Neytendablaðið - 01.10.2008, Blaðsíða 4

Þing Neytendasamtakanna var haldið
föstudaginn 19. og laugardaginn 20. sept­
ember síðastliðinn. Á föstudeginum var
þátttaka öllum opin og var fundarsalurinn
þétt setinn. Björgvin G. Sigurðsson, við­
skiptaráðherra, ávarpaði þingið og sagði
m.a. frá því að með uppstokkun ráðu­
neyta hefði gefist tækifæri til að gera
neytendamálum hærra undir höfði. Mark­
miðið væri að byggja upp neytendamála­
ráðuneyti líkt og gert hefur verið víða á
Norðurlöndunum. Ráðherra sagði einnig
frá úttekt á stöðu neytendamála sem
ráðuneytið fól Félagsvísindastofnun, Hag­
fræðistofnun og Lagastofnun Háskóla
Íslands að vinna. Þá sagði ráðherra frá
fundaherferð sinni um landið þar sem
neytendamálin eru rædd fram og til baka.
Jóhannes Gunnarsson, formaður Neytenda-
samtakanna, sagði í ræðu sinni að stjórn-
völd hefðu á undanförnum árum lagt sig
í líma við að greiða götu fyrirtækja og
fjármagnseigenda, ekki síst með skatta-
lækkunum og öðrum tilslökunum. Nú bæri
þeim að leggja áherslu á að tryggja hag
heimilanna.
Jón Sigurðsson, rekstrarhagfræðingur og
fyrrverandi ráðherra, og Ragnar Árnason,
prófessor við Hagfræðideild Háskóla Ís-
lands, tókust á um það hvort hagsmunum
heimilanna væri betur borgið innan eða
utan Evrópusambandsins.
Þuríður Hjartardóttir, framkvæmdastjóri
Neytendasamtakanna, kynnti niðurstöður
úr skýrslu um tryggingamarkaðinn sem
Liselotte Widing hefur unnið. Skýrslan í
heild sinni verður kynnt síðar.
Eiríkur Jónsson og Ása Ólafsdóttir frá Laga-
deild háskóla Íslands sögðu frá skýrslu sem
þau unnu um stöðu neytendamála.
Þing Neytendasamtakanna 2008
Eiríkur Jónsson kynnir skýrslu Lagadeildar.
 NEYTENDABLA‹I‹ 3. TBL. 2008