Neytendablaðið - 01.10.2008, Blaðsíða 8

Veldu rétta
tryggingarfjárhæð
Mikilvægt er að velja rétta tryggingarfjárhæð. Ef fjárhæðin er of
há er tryggingin dýrari en hún þyrfti að vera, en bætur miðast
samt einungis við raunverulegt tjón sem þú verður fyrir. Ef of lág
fjárhæð er valin ert þú hins vegar ekki að fullu tryggður og færð
ekki fullar bætur vegna tjóns, þó svo að einungis hluti af t.d. innbúi
skemmist. Ef þú tryggir t.d. alla lausafjármuni á heimili þínu fyrir
8.000.000 kr., þó að raunverulegt verðmæti þeirra sé 16.000.000
kr., er hver hlutur einungis tryggður til hálfs. Ef t.d. sjónvarpinu er
stolið samsvara bætur hálfvirði sjónvarpsins. Ekki er tekið tillit til
persónulegs minjagildis.
Oft er tryggingafélaginu skv. skilmálum heimilt að lækka bætur á
grunni verðrýrnunar vegna aldurs, notkunar og annarra atriða sem
geta haft áhrif á verðmæti hlutarins. Algengt er að afskriftir á fatnaði,
myndavélum, DVD, heimabíói og tölvum geti verið allt að 20% á
ári eftir fyrsta árið, sem er án afskriftar. Fyrir hljómflutningstæki,
sjónvörp, myndbandstæki og útvörp getur afskriftin oft verið
10% á ári eftir fyrstu tvö árin. Fyrir önnur rafmagnstæki, reiðhjól,
skíða- og viðlegubúnað er afskriftin oft takmörkuð við 10% á
ári þegar eftir fyrsta árið. Tölvugögn og hugbúnaður bætist ekki
alltaf. Afskriftir vegna verðrýrnunar eru oft takmarkaðar við 70%
hámark. Rétt er að miða við bótaskilmála tryggingafélagsins þegar
bótafjárhæð er ákveðin.
Skráðu allt niður
og myndaðu
Til að ákveða tryggingarfjárhæð, og til að geta sýnt fram á tjón
síðar meir, getur verið gott að ganga herbergi úr herbergi og meta
verðmæti hluta í hverju herbergi fyrir sig auk þess að taka myndir af
sem flestu. Það skiptir ekki málið hversu stór íbúðin eða fjölskyldan
er, heldur á fjárhæðin að samsvara andvirði allra lausafjármuna sem
eru á heimilinu, þ.e.a.s. innbús, fatnaðar, tækja, listaverka o.s.frv.
Skráðu hjá þér merki, innkaupsár, framleiðslunúmer, verð o.þ.h.
Lýstu verðmætum hlutum mjög nákvæmlega og greindu frá t.d.
stimplum, áritunum, stærð o.s.frv. Geymdu svo hlutaskrána, myndir,
kvittanir og ábyrgðarskírteini á öruggum stað utan heimilisins.
Liselotte Widing
Ekta grænmetiskraftur inniheldur grænmeti, krydd og matjurtir.
Grænmetiskraftur sem seldur er í verslunum inniheldur oftast salt,
grænmetisolíu og ýmis bragðaukandi efni (MSG). Stundum er salt
meira en helmingur af innihaldsefnunum. Það má spyrja hvort
sumar tegundir grænmetiskrafts hafi fjarlægst svo mjög uppruna-
legu uppskriftina að nær væri að tala um salttening með bragðbæti.
Á þetta benda dönsku samtökin Danmarks aktive forbrugere á
heimasíðu sinni, www.aktiveforbrugere.dk.
Mannskepnan er söm við sig. Eftirfarandi tilvitnun í Robert M. Hutchins birtist í Neytendablaðinu snemma árs
1979, eða fyrir tæpum 30 árum.:
„Okkur hættir til að sjást yfir ýmis knýjandi vandamál, er blasa við úr öllum áttum og krefjast úrlausnar.
Þetta stafar sumpart af þeirri snjöllu hugkvæmni okkar að komast í álnir á þann hátt að kaupa hluti hver
af öðrum sem við höfum ekki not fyrir, á verði sem við ráðum ekki við, með skilmálum sem eru okkur
ofvaxnir, fyrir áhrifamátt auglýsinga sem við trúum ekki á.“
Grænmetisteningar geta innihaldið salt og og bragðefni en ekki endilega mikið af
grænmeti.
Kraftur
eða saltteningur
Kona nokkur keypti tvo sófa í versluninni Línunni. Einn
sófinn kom úr búðinni en hinn af lager. Þegar sófarnir voru
komnir heim í stofu tók konan eftir því að sófinn sem verið
hafði á lager var aðeins dekkri en hinn og annar litur á
púðum. Konan hringdi í Línuna og þar fóru starfsmenn strax
í málið. Verslunin átti á lager annan sófa sem var eins og
fyrri lagersófinn og var hann sendur heim til konunnar þar
sem starfsmenn sáu um að setja fæturna á sófann og ganga
frá öllum umbúðum.
Stuttu síðar hringdi stúlka úr versluninni og bað um korta-
númer konunnar því ákveðið hafði verið að gefa konunni
tæplega 12.000 krónu afslátt vegna óþægindanna.
Konan var að vonum mjög ánægð með góða þjónustu.
Frábær þjónusta í Línunni
Skjallarinn
 NEYTENDABLA‹I‹ 3. TBL. 2008