklu máli, ekki
síst á tímum þar sem fjárhagurinn
er oft knappur og lítið svigrúm á
mörgum heimilum fyrir skipulegt
tómstundastarf fyrir yngstu kyn-
slóðina. Þarna hefur kirkjan nokkra
sérstöðu.
Þá á uppeldisstefna kristinnar
trúar að vera í forgrunni – þar sem
ekki er unnið í anda samkeppni
og úrvalshyggju eins og víða er,
heldur á starfsemin að endurspegla
þann skilyrðislausa kærleika sem
kirkjan boðar. Þar eru allir jafnir
og ekki spurt um frammistöðu
þegar kemur að þeirri athygli, þeim
tækifærum og þeirri umhyggju
sem hver og einn fær. Foreldrar
eiga að geta gengið að því sem vísu
að börnin njóti sín að verðleikum í
starfi kirkjunnar. Þau finna það líka
hversu mikilvæg þau eru, um leið
og þau mæta í kirkjuna í sunnu-
dagaskólanum. Þau safnast saman í
kórnum og syngja lag fyrir framan
stóran hóp fólks. Þau ganga í skrúð-
göngu saman út úr kirkjunni og
sameinast svo hinum messugestum
í súpunni að messu lokinni.
Að þessu sögðu er rétt að horfa til
þess framboðs sem kirkjan stendur
fyrir. Það nær allt frá fæðingu og
fram til loka barnæskunnar – eða
þegar einstaklingurinn hefur náð
átján ára aldri:
Foreldramorgnar eru í safnaðar-
heimili Keflavíkurkirkju. Þar koma
foreldrar saman (það er gaman
fyrir einn og einn pabba að láta sjá
sig og breyta þá mömmumorgnum
í foreldramorgna!) og miðla hvert
öðru af þekkingu og reynslusögum!
Börnin leika sér eftir því sem þau
hafa þroska til og stundum koma
fyrirlesarar með fróðlegt efni fyrir
þau sem ala upp börnin.
Sunnudagaskólinn er jafnan fjöl-
sóttur þar sem foreldrar, frænd-
fólk eða afar og ömmur mæta
með krílin og njóta samfélagsins.
Börnin koma fram í upphafi mess-
unnar og fólk skyldi gefa því gaum
hversu þýðingarmikið það er að
öðlast slíka reynslu. Boðið er upp á
veitingar að samveru lokinni, bæði
fyrir sunndagaskólann og foreldra-
morgna.
Æskulýðshóparnir eru aldurs-
skiptir og fara fram í samstarfi við
KFUM og KFUK. Þar stíga margir
sín fyrstu skref sem leiðtogar, læra
að taka ábyrgð og að starfa í hóp.
Seint verður gert of mikið úr þeim
félagsþroska sem börnin fá til við-
bótar við hina dýrmætu næringu
sem orð Guðs er fyrir þá sem eru á
fyrstu metrunum í lífsgöngunni.
Fermingarfræðslan er viðburðar-
rík enda er fermingin stórmál.
Í fræðslunni blandast saman
skemmtun og fræðsla, ferðalög,
söngur og þátttaka í því samfélagi
sem kirkjan er. Sjálf fermingin er
ein stærsta hátíðin í kirkjunni og
enginn kemst óhrærður frá því
að taka þátt í slíkum atburði með
þessum efnilegu unglingum.
Farskóli þjóðkirkjunnar er leið-
toganám sem ætlað er þeim sem
hafa verið virk í starfi kirkjunnar
og eru tilbúin að verða leiðtogar
í ungmennastarfi. Námið er fjöl-
breytt og að því loknu útskrifast
ungmennin með réttindi til þess að
leiða hópastarf innan kirkjunnar.
Lífsleikni í FS – Keflavíkurkirkja
stendur fyrir lífsleiknikennslu í FS
þar sem rætt er um líf og dauða,
sorg og gleði og mikilvægar ákvarð-
anir á lífsins leið.
Gospelkór í FS – Söfnuðirnir á
Suðurnesjum standa í sameiningu
fyrir gospelkórstarfi fyrir nem-
endur í FS.
Energí og trú – er verkefni sem
Keflavíkurkirkja stendur fyrir og
miðar að því að efla og vekja ungt
fólk með námskeiðum, ferðalögum
og ýmsum viðburðum. Verkefnið
hefur farið vel af stað og mætir
það brýnni þörf. Þátttakendur læra
mikilvæga lífslexíu og takast á við
margvísleg verkefni sem tengjast
því að vera sjálfstæð og ábyrg
manneskja.
Fjölmargir koma að barna- og
æskulýðsstarfinu á vegum Kefla-
víkurkirkju, bæði prestar, starfsfólk
og sjálfboðaliðar. Innan kirkjunnar
starfar s.k. æskulýðsnefnd sem er
rýnihópur og hugmyndaveita fyrir
æskulýðsstarfið. Fjölmargt hefur
komið út úr starfi hópsins og er
fólki velkomið að taka þátt í því
hópastarfi ef það vill leggja sitt af
mörkum til æskulýðsstarfsins í
kirkjunni.
Barnið er í aðalhlutverki í fagn-
aðarerindi Biblíunnar og það á að
endurspeglast í safnaðarstarfinu.
Barnið er, þegar allt kemur til alls
sá spegill sem segir okkur sann-
leikann um okkur sjálf: verk okkar
og gildismat. Ekkert veitir því
betri innsýn í gæði kirkjustarfs en
nálgunin við börnin okkar. Við í
Keflavíkurkirkju stefnum að því
að halda áfram á þessari braut og
leggjum okkur fram um að bæta
okkur í hverju skrefi.
Skúli S. Ólafsson
Sóknarprestur í Keflavíkurkirkju
vs. 420 4301 gsm. 846 6714
www.keflavikurkirkja.is