Litli Bergþór - 01.06.2013, Blaðsíða 47

Litli-Bergþór 47
• Leiðrétting: Í síðasta blaði var einn matgæðinga
vikunnar í Sunnlenska Fréttablaðinu kallaður
Grétar Þór Grímsson, að sjálfsögðu var átt við
Grím Þór Grétarsson á Syðri-Reykjum og biðst
Litli-Bergþór afsökunar á þessum mistökum.
• Veturinn hefur verið snjóléttur og veður gott
síðan síðasta blað var gefið út fyrir jólin. Hiti
hefur oftast verið á bilinu +/- 5°C, fór mest
niður í – 10-12 °C einn og einn dag í mars.
Töluverð úrkoma var fyrri part janúar og aftur
síðustu dagana í febrúar, en féll sem betur fer
sem slydda eða rigning, en ekki snjór. Miklir
vatnavextir urðu í febrúar í Hvítá og öðrum
ám og Auðsholt varð umflotið vatni, en ekki er
vitað um skaða. Annars hefur verið úrkomulítið í
vetur. Hálku, sem var á vegum fyrir jól, tók upp
fyrir jól og öll fárviðri og fannfergi sem hrjáðu
landsmenn í öðrum landshlutum í vetur, sneiddu
hjá uppsveitum Árnessýslu. Maí var frekar
kuldalegur en þó snjólaus að mestu.
• Í janúar hlaut Guðjón Gunnarsson í Tjarnarkoti
verðlaun Hrossaræktarfélags Biskupstungna
fyrir hæst dæmda stóðhest félagsmanna,
Svala frá Tjörn. Guðjón segir að Svali sé besti
gæðingur sem hann hefur átt. Í tilefni þessa var
Guðjón sunnlendingur vikunnar í Sunnlenska
fréttablaðinu þann 23. janúar.
• Sameinaður leik- og grunnskóli Bláskógabyggðar
hefur hlotið nafnið Bláskógaskóli. Efnt var til
samkeppni um nýtt nafn á skólann og kom nafnið
Bláskógaskóli frá tveimur aðilum. Annars vegar
frá þrem systkinum á Laugarvatni, þeim Arnari
Páli, Láru Björk og Auði Pétursbörnum og
hinsvegar frá Sigríði Egilsdóttur á Vatnsleysu.
• Hildur Guðmundsdóttir á Brekku
lést aðfaranótt föstudagsins 11.
janúar. Útförin fór fram í Skálholti
þriðjudaginn 22. janúar og var hún
jarðsett á Torfastöðum.
• Dröfn Þorvaldsdóttir leikskólakennari
og frístundamálari sem býr í
Kvistholti í Laugarási, málaði mynd
af Menntaskólanum á Laugarvatni
sem hún færði skólanum að gjöf í
janúar sl.
• Hinrik Óskar Guðmundsson frá Bóli
lést 20. janúar og var jarðsettur á
Torfastöðum föstudaginn 1. febrúar.
Hvað segirðu til?
• Þorrablót Tungnamanna fór fram á bóndadaginn,
þ.e.a.s. föstudaginn 25. janúar. Var það í umsjón
Haukadalssóknar sem sá um skemmtiatriðin.
Hljómsveitin „Piltarnir okkar“ spilaði síðan fyrir
dansi.
• Hóf til heiðurs íþróttafólki Bláskógabyggðar
var haldið í Aratungu 12. janúar. Þar fengu
Íslandsmeistarar, bikarmeistarar og þeir sem
valdir hafa verið í landslið, viðurkenningu.
Íþróttamaður Bláskógabyggðar ársins 2012 var
kjörinn Smári Þorsteinsson, glímumaður úr
Reykholti.
• Samningur hefur verið gerður milli Sveitarstjónar
og eigenda jarðarinnar Heiðar um Tungnaréttir.
Ólafur Björnsson frá Úthlíð gerði samninginn
og gaf vinnuna sem sitt framlag til réttanna og
sveitarfélagsins.
Húsið við Tungnaréttir að lenda á sínum grunni.
Dröfn Þorvaldsdóttir afhendir Halldóri Páli Halldórssyni mynd sem
hún málaði af Menntaskólanum að Laugarvatni.