Neytendablaðið - 01.10.2008, Blaðsíða 18

Fjölmargar gerðir eru til af kattamat en
skrautlegar og lokkandi umbúðir eru ekki
alltaf traust vísbending um gæði inni­
haldsins. International Research and Testing
(ICRT) tók margar gerðir til athugunar.
Annars vegar var kannað og borið saman
þurrfóður og hins vegar blautfóður.
Gæðakönnunin
Í flokki þurrfóðurs fékk Hill’s Science Plan
hæstu meðaleinkunnina. Þetta fóður er með
alveg rétt magn og hlutföll næringarefna
og innihaldslýsingin á bakhlið pakkans
reyndist líka hárrétt. Þessi gerð er líka ein
sú dýrasta á markaðnum.
En verðið segir ekki allt. Næstbestu fóður-
gerðirnar, sem fengu sömu heildareinkunn
og lúxusfóðrið og náðu toppárangri hvað
varðar næringarefnainnihald og innihalds-
lýsingu, reyndust vera Schnucki frá Aldi
og Coshida frá Lidl. Dagskammtur af þessu
fóðri kostar aðeins um sjöunda hluta þess
sem greiða þarf fyrir Hill’s Science Plan. Því
miður fundust þessar hagstæðu tegundir þó
ekki á markaði hérlendis.

Lakasta útkomu í flokki þurrfóðurs fékk
IAMS Adult 1+ rich in chicken, með nær
helmingi lægri einkunn en besta fóðrið í
flokknum, aðallega vegna ófullkominnar
innihaldslýsingar. Yfirleitt voru þurrfóðurs-
gerðirnar þó góðar og þessi gerð fékk í
sjálfu sér miðlungseinkunn en var í flokki
dýrustu gerðanna.
Í flokki blautfóðurs fékk IAMS Adult 1+ rich
in chicken hins vegar hæstu heildareinkunn,
og reyndar hæstu einkunn í öllum þáttum
gæðakönnunarinnar og var, eins og kannski
mátti búast við, langdýrasta fóðrið í flokknum.
Í markaðskönnun NS reyndust 10 gerðir af
IAMS-þurrfóðri fást hérlendis og fimm af
blautfóðri.
Kettir yfir kjörþyngd
Margir kettir éta of mikið og hreyfa sig
of lítið. Sérfræðingar benda ekki á „besta
fóðrið“ heldur meiri hreyfingu og minna af
sælkerabitum. Flestir kettir éta sama fóðrið
dag eftir dag, nokkrum sinnum á dag, allan
ársins hring. Sumir eigendur vorkenna þeim
vegna þessa einhæfa fæðis en staðreyndin
er sú að köttum þykir það gott sem þeir eru
vanir. En til þess að svo megi verða þarf að
gera miklar kröfur til innihaldsins í matnum
sem kettinum er gefinn.
Sérfræðingarnir segja að offita sé mikið
vandamál meðal katta nú á dögum. Á
sumum dýraspítölum í Danmörku er þriðji
hver köttur sem þangað kemur of feitur.
Offita veldur köttum svipuðum vanda og of
feitu fólki. Þeir eiga erfitt um hreyfingar og
verða latir og framtakslausir. Aukabyrðin
sem leggst á dýrin er of mikil fyrir liðamót
þeirra. Kettir geta meira að segja fengið
áunna sykursýki, sem stafar af röngu fæði.
Loks geta feitir kettir átt í erfiðleikum með
að þvo sér sjálfir vegna þess að þeir verða
of stirðir og miklir um sig til að ná með
tungunni til alls líkamans.
Margir kattaeigendur vilja kannski hafa
dýrið eins og leikfangabangsa og enginn
í fjölskyldunni stenst það þegar þegar kött-
urinn mjálmar og sníkir mat. Það verður þó
að hafa í huga hvað er best fyrir dýrið.
Það er ekki hægt að fullyrða hvaða fóður-
gerð hentar heimiliskettinum best. Engir sér-
fræðingar vita hvaða fóður hentar dýrum.
Það er vitað hvaða fóður hentar best kúm
Gæðakönnun á kattamat
1 NEYTENDABLA‹I‹ 3. TBL. 2008