Neytendablaðið - 01.03.2013, Blaðsíða 5
Minning
Snæfríður Baldvinsdóttir, hagfræðingur og stjórnarmaður í
Neytendasamtökunum, lést 19. janúar sl. aðeins 44 ára
gömul.
Snæfríður var kosin í stjórn Neytendasamtakanna haustið
2010 og fljótt varð ljóst að þar var öflugur liðsmaður á ferð.
Snæfríður tók virkan þátt í starfi samtakanna og var meðal
annars formaður starfshóps NS um samkeppnismál og
landbúnað. Þá undirbjó hún og stýrði ráðstefnu um
landbún aðarmál sem Háskólinn á Bifröst og NS stóðu að
vorið 2012. Síðasta haust var hún kosin í framkvæmda-
stjórn NS. Málflutningur Snæfríður var hóf stilltur og
málefnalegur og hún bjó yfir víðtækri þekkingu og reynslu.
Neytendasamtökin sjá nú á eftir góðum félaga og eru
þakklát fyrir það óeigingjarna starf sem Snæfríður innti af
hendi fyrir íslenska neytendur. Um leið og við kveðjum
Snæfríði með virðingu og eftirsjá vottum við dóttur hennar,
sambýlismanni og öðrum aðstandendum okkar dýpstu
samúð.
Starfsfólk og stjórn Neytendasamtakanna
Gömlu verðmerkingarnar, þar sem hver vara var verðmerkt
með límmiða, lögðust af þegar strikamerkin komu til
sögunnar. Þau spara verslun mikinn tíma og fjármuni því
ekki þarf að verðmerkja hverja vöru og afgreiðsla á kassa
gengur margfalt hraðar fyrir sig. En hvað er strikamerki
nákvæmlega?
Strikamerki er kóði sem lesinn er með leysigeisla. Undir
strikamerkinu er 13 stafa talnaruna. Tölvan notar strika-
merkið til að finna vöruna í gagnagrunni og sækja upplýs-
ingar um vöruverð.
EAN-13 er staðall fyrir strikamerki og stendur fyrir
„European article number“. Upphaflega var staðallinn fyrir
evrópskan markað en er nú notaður um allan heim. GS1 eru
alþjóðleg samtök sem halda utan um skráningu á EAN-13
og fyrirtækin, sem eigendur strikamerkja, eru meðlimir í
þessum samtökum.
Fyrstu þrjár tölurnar í fyrrnefndri talnarunu gefa til kynna í
hvaða landi fyrirtækið er skráð. Sem dæmi má nefna að ef
vörur eru framleiddar fyrir fyrirtæki skráð á Íslandi eru
fyrstu þrjár tölurnar 569. Landsnúmerið þýðir þó ekki
endilega að um framleiðsluland vörunnar sé að ræða þar
sem fyrirtæki skráð í einu landi getur framleitt vöru í öðru
landi. Það er því ekki hægt að treysta á að strikamerkið
segi til um uppruna vöru.
Næstu tölur segja til um nafn fyrirtækisins og veita upp-
lýsingar um heiti vörunnar og verð eins og það er skráð í
vöruskrá seljanda. Síðustu tvær tölurnar eru svo númer sem
sannreyna hvort talnakóðinn hafi í heild sinni verið
skannaður eða sleginn rétt inn. Hægt er að finna lands-
númer (prefix list) og upplýsingar um eigendur strika-
merkja á heimasíðunni gs1.org.
strikamerkin á
vörunum
Snæfríður Baldvinsdóttir 19682013
5