Neytendablaðið - 01.04.2008, Blaðsíða 4
Í lok janúar hlustaði ég á athyglisvert viðtal við bankastjóra Landsbankans þegar
bankinn kynnti hagnaðartölur síðasta árs en hagnaður bankans árið 2007 nam 40
milljörðum króna eftir skatta. Í lok viðtalsins fengu viðskiptavinir Landsbankans
athyglisverð skilaboð frá bankastjóranum:
Sigurjón bankastjóri: Að hagnast um 40 milljarða er mjög góður rekstrarárangur. Við
erum mjög stoltir og horfum framan í hvern sem er varðandi rekstrarafkomu bankans.
Fréttamaður: Þetta eru góðar fréttir fyrir Landsbankann en nú eru 1000 viðskiptavinir
að horfa á þessa frétt og vilja fá að vita: hvað þýðir þetta fyrir mig?
Sigurjón bankastjóri: Ja - hik - þetta þýðir í rauninni ekkert sérstakt fyrir þig sem
við skipta vin. - hik - Ekki almennt séð nema bankinn gengur betur og betur og þar af
leiðandi getur hann stutt betur og betur við sína viðskiptavini.
Er þetta ekki dæmigert?
Árgjald Neytenda
samtakanna 2008
Stjórn Neytendasamtak anna hefur tek ið
ákvörð un um að árgjald Neytenda samtak-
anna verði 4.300 krónur þetta árið. Við
ákvörðun á árgjaldi hefur mörg undan-
farin ár verið miðað við breytingar á
vísitölu neysluverðs. Undanfarna tólf mán -
uði hefur þessi vísitala hækkað um 7%.
Neytenda samtökin vona að félags menn
mæti þessari breytingu með skilningi, enda
ljóst að ef rauntekjur samtak anna drag ast
saman bitnar það aðeins á starfsemi Neyt -
endasamtakanna. Minnt er á að félags gjöld
eru mikilvægasti tekjustofn samtak anna.
Ertu að flytja?
Félagsmenn munið að tilkynna breytt heim-
ilis fang! Hægt er að senda póst á www.
ns.is
Þá minnum við á að hægt er að greiða
ár gjaldið með kredikorti og spara þannig
inn heimtukostnað fyrir samtökin.
Nöldrarinn
Ráðgjafanefnd Evrópusambandsins um neytendamál telur nauðsynlegt að upplýsa
neytendur betur um CE-merkingu á vörum. Nefndin vill meina að CE-merkingin sé
vill andi þegar hún er sett á vöruna sjálfa eða umbúðir. Ástæðan er sú að:
• neytendur halda að merkið sé sett á vörur sem hafa verið prófaðar með tilliti til
öryggis af óháðum þriðja aðila eða jafnvel yfirvöldum,
• neytendur halda að merkið sé einhvers konar gæðastimpill,
• neytendur halda að merkið gefi til kynna að varan sé framleidd í Evrópu.
Ráðgjafanefndin fer fram á það við Evrópuráðið og aðrar evrópskar stofnanir að merkið
verði fjarlægt af neytendavörum og umbúðum.
Hvað þýðir CE-merkið?
CE-merking er yfirlýsing frá framleiðanda (eða ábyrgðarmanni vörunnar) um að
varan uppfylli ákveðin skilyrði og staðla. Um margar vörur gilda lög og reglur sem
framleiðendur verða að fylgja. Oftast er um að ræða reglur sem snúa að öryggi og
heilsuvernd. Þannig er t.d. bannað að nota hættulega þungmálma í leikföng og
hjólahjálmurinn verður að vera nægilega sterkur til að þola högg. Setji framleiðandi
CE-merkingu á vöru er það yfirlýsing af hans hálfu um að varan uppfylli öll skilyrði
og þar með getur hún ferðast innan Evrópska efnahagssvæðisins. Það er þó ekki þar
með sagt að varan sé örugg og þess eru dæmi að CE-merktar vörur hafi verið teknar af
markaði af öryggisástæðum.
Næsta þing Neytendasamtakanna verður
haldið dagana 19.–20. september nk.
Sam kvæmt lögum samtakanna geta allir
skuldlausir félagar þeirra verið fulltrúar
á þinginu enda tilkynni þeir um þátttöku
með a.m.k. viku fyrirvara.
Samkvæmt lögum Neytendasamtakanna er
þingið æðsta vald í málefnum þeirra.
Stjórn Neytendasamtakanna hvetur félags-
menn til að hafa áhrif á starf og stefnu
samtakanna með því að sitja þingið. Þeir
sem hafa áhuga á því eru beðnir um að
tilkynna um þátttöku með tölvupósti (ns@
ns.is) eða með því að hringja í skrifstofur
Neytendasamtakanna í síma 545 1200 og
462 4118.
Þing Neytenda
samtakanna
félagsmenn, takið þátt
CE merking villandi
4 NEYTENDABLA‹I‹ 1. TBL. 2008