Ægir - 01.05.2003, Blaðsíða 24

24
Æ G I S V I Ð TA L I Ð
Norðurlands til Nígeríu kemur í ljós að árið 1997
fluttum við út 128 þúsund pakka, en 302 þúsund
pakka árið 2002 - þar af koma um 53 þúsund pakkar
frá verksmiðjunni í Færeyjum. Við sjáum því á þess-
um tölum að aukningin er gífurleg og það virðist
ekkert lát vera á henni. Markaðurinn er einfaldlega
að stækka verulega.“
Vörugæði hafa aukist verulega
„Fiskmiðlun Norðurlands hefur unnið töluvert í
markaðsmálum í Nígeríu. Við höfum tekið þar þátt í
vörusýningum og árið 1999 stóðum við fyrir því að
stór hópur framleiðenda og fulltrúar utanríkisráðu-
neytisins fóru til Nígeríu og ræddu við kaupendur.
Auk þessa markaðsátaks hafa vörugæðin aukist veru-
lega. Við höfum lagt á það áherslu við framleiðendur
að leggja mikið upp úr gæðunum og ég tel að það
hafi skilað miklum árangri. Jafnframt hefur á síðustu
árum verið vandað betur til flutninga á afurðunum
til Nígeríu. Hér á árum áður fengum við oft kvartan-
ir frá kaupendum vegna þess að varan var hreinlega
skemmd þegar hún kom á leiðarenda. Þetta stafaði
bæði af því að ekki hafði verið vandað nægilega vel
til þurrkunar hér heima og síðan komst raki að vör-
unum um borð í skipunum vegna þess einfaldlega að
gámarnir voru ekki nægilega góðir. Á þessu hefur
orðið mikil breyting og nú heyrir til undantekninga
ef við fáum kvartanir.“
Stærsta útflytjandinn til Nígeríu
Salka-Fiskmiðlun er það útflutningsfyrirtæki sem
flytur út langmest af þurrkuðum afurðum til Níger-
íu. „Við vorum með 55% útflutnings til Nígeríu
árið 2002 og fyrstu þrjá mánuði þessa árs vorum við
með 62% útflutningsins,“ segir Hilmar.
Það er til marks um stækkun markaðarins í Níger-
íu að afurðaverð hefur ekki lækkað, þrátt fyrir veru-
lega framleiðsluaukningu. „Nei, þvert á móti hækk-
aði verðið í dollurum í mars sl.,“ segir Hilmar og
hefur ekki svar á reiðum höndum af hverju markað-
urinn í Nígeríu stækkar svo hratt fyrir þurrkaðar af-
urðir. „Nei, ég tel að á því sé ekki nein ein skýring.
Það er þó ljóst að varan er orðin mun vandaðri en
áður og því eru kvartanir fátíðari. Efnahagur Níger-
íumanna hefur verið að batna og það hefur að sjálf-
sögðu líka mikið að segja. Hinu má þó ekki gleyma
að þetta er það dýr vara í Nígeríu að stór hluti þjóð-
arinnar hefur ekki efni á að kaupa hana,“ segir Hilm-
ar.
Nígeríumenn mylja niður þurrkaða fiskhausa og
-hryggi frá Íslandi og nota í einskonar súpu sem út í
er sett grænmeti, kjúklingakjöt o.fl. Þetta þykir
mikið lostæti. „Þessi súpa er vissulega hátíðarmatur
og maður heyrir á fólki að það dreymir um að geta
borðað slíkan mat einu sinni í viku,“ segir Hilmar,
en neysla á þurrkuðum fiskafurðum frá Íslandi er
nokkuð svæðaskipt í Nígeríu. Fyrst og fremst eru
kaupendur í austurhluta landsins, sem við þekktum
hér á árum áður undir nafninu Biafra, og einnig er
Horft yfir einn af mörgum útimörkuðum í Nígeríu.
Þorsteinn Pálsson,
fyrrverandi sjávarút-
vegsráðherra og
sendiherra, með
Hilmari í Nígeríu.