Neytendablaðið - 01.03.2013, Blaðsíða 17

Eins og sjá má á þessum myndum er húsið illa farið af
leka. Verst var ástandið í kjallaranum þar sem viðvarandi
raki myndaði kjöraðstæður fyrir myglusveppi.
Heilbrigðisfulltrúar leiðbeina
Heilbrigðiseftirlit sveitarfélaga fara ekki varhluta af
áhyggjum húseigenda og leigjenda og hefur fyrir-
spurnum vegna myglu í húsnæði fjölgað mikið.
Heilbrigðisfulltrúar leiðbeina fólki um úrbætur en
þeir mæta almennt ekki í hús nema í undantekningar-
tilfellum. Það getur þó gerst að heilbrigðisfulltrúi taki
út húsnæðið, rétt eins og í málinu sem hér var rakið,
en þá liggur fyrir staðfestur grunur um að ekki sé allt
með felldu. Þá eru til fyrirtæki, svo sem Hús og
heilsa, sem sérhæfa sig í svona málum.
getur mygla verið skaðleg heilsunni?
Geymist á þurrum stað! Þessi varnaðarorð á
lyfjaumbúðum má yfirfæra á fólk og híbýli þess
segir Guðríður Gyða Eyjólfsdóttir,
sveppafræðingur hjá Náttúrufræðistofnun
Íslands. Hún hefur ekki farið varhluta af auknum
áhyggjum fólks af myglu í húsnæði og greinir oft
sýni úr sýktum húsum. Sýni úr leiguhúsnæðinu
sem fjallað er um hér að framan rötuðu inn á
rannsóknastofu Guðríðar Gyðu. Rannsókn hennar
leiddi í ljós að í húsinu var fjölbreyttur
sveppagróður, þar á meðal sveppur sem nærist á
þráðormum, en einnig dauðir mítlar og
smádýraskítur. Það var því greinilega líf í húsinu í
orðsins fyllstu merkingu enda var mat
sérfræðinga að það væri ekki íbúðarhæft.
En telur Guðríður Gyða að fólk þurfi að vera
betur á varðbergi eða er umræðan um myglu og
húsasótt orðum aukin? „Fólk þarf tvímælalaust
að fylgjast með því að húsnæðið haldist þurrt og
gera við um leið og vart verður við leka. Þá þarf
að þrífa myglu strax og hún sést og fylgjast með
því hvort hún vaxi upp aftur. Ef fólk telur að
veikindi megi rekja til myglusveppa í húsnæði er
besta ráðið að prufa að vera án mengaðra hluta í
myglulausu húsnæði í nokkra daga og fylgjast
með líðan sinni. Ef líkur eru á að veikindi tengist
húsi verður að leita uppi raka og þá myglu sem
honum fylgir.“ Guðríður Gyða segir að það geti
þurft að kalla til sérfræðing, til dæmis húsasmið,
og gott sé að fara yfir sögu hússins og skoða
hvort forn mygla gæti leynst á bak við eitthvað.
„Við myglu innanhúss þarf að bregðast af öryggi
og festu,“ segir Guðríður Gyða að lokum.
-BP-
væri ekki íbúðarhæft. Konan leitaði í kjölfarið til
lögfræðings þar sem hún vill fá afslátt eða endur-
greiðslu af leigunni en hún borgaði 120 þúsund á
mánuði í leigu, utan hita og rafmagns. Þá er hugsanlegt
að hún gæti átt skaðabótakröfu á eiganda hússins
vegna fjártjóns og heilsutjóns sem fjölskyldan hefur
orðið fyrir.
guðríður gyða Eyjólfsdóttir
sveppafræðingur
17