Neytendablaðið - 01.10.2008, Blaðsíða 6

Það getur oft reynst erfitt að meta þörfina fyrir tryggingar. Þarf
að kaupa viðbótartryggingu fyrir raftækin? Eða forfallatryggingu
fyrir ferðina? Vertu vakandi fyrir tvítryggingum og veldu trygg­
ingarfjárhæð í samræmi við eignir og bótareglur.
Sumar tryggingar eru lögboðnar og gildir það um brunatryggingu
húseigna og ökutækjatryggingar, þ.e. ábyrgðartryggingu og slysa-
tryggingu fyrir öll skrásetningarskyld ökutæki. Kaskótrygging er
ekki skylda en bætir meðal annars tjón af völdum áreksturs, elds-
voða, bílveltu, snjóflóða, óveðurs, þjófnaðar, skemmdarverka o.fl.
Varðandi aðrar tryggingar er það hins vegar hvers og eins að
meta tryggingaþörfina og velja rétta tryggingaupphæð til að vera
vel tryggður án þess að greiða óþarfa iðgjöld. Hér fylgja nokkrar
ráðleggingar en ítarlegar upplýsingar eru að finna á vefsíðu Neyt-
endasamtakanna undir „Fjármál“, (www.ns.is).
Hvaða tryggingar þarftu?
Ef þú ert einstaklingur án fjölskyldu dugar góð heimilistrygging
langt.
Algengt er að heimilistrygging innihaldi:
- innbústryggingu
sem bætir tjón vegna bruna, skammhlaups, umferðaróhapps,
innbrotsþjófnaðar, þjófnaðar, ráns, skemmdarverka, útstreymis
vökva, óveðurs, ofhitunar á þvotti, brots eða hruns, skýfalls eða
asahláku, og skemmda á kæli- og frystivörum.
­ innbúskaskó
sem bætir tjón á lausafjármunum úr innbúi vegna skyndilegra
ófyrirsjáanlegra utanaðkomandi orsaka.
­ ábyrgðartryggingu
sem bætir tjón sem vátryggður veldur öðrum og ber ábyrgð á
samkvæmt íslenskum lögum.
- slysatryggingu í frítíma
sem greiðir bætur vegna dauðsfalls, varanlegrar og læknis-
fræðilegrar örorku, tímabundins missis starfsorku, sjúkra-
kostnaðar og tannbrots. Vátryggingin gildir oftast hvar sem er í
heiminum í frítíma, við heimilisstörf og við nám.
- greiðslukortatryggingu
sem bætir tjón ef greiðslukort hins vátryggða tapast og óvið-
komandi aðili misnotar það.
- réttaraðstoðartryggingu
sem greiðir málskostnað vegna ágreinings í einkamálum.
- ferðatryggingu
sem inniheldur farangurstryggingu, ferðasjúkratryggingu, ferða-
rofstryggingu, samfylgd í neyð, endurgreiðslu ferðar, farangurs-
tafartryggingu og stundum, en ekki alltaf, forfallatryggingu.
Fyrir þá sem vilja einfaldari og takmarkaðri vernd er hægt að kaupa
heimilistryggingu samsetta úr færri vátryggingarþáttum, t.d. innbús-
tryggingu og ábyrgðartryggingu.
Ef þú átt íbúð þarftu líka að íhuga að kaupa fasteigna­/húseigenda­
tryggingu. Slík trygging getur bætt vatnstjón, óveðurstjón og
innbrotstjón á t.d. hurðum, gólfefnum, innréttingum og fleiru sem
tilheyrir fasteigninni. Innbúið er hins vegar tryggt í innbústryggingu
sem er sértrygging eða hluti af heimilistryggingu.
Sumarhúsatryggingar eru oft samsettar af bruna-, fasteigna- og
innbústryggingu og fela í sér vernd gegn helstu gerðum tjóns sem
geta orðið á húsinu og innbúi þess.
Ertu vel tryggður?
Eða of vel tryggður?
 NEYTENDABLA‹I‹ 3. TBL. 2008