Neytendablaðið - 01.04.2008, Blaðsíða 3
Frá kvörtunarfljónustunni
9.000 erindi bárust til Leiðbeininga- og kvörtunarþjónustunnar á síðasta
ári.
Það er því ljóst að nóg er að gera en þetta eru um það bil 40 erindi að
meðaltali á dag. Í mörgum tilvikum var beinlínis um að ræða kvartanir en
í öðrum almennar fyrirspurnir eða ábendingar.
Yfir hverju er kvartað?
Flestar fyrirspurnir á síðasta ári voru vegna raftækja og ferðalaga. Þá bárust
einnig margar fyrirspurnir eða ábendingar vegna verðlags og má vafalaust
þakka það auknu eftirliti neytenda með verðlagi á matvörum í kjölfar
lækkunar á virðisaukaskatti. Fyrirspurnir vegna trygginga- og fasteignamála
voru einnig fyrirferðarmiklar.
Gallaðir farsímar og fartölvur
Ef fyrirspurnir er varða raftæki, tölvur og farsíma eru lagðar saman sést að
tæplega þúsund erindi bárust vegna slíkra tækja. Í langflestum tilvikum var
um það að ræða að neytandinn taldi sig hafa gallaðan hlut í höndunum en
var annaðhvort óviss um réttarstöðu sína eða þá að illa gekk að fá seljanda til
að bæta úr gallanum.
Mikið spurt um skilarétt
Þá var mikið spurt um skilarétt, innleggsnótur og gjafabréf en Neytendasamtökin
hafa gagnrýnt stuttan gildistíma á gjafabréfum og innleggsnótum. Samtökin
hafa eindregið hvatt verslanir til að fara eftir verklagsreglum um skilarétt er
gefnar voru út af iðnaðar- og viðskiptaráðuneytinu fyrir nokkrum árum. Því
miður fylgja allt of fáar verslanir þessum reglum.
Ársskýrslan er aðgengileg í heild sinni á heimasíðu Neytenda samtakanna
og er þar að finna ýmsar nánari upplýsingar um starfsemi Leiðbeininga- og
kvörtunarþjónustunnar.
9.000 fyrirspurnir á ári
Fjarðarkaup fær
hrósið
Margir foreldrar kannast eflaust við hversu
varasamt það getur verið að taka börnin með í
mat vöruverslanir þegar þau eru þreytt og pirr uð
eftir langan vinnudag í leikskólanum eða skól-
anum. Ófriður er í aðsigi ef verslanir hafa stillt
sælgætinu og dótinu í hillur sem eru í augnhæð
barnanna. Foreldrar geta reyndar snið gengið sæl -
gætis-, gos- og snakkrekkana en það er verra
þegar sæl gætinu er stillt upp við kass ana því
enginn kemst hjá því að bíða í biðröð á annatíma.
Má þá stundum heyra stríðsöskrin ef börnunum
er neitað um gott í gogginn rétt á meðan beðið er
eftir afgreiðslu.
Neytendasamtökin hafa fengið ábend ing ar frá
neytendum sem vilja hrósa Fjarðar kaupum fyrir
að staðsetja hvorki gos né sæl gæti við kassana.
Neyt enda samtökin taka undir hrósið og hvetja
matvöruverslanir til að gefa holl ari mat vælum
meira vægi og fara að dæmi Fjarðar kaupa og
fjarlægja sæl gætið frá köss unum.
Peysurnar endurgreiddar
Frá evrópsku neytendaaðstoðinni
Í síðasta tölublaði sögðum við frá ungri konu sem lenti í hremmingum eftir
að hafa verið látin borga tífalt fyrir nokkrar peysur. Málið fór fyrir kærunefnd
lausafjárkaupa í Danmörku en þá sagðist verlsunin hafa uppgötvað mistök
sín og fallist var á að endurgreiða konunni.
Neytendasamtökin og evrópska neytendaaðstoðin (ENA) vilja að gefnu
tilefni minna fólk á nauðsyn þess að geyma kvittanir í einhvern tíma þegar
verslað er erlendis. Nýverið heyrði ENA frá konu sem keypti kjól í verslun í
Kaupmannahöfn. Þegar heim var komið kom í ljós að stærðar saumspretta var
á kjólnum. Konan leitaði þá til útibús verslunarkeðjunnar hér á landi en þar var
henni neitað um aðstoð þar sem hún gat ekki framvísað kvittun. Hugsanlega
hefði verið hægt að framvísa þessu máli til evrópsku neytendaaðstoðarinnar í
Danmörku en neytandanum fannst það ekki fyrirhafnarinnar virði og ákvað
að gera við kjólinn sjálf. Ef kvittun hefði verið fyrir hendi hefði þó aldrei þurft
að koma til þess.
Starfsmenn kvörtunarþjónustunnar hafa í nógu að snúast.
3 NEYTENDABLA‹I‹ 1. TBL. 2008