Litli Bergþór - 01.06.2013, Blaðsíða 39

Litli-Bergþór 39
Eldri deild leikskólans Álfaborgar ber nafnið
Krummaklettar. Nafnið kemur úr nánasta umhverfi
leikskólans og förum við oft í ævintýraferðir að hinum
upprunalegu Krummaklettum. Í þessum ferðum lærum
við mjög margt því við leggjum áherslu á skapandi
starf og nám í gegnum leikinn. Til dæmis skoðum við
trén og lærum um þau en jafnframt getum við lært
grunnhugtök í stærðfræði. Hvaða tré er stærst? Hvað
eru margar aspir meðfram veginum upp brekkuna í
leikskólann? Ef við tökum fjögur tré í burtu hvað eru
mörg eftir?
Í skólanámskrá Álfaborgar kemur fram að
leikskólinn starfi eftir lögum um leikskóla,
aðalnámskrá leikskóla og skólastefnu Sveitarfélagsins
Bláskógabyggðar. Ásamt þessum lagaramma
hafa starfsmenn leikskólans verið að þróa
undanfarin ár daglegt starf meir og meir í átt að
leikskólahugmyndum Reggio Emilia sem einkennast
af lýðræði. Leikskólastarf í anda Reggio Emilia fellur
vel að grunnþáttum aðalnámskrár leikskóla. Þar er
aðaláherslan á skapandi og frjálst starf þar sem virðing
er borin fyrir öllum einstaklingnum, bæði börnum og
starfsmönnum. Tekið er tillit til áhuga hvers og eins
og nám og kennsla fer fram í gegnum leik. Hver og
einn fær að njóta sín og sjálfsmyndin styrkist, sem er
mikilvægt veganesti út í lífið.
Á hverju ári velja börnin sér þema og í vetur urðu
blómin og náttúran fyrir valinu. Við höfum því verið
að dýpka vitneskju okkar um það á sem fjölbreyttastan
hátt. Það hefur meðal annars verið gert með því að
lita afskorin blóm með matarlit og mála fallegar
blómamyndir. Börnin völdu sér líka nöfn á hópana
Krummaklettar
„Kónguló, kónguló, vísaðu mér á berjamó“... Jóhann
Hilmir, Hildur María, Arnaldur, Metta Malín og Lilja Björk.
Leikur með myndvarpa. Sindri og Kári Steinn.
sína og heita þeir Rósahópur og Sóleyjarhópur. Það
var gert í lýðræðislegri kosningu þar sem raddir allra
fengu að heyrast.
Föst uppbygging er á skólastarfinu sem má sjá í
dagskipulagi leikskólans en námið og leikur barnanna
fer mikið fram í gegnum opnar stöðvar og flæði þar sem
einstaklingurinn fær að njóta sín. Hópastarf er í hverri
viku en þar er unnið með tónlist og myndsköpun. Í
vetur höfum m.a. tekið fyrir Árstíðirnar eftir Vivaldi
og Pétur og úlfinn. Á hverjum degi skemmtum við
okkur á ýmsan hátt s.s. með því að syngja og lesa.
Við hreyfum okkur á hverjum degi, jafnt inni sem
úti, en einnig er farið í hverri viku í íþróttahúsið
og sprellað. Undirbúningur fyrir grunnskólann er
Bjarni Harald og Tómas Ingi í hópastarfi. Unnið með
myndlist og tónlist við tónverkið Árstíðirnar eftir Vivaldi.