Ægir - 01.05.2003, Blaðsíða 21

21
N Ý T Æ K N I
GK, Páli Jónssyni GK og
Hrungni GK og segir Árni að
menn hafi lýst mikilli ánægju
með hvernig til hafi tekist.
Kerfið býður m.a. upp á tví-
vídd, þrívídd, ARPA, dýpisein-
ingu, botnhörkueiningu, sjávar-
fallaeiningu ásamt línueiningu.
Fyrir allar línuveiðar
„Við kynntum grunnhugmyndina
að þessum plotter á sjávarútvegs-
sýningunn í Kópavogi á síðasta
ári og síðan hefur þróunarvinnan
haldið áfram. Það hefur farið
gríðarlega mikill tími og vinna í
þessa útfærslu, en ég er mjög
ánægður með hvernig til hefur
tekist og tel að útkoman sé mun
betri en ég þorði að vona. Við
höfum reynslukeyrt kerfið um
borð í þremur línubátum Vísis og
höfum verið að ljúka við hönnun
þess fyrir smábátana. Kerfið er
hægt að nota við allar línuveiðar,
túnfiskveiðar og sverðfiskveiðar.
Það sýnir nákvæmlega hvar fisk-
urinn er veiddur, það telur krók-
ana og fiskana og eftir hverja 32
öngla, eða ákveðið magn af öngl-
um, gefur kerfið upplýsingar um
fjölda fiska og sýnir það í lit á
skjánum. Eftir lögnina sést rekka-
fjöldinn, fiskafjöldinn, öngla-
fjöldinn og hvar fiskurinn er
veiddur,“ segir Árni.
Ýmsir möguleikar eru í auka-
búnaði, eins og botnhörkubúnað-
ur, tvívídd, þrívídd, ARPA, sjáv-
arfallatatla o.fl.
Farið að spyrjast út
Árni segist ekki gera sér grein
fyrir hvaða útbreiðslu línukerfið
nái, en það sé farið að vekja áhuga
víða erlendis. „Næst liggur fyrir
að kynna þetta rækilega og koma
þessu í notkun. Auk Íslands
munum við m.a. leggja áherslu á
að kynna þetta í Færeyjum og
Noregi. Ég er þess fullviss að hér
erum við komnir með mjög
merkilega nýjung,“ segir Árni.
Hann telur að ekki dragi úr
áhuganum á tækinu að litið sé á
línuveiðar sem vistvænan veiði-
skip, sem hafi byr í seglin um
þessar mundir, ekki síst innan
Evrópusambandsins.
Trax-línuhlutinn les gögnin frá LineTec
línukerfi Vaka-DNG, gögnin eru send um
RS 232. Fyrir minni báta er hægt að fá
línukerfi frá Elcon. Litur í ferli segir til
um hvar fiskurinn er að fást, ljósblátt
merkir 1-5 fiska, grænt táknar t.d. 9-12
fiska o.s.frv. Línugluggi sýnir stöðu
dráttar á línunni á rauntíma.
Hægt er að sjá fjölda fiska á rekka og í
ferli.
Með því að nota Línu-eininguna er hægt
innan skamms tíma að sjá hvar fiskur-
inn hefur fengist og ef smellt er á lit í
töflunni stekkur bendillinn þangað sem
liturinn er í ferlinum.
Notandinn getur sett upp eigin skil-
greiningar á lit í línuferli. Dæmi: Svart-
ur=enginn fiskur, ljósblár=1-5 fiskar,
dökkblár=5-9 fiskar.
Þessi tækni létt-
ir okkur störfin
- segir Gísli Jónsson, skipstjóri
á Páli Jónssyni GK
„Að mínu mati er þetta það markverðasta sem hefur komið fram
lengi í sambandi við tæknivæðingu við línuveiðar,“ segir Gísli
Jónsson, skipstjóri á Páli Jónssyni GK, línuveiðiskipi Vísis í
Grindavík, en hann hefur lagt Elcon lið í þróun hins nýja TRAX-
búnaðar fyrir línuveiðar, prófað búnaðinn um borð og komið með
góðar ábendingar. Raunar má segja að hugmyndina að tengingu
LineTec kerfisins frá Vaka-DNG við TRAX-búnaðinn hafi Gísli
sett fram.
„Það er alveg klárt að þessi búnaður léttir mjög störf okkar á
línuveiðiskipunum og hámarkar afköstin. Myndræn framsetning
gerir okkur það kleift að sjá hvar á línunni aflinn er mestur, sem
segir okkur hvar mest veiðivon er. Þessi nýja tækni léttir okkur
vissulega að hámarka aflann,“ segir Gísli skipstjóri á Páli Jónssyni,
sem hefur verið við línuveiðar síðan 1996. Hann er þrautreyndur
skipstjóri, hefur verið í brúnni síðan 1973, eða í þrjátíu ár. „Meðan
fiskast, finnst mér alltaf jafn gaman af þessu,“ segir Páll og hlær.
Hann er þess fullviss að þessi nýi tæknibúnaður fyrir línuveiðar eigi
eftir að vekja athygli erlendis. Rík hefð sé fyrir línuveiðum í Nor-
egi, Færeyjum og Frakklandi og ástæða sé til að ætla að í þessum
löndum muni menn taka hina nýju tækni í sína þjónustu.