Neytendablaðið - 01.04.2008, Síða 11

urðu verkfræðingarnir stundum að brjóta
þvottinn saman. Fólk sem setur lítinn þvott
í hverja vél fær hreinni þvott en notar meira
vatn og rafmagn á kíló en nauðsyn krefur.
Hávaði
Engar þvottavélanna í gæðakönnuninni
fengu mjög góðar einkunnir varðandi
hávaðmengun. Munurinn á ódýru og dýru
vélunum í könnuninni felst aðallega í meiri
hávaða í þeim ódýrari, bæði meðan vélarnar
þvo og vinda. Dýru vélarnar gefa almennt
ekki frá sér jafn skerandi hljóð. Munurinn
er þó ekki einhlítur; Whirlpool, sem er í
kringum miðjuna í verðkönnuninni, gefur
frá sér pirrandi són. Háværustu vélarnar
eru af tegundunum Ariston og Whirlpool.
Þetta þarf fólk að hafa bak við eyrað ef
meiningin er að hafa þvottavélina í eða
nálægt vistarverum þar sem fólk heldur sig
mikið, t.d. eldhúsi. Sé vélin þar sem lítið
heyrist í henni geta Ariston og Whirlpool
verið góðir kostir.
GOTT AÐ VITA UM ÞVOTT
OG ÞVOTTAVÉLAR
Orkunýtingarmerkingar geta verið
villandi
Skylda er að hafa á öllum þvottavélum merki
sem sýnir orkunýtingu þeirra. Grunnstuðlar
framleiðenda fyrir útreikningana að baki
þessu eru iðulega kíló og 60 gráðu heit
bómullarkerfi. Á því kerfi getur vélin
auðveldlega þvegið sex kíló í einu, eins
og uppgefið er í leiðbeiningum, en oft
ráðleggur framleiðandinn að aðeins séu sett
fimm kíló eða minna í vélina ef notuð eru
önnur þvottakerfi en 60 gráðu kerfið
Hár snúningshraði er slítandi
Ef fólk getur þurrkað þvott utanhúss eða
í þurrkklefa er engin ástæða til að kaupa
þvottavél með snúningshraða upp á 1600
snúninga eða meira. Mikill snúningshraði
slítur þvottinum mikið. Bara handklæði og
sængurver hafa gott af því að vera undin
við 1800 snúninga eða meira.
Troðið ekki þvottinum inn
Of mikill þvottur í vélinni slítur kúlulegum
hennar. Þumalfingursreglan segir að maður
eigi að geta sett tvo kreppta hnefa ofan á
þvottinn í tromlunni. Ef ekki er pláss til
þess er of mikið í henni. Kúlulegurnar og
hita-elementið eru meðal þess sem oft gefur
sig í þvottavélum. Það er algengt að nýjar
kúlulegur kosti 10-20 þús. kr. eða meira.
Þvottavélin þvær líka að jafnaði betur
þegar hún er ekki troðfull.
Stórar tromlur brotna oftar
Þvottavélar með stórar tromlur sem taka
átta kíló af þvotti eiga það til að skjögra
þegar snúningshraði er hvað mestur. Ef
þvottavélin stendur skakkt er meiri hætta á
því við þeytivinduna að tromlan hendist út
í hlið þvottavélarinnar og brotni.
Þvotturinn verður hreinni ef þið
flokkið
Hraðþvottakerfi eiga erfiðara með að skila
þvottinum hreinum. Þess vegna skulið þið
vanda ykkur vel við að flokka þvottinn
fyrirfram. Notið hraðvirk kerfi helst á lítið
óhreinan og meðalóhreinan þvott. Mjög
óhreinan þvott skal þvo sér og rækilega
með öflugu kerfi. Það er ólíklegt að vélin
þvoi vel ef í henni er mikið tau og þvegið er
með litlu vatni við lágt hitastig.
Verið góð við vélina
Tyrknesku Beko-þvottavélarnar, sem fást
í Max og Heimilistækjum, komu vel út í
gæðakönnuninni. Samt treysta margir þeim
ekki vegna þess að bilanatíðni hefur verið
talsverð hjá Beko-uppþvottavélum. Margt
getur spilað inn í endingu véla, en mestu
skiptir fyrir fólk sem kaupir þvottavél í
ódýrari kantinum að það fari vel með vélina
og fylgi vel leiðbeiningum um notkun. Þá
geta t.d. Gorenje- og Beko-vélar dugað vel
og lengi.
Þvottavélar eru frægar fyrir að láta hluti
hverfa, t.d. sokka. Í gæðakönnuninni kom
í ljós að sumar þvottavélar geta í alvöru
„gleypt“ ýmsa litla hluti, til dæmis smámynt,
blaðaklemmur, hárnælur, spennur og annað
sem dælist út með vatninu eða festist í
einhverjum afkimum. Fá dæmi eru um að
aðskotahlutir sem festast inni í þvottavélum
skaði þær en það getur hins vegar reynst
nær ómögulegt að endurheimta þá.
Siemens WM 14S460 FG Candy AQ1000 Gorenje WA73141
ASKO W6132-b Candy GO4 1246D Blomberg-WAF 7340 A
11 NEYTENDABLA‹I‹ 1. TBL. 2008