Ægir - 01.05.2004, Page 40

H A F N A R F R A M K V Æ M D I R
Gleðilega sjómannadagshátíð!
Um þessar mundir er unnið að
gerð 800 metra langs sjóvarna-
garðs í Þorlákshöfn, en þetta er
fyrsti áfangi af fimm við stækkun
og endurbætur hafnarinnar þar.
Garðurinn nýi gengur út frá
Skötubót, sandfjörunni sem
gengur til austurs frá Þorlákshöfn
og allt til Ölfusárósa. Ræktunar-
samband Flóa og Skeiða vinnur að
gerð sjóvarnargarðsins. Í hann er
ekið um 230 þúsund rúmmetrum
af grjóti og vega stærstu steinarn-
ir 25 tonn. „Framkvæmdirnar
ganga mjög vel og við erum á
áætlun, en samkvæmt útboðsskil-
málum eigum við að skila þessu
verki af okkur þann 30. nóvem-
ber í haust,“ segir Steinn Leó
Sveinsson, sem stýrir þessu verk-
efni fyrir hönd verktakans.
Indriði Kristinsson, hafnarstjóri
í Þorlákshöfn, segir þessar fram-
kvæmdir koma til með að breyta
miklu. Áformað sé að við sjóvarn-
argarðinn nýja komi viðlegukant-
ur, sem ætlaður sé fyrir fiskiskip
og eins smábáta en útgerð þeirra í
Þorlákshöfn er talsverð. Á seinni
stigum standi síðan til að rífa svo-
nefnda Norðurvararbryggju, sem
er L-laga bryggja og flest fiskiskip
hafa lagst að síðustu áratugi. Hún
þjónar ekki lengur kröfum sínum
og verður nú rifin, að sögn Ind-
riða. Þá verður byggður nýr við-
legukantur fyrir loðnuskip milli
svonefndrar Skarfaskersbryggju og
Norðurgarðs, en gert er ráð fyrir
að flutningahöfnin verði við
Svarta- og Skarfaskersbryggjur.
Allt mun þetta, að sögn hafnar-
stjórans, gera höfnina rýmri og
flutningaskipum betur kleift að
athafna sig þar. Þá verður byggð-
ur nýr sjóvarnagarður sem ganga
mun inn í höfnina sjálfa - og mið-
ar sá þáttur framkvæmdanna að
því að það verði lyngra í sjó innan
hennar.
Miklar hafnarframkvæmdir í Þorlákshöfn:
Rýmri höfn og lyngri
Steinn Leó Sveinsson, verkefnisstjóri Ræktunarsambands Flóa og
Skeiða við hafnarframkvæmdirnar í Þorlákshöfn. Mynd: Sigurður Bogi Sævarsson.
Sjávarútvegsráðuneytið
Tben ehf
Hvaleyrarbraut 39 – Hafnarfjörður
Sími 544 2245 – tben@tben.is – www.tben.is
Gjögur hf.
Tómasarhaga 46 - 107 Reykjavík
Sími 561 9950