Litli Bergþór - 01.06.2013, Qupperneq 48
48 Litli-Bergþór
• Eiríkur Jónsson í Gýjarhólskoti fékk verðlaun
fyrir frábæran rekstur og bústjórn á kúabúi
sínu frá Búnaðarsambandi Suðurlands og
Auðhumlu. Verðlaunin voru afhent á aðalfundi
Félags kúabænda á Suðurlandi sem fram fór
mánudaginn 28. janúar á Hellu. Eiríkur fékk
þessi verðlaun líka í fyrra.
• Tvær Biskupstungnameyjar koma við sögu í
stjórn nemendafélagsins á Laugarvatni í vetur.
Þjóðbjörg Eiríksdóttir frá Gýgjarhólskoti
er gjaldkeri félagsins og Margrét Björg
Hallgrímsdóttir frá Miðhúsum er formaður
ritnefndar.
• Garðyrkjubændur fengu
styrk frá sveitarstjórn
Bláskógabyggðar nú í
janúar til að fjármagna
viðbótarkostnað við frágang
skýrslu um rafmagnsmál
garðyrkjunnar.
• Hagyrðingakvöld Vina
Tungnarétta var haldið í Aratungu
föstudaginn 8. mars. Þar komu
fram Guðni Ágústsson frá
Brúnastöðum, Pétur Pétursson frá
Höllustöðum, Reynir Hjartarson
frá Akureyri, Þórður Pálsson frá
Sauðanesi í Húnavatnssýslu, Magnús
Halldórsson frá Hvolsvelli, Kristján
Ragnarsson frá Ásakoti og Sigurjón
Jónsson frá Skollagróf.
• Héraðsþing HSK var haldið í Aratungu 9. mars
sl.
• Verkið Saumastofan var frumsýnd í Árnesi þann
16. mars. Leikdeild Umf. Gnúpverja setti upp
verkið en frá Leikdeild Umf. Bisk. mátti sjá á
sviðinu þau Írisi Blandon og Sigurjón Sæland.
• Elsa Fjóla Þráinsdóttir í Miklaholti bauð ekki í
partí í tilefni af 40 ára afmæli sínu en lét ættingja
og vini vita í héraðsfréttablöðum að þeir væru
velkomnir að gefa sauðfé og klappa silkihænum
og fá sér kaffi á sunnudeginum 17. mars.
• Hafdís Leifsdóttir, umsjónamaður fasteigna
Bláskógabyggðar í Reykholti hefur nú sett upp
síðu á Facebook fyrir Aratungu.
• Á 147. fundi sveitarstjórnar Bláskógabyggðar
þann 11. apríl sl. varð umræða um almenna
dansleiki í Aratungu. Var samþykkt samhljóða
að slíkir dansleikir verði ekki haldnir í Aratungu
framvegis fyrir utan hinar hefðbundnu samkomur
s.s. þorrablót, réttaball, árshátíðir eða aðrar
hátíðarsamkomur félaga innan Bláskógabyggðar.
• Nýja húsið við Tungnaréttir var sett niður á
sökkulinn þann 12. apríl.
• Fagrilundur er nýtt nafn á húsi því sem áður gekk
undir nafninu Kaffi Klettur. Í Fagralundi er nú
gistiheimili sem opnaði 15. apríl sl. Guðfinna og
Henk, eigendur hússins, eru búin að innrétta þar
sex herbergi fyrir komandi gesti.
Fæ ég þá ekki framar
að fara á alvöru sveita-
ball í Aratungu? Breytingar á Klettinum nú Fagralundi. Horft að stiganum
upp á loft í Fagralundi og að útidyrahurðinni sem er á
hliðinni á húsinu, það hefur ýmislegt breyst frá því sem
áður var.
Frá hagyrðingakvöldi Vina Tungnarétta. Talið frá vinstri: Sigurjón Jónsson, Kristján Ragnarsson, Magnús Halldórs-
son, Guðni Ágústsson, Pétur Pétursson, Þórður Pálsson og Reynir Hjartarson. Mynd: Sigurður Sigmundsson