Ægir - 01.05.2003, Blaðsíða 30

30
F R É T T I R
Auk frétta- og upplýsingamiðl-
unar stundar InterSeafood Íslandi
hf. sölu- og markaðsstarf fyrir
ferskan fisk og sjávarafurðir. Darri
Gunnarsson, framkvæmdastjóri
sagðist í samtali við Ægi fagna
þessu samkomulagi og vera þess
fullviss að það ætti eftir að verða
báðum vefsvæðunum til heilla.
„Samstarfið við Athygli er mjög
mikilvægt fyrir okkur. Við höfum
lengi stefnt að samvinnu við
prentmiðil í sjávarútvegi en það
tel ég að styrki okkur verulega.
Athygli ehf. mun leggja okkur til
upplýsingar úr Sjómannaalman-
akinu og Skipaskránni og sjá um
sölu auglýsinga fyrir InterSeafood
en þar á bæ er mikil þekking og
reynsla á þeim vettvangi. Við
munum á hinn bóginn bæta frétt-
um úr sjávarútvegi inn á skipa-
skrárvef Athygli á slóðinni
www.skipaskra.is.“
Darri sagði að með samningi
þessum væri InterSeafood að út-
hýsa verkefnum sem aðrir gætu
leyst betur og starfsmenn hans
gætu einbeitt sér að mikilvægari
þáttum í starfseminni ásamt því
að auka gildi upplýsingamiðlunar
á vefnum. „Við munum áfram
kappkosta miðlun frétta- og upp-
lýsinga ásamt því að hleypa meiri
krafti í sölu- og markaðsstarf sem
er okkar viðamesta verkefni,“
sagði Darri.
Valþór Hlöðversson, fram-
kvæmdastjóri Athygli undirritaði
samninginn við InterSeafood fyrir
hönd fyrirtækisins. „Það var árið
2000 sem Athygli keypti útgáfu-
réttinn að Sjómannaalmanakinu
og Skipaskránni sem Fiskifélag
Íslands hafði gefið út um áratuga-
skeið. Við ákváðum strax að setja
upplýsingar úr skipaskránni út á
vefinn og opnuðum vefsvæðið
www.skipaskra.is í þeim tilgangi.
Þar er að finna ítarlegar upplýs-
ingar um öll íslensk skip, myndir
af þeim, tæknilegar upplýsingar,
úthlutað aflamark o.s.frv. Einnig
geta menn nágast þar allt sem
þeir þurfa að vita um íslenskar
hafnir, útgerðarfélög og þjónustu-
aðila í greininni. Vefurinn
www.interseafood.com er hins
vegar öflugasti frétta- og upplýs-
ingavefur um sjávarúveginn hér á
landi og með því að samtengja
þessa tvo gagnabanka geta net-
verjar á einum stað nálgast allt
sem þeir þurfa að vita um íslensk-
an sjávarútveg,“ sagði Valþór í
samtali.
www.skipaskra.is og www.interseafood.com:
Samtengdir gagnabankar
um íslenskan sjávarútveg
Fyrirtækin Athygli ehf. og InterSeafood Íslandi hf. hafa gert með sér
samstarfssamning um að kynna og markaðssetja vefina www.skipa-
skra.is og www.interseafood.com sameiginlega. Markmiðið með sam-
starfinu er að stórefla þessa vefi og stunda hagkvæma og öfluga vef-
miðlun upplýsinga í sjávarútvegi
Valþór Hlöðversson, framkvæmdastjóri Athyglitil vinstri og Darri Gunnarsson, framkvæmdastjóri InterSeafood Íslandi hf. handsala
samkomulagið sem þeir segja afar mikilvægt fyrir bæði fyrirtækin. Ljósm. grv.