Neytendablaðið - 01.10.2008, Blaðsíða 17

Hvernig gerir maður skynsamleg
innkaup?
Fyrst og fremst er að setjast niður með fjöl-
skyldumeðlimum og gera áætlun um hvaða
matvöru heimilisfólkið vill borða. Útbúa
í framhaldinu matseðil fyrir aðalmáltíð
dagsins og gera innkaupalista í samræmi við
hann og vera trúr innkaupalistanum þegar
verslað er. Gott er að sem flestir fjölskyldu-
meðlimir séu sammála og meðvitaðir um að
svona ætlum við að hafa þetta og allir geta
lagt sitt til málanna. Elda síðan hæfilegt
magn og nota afgangana.
Nokkur góð húsráð af heimasíðunni
www.lovefoodhatewaste.com og frá
Marínu:
• Settu bananahýðið í rósabeðið. Grafðu
það aðeins niður upp við rósina.
• Steiktu grænmeti sem er að verða leiðin-
legt og settu í frysti. Þá má taka það út
hvenær sem er og henda út í súpur eða
hina ýmsu rétti.
• Merktu allt vel (dagsetningu og inni-
hald) sem þú setur í frysti.
• Ef þú átt mikinn afgang af brauði er
upplagt að þurrka það og búa til brauð-
rasp.
• Gott ráð er að skrifa matseðil fyrir
næstu daga og fara með innkaupaseðil
í búðina.
• Eldaðu af og til stóra uppskrift (t.d.
lasagna og chili con carne) og settu
mátulega skammta í frysti. Þá er hægt
að reiða fram kvöldmat á svipstundu.
• Gerðu matarmiklar súpur þar sem þú
nýtir alls kyns afganga.
• Notaðu afganga af hafragraut, kart-
öflum, hrísgrjónum eða hverju sem er
í brauð. Ýmist út í deigið eða sem fyll-
ingu.
BP
Það er þjóðráð að nota matarafganga í brauðbakstur.
Margir eru duglegir að flokka rusl og fara
með í endurvinnslu. Eitt af því sem hægt
er að flokka er plast en mikið af matvælum
er einmitt geymt í plastumbúðum. Þeir sem
eru með endurvinnslutunnu hafa fengið
upplýsingar um það hvaða plast megi
endurvinna en það er merkt sérstöku endur-
vinnslumerki. Stærstur hluti plastumbúða
er þó ekki með neinar merkingar og því
er spurningin; má setja allt plast í endur-
vinnslu?
Arngrímur Sveinsson rekstrastjóri Gáma-
þjónustunnar hf. segir fyrirtækið taka við
öllu plasti og plastumbúðum sem til fellur
á heimilum. „Við flokkum úr það plast sem
ekki er hægt að nota svo fólk þarf ekki að
hafa áhyggjur af því. Mikilvægast er að
umbúðirnar séu tómar og hreinar og að
allt plast sé sett saman í poka. Allt plast er
sent til útlanda þar sem það er flokkað enn
frekar áður en það er endurunnið.“
Plastumbúðir sem þessar er hægt að endurvinna.
Allir geta flokkað plast því flokkunarstöðvar víða
um land taka við plasti sem til fellur á heimilum en
umbúðum á að skila tómum og hreinum.
Hvaða plast má flokka?
Félagsmaður hafði safnað saman plasti sem ekki var merkt endurvinnslumerki og vildi vita hvort óhætt væri að
setja það í Endurvinnslutunnuna.
1 NEYTENDABLA‹I‹ 3. TBL. 2008