Víkurfréttir - 18.04.2012, Blaðsíða 17

17VÍKURFRÉTTIR • miðvikudagurinn 18. aPrÍL 2012
jómfrúarbikarar
Það er ekki lengra síðan en árið 2005 sem Njarðvíkingar
drógu l ið sitt úr keppni í
kvennaboltanum en þá voru
einungis 3-5 leikmenn að mæta
á æfingu hjá liðinu og áhuginn
og metnaður virtist lítill hjá bæði
leikmönnum og félaginu sjálfu.
Meðal leikmanna sem hurfu þá
á braut voru þær Margrét Kara
Sturludóttir og Ingibjörg Elva
Vilbergsdóttir sem gengu til
liðs við Keflvíkinga en þær eru
báðar uppaldar hjá Njarðvík
og voru gríðarlega efnilegar á
þeim tíma, og urðu á endanum
landsliðsmenn í íþróttinni.
Ingibjörg hefur nú snúið til baka
og reyndist Njarðvíkingum afar
dýrmæt á lokasprettinum. Árin
2007 og 2008 lék liðið í 1. deild
en svo fóru hjólin aftur að snúast.
Aftur komst liðið svo í deild þeirra
efstu árið 2009 og má með sanni
segja að leiðin hafi legið upp á við
síðan þá.
Það voru ekki margir sem reiknuðu
með því að Njarðvíkingar myndu
vinna titil, hvað þá tvo, þegar
Íslandsmótið í körfubolta hófst
síðastliðið haust. Stúlkunum
hans Sverris Þórs Sverrissonar
var spáð 6. sæti hjá fyrirliðum
og þjálfurum Iceland Express-
deildarinnar og samkvæmt þessari
spá átti liðið ekki einu sinni heima í
úrslitakeppninni. „Ég held að þetta
verði mun jafnara en oft áður og
maður er bara spenntur að fara að
byrja. Spá er bara spá og bæði ég
og leikmenn mínir teljum okkur
geta mun betur og stefnum á að
gera það,“ sagði Sverrir þjálfari
í samtali við Víkurfréttir fyrir
Íslandsmótið í haust. „Við ætlum
bara að halda markmiðum okkar
innan liðsins en þau eru töluvert
hærri en þetta,“ bætti Sverrir við
en þó leyfir maður sér að efast um
að Sverri hafi dreymt um tvo bikara
á þessum tímapunkti. Liðið var
mikið breytt frá því árinu áður og
margir ungir og óreyndir leikmenn
að koma inn í liðið með veigameira
hlutverk. Það var ekki margt í leik
liðsins sem virtist afsanna þessar
spár því liðið byrjaði tímabilið
með miðlungs spilamennsku og
neikvæðu vinningshlutfalli framan
af.
Þó mátti sjá merki þess að mikið
byggi í þessu liði og það sannaðist
kannski best þegar Njarðvíkingar
niðurlægðu granna sína frá
Keflavík, ríkjandi Íslands- og
bikarmeistara, með því að sigra þær
með 40 stiga mun í Ljónagryfjunni
rétt fyrir jól. Þá hafa vafalaust
einhverjir áttað sig á því að liðið
væri til alls líklegt í annars jafnri og
spennandi deild. Það má þó ekki
gleyma því að Njarðvíkingar léku
til úrslita í fyrra gegn Keflvíkingum
en töpuðu þeirri viðureign 3-0
þrátt fyrir hetjulega baráttu. Miklar
breytingar áttu þó eftir að eiga sér
stað á leikmannahópnum.
Upprisan úr ösku áhugaleysis
Njarðvíkingar lönduðu sínum fyrsta Íslandsmeistaratitli í körfubolta kvenna um síðastliðna helgi er þær sigruðu Hauka á útivelli með 76 stigum gegn 62. Leikir liðanna í rimmunni höfðu verið sveiflukenndir og spennandi og höfðu bæði lið náð að sigra á útivelli áður en Njarðvíkingar
lokuðu dæminu. Áhorfendur Njarðvíkinga mættu vel á leikinn á laugardag og vart mátti greina á milli hvort liðið væri á heimavelli. Fögnuður
liðsins og áhorfenda var mikill enda voru Njarðvíkingar að ljúka ótrúlegu tímabili þar sem tveir titlar fóru á loft.
Lele Hardy var illviðráðanleg í vetur.
Hún var réttilega kjörin leikmaður
úrslitakeppninnar.