Ægir - 01.07.2006, Page 26

26
S J A L D S É Ð I R F I S K A R
Flundra, Platichthys flesus
Í júní veiddust tvær flundrur í net í
Hraunsfirði á Snæfellsnesi, þeim var báðum
sleppt. Í desember veiddist 37,5 cm hrygna í
dragnót Vals HF í Garðsjó í Faxaflóa.
Auk framangreindra fiska bárust til
rannsóknar eftirfarandi fisktegundir: Trjónu-
fiskur, Rhinochimaera atlantica, rauðháfur,
Centrophorus squamosus, broddabakur,
Notacanthus bonapartei, djúpáll, Synapho-
branchus kaupi, álsnípa, Nemichthys
scolopaceus, trjónuáll, Serrivomer beani,
grænlandsnaggur, Nansenia groenlandica,
gjölnir, Alepocephalus bairdii, bersnati,
Xenodermichthys copei, slóans gelgja,
Chauliodus sloani, digra geirsíli, Magnisudis
atlantica, litla geirsíli, Arctozenus risso,
ýmsar laxsíldir, Myctophidae, og gleypir,
Chiasmodon niger.
Fiskar með sérkennilegt litarfar
Öðru hvoru berast til Hafrannsókna-
stofnunarinnar upplýsingar eða eintök af
fiskum með sérkennilegt litarfar. Algengast er
að frétta af bleikum eða appelsínugulum
grálúðum, en einnig veiðast ýsur og ufsar í
þessum litum. Stundum fréttist af heiðgulum
þorskum og gráum körfum. Árið 2005 fréttist
bæði af bleikum ýsum og gráum körfum.
Ástæðan fyrir þessum afbrigðilegu litum er
að líkindum galli í litkornum í roðinu, þannig
að fiskurinn fær ekki sinn eðlilega lit.
Í Faxaflóa og út af Reykjanesi veiddust
nokkrar sérkennilegar sandhverfur árið 2005,
þær voru einkum sérkennilegar fyrir þá sök
að þær voru dökkar á báðum hliðum. Við
nánari rannsókn kom í ljós að hér munu hafa
verið á ferðinni sandhverfur sem sluppu úr
eldiskví.
Athyglisverðar fisktegundir í haustralli
Í haustralli Hafrannsóknastofnunar á rs. Árna
Friðrikssyni RE umhverfis land í október
veiddust nokkrar athyglisverðar fisktegundir:
Slímáll, Myxine jespersenae
Alltaf öðru hvoru veiðist slímáll á
djúpslóð við landið, einkum hefur hans orðið
vart á grálúðuslóðinni vestur af landinu og
þar veiddust fjórir í þessum leiðangri. Fyrst
eftir að þessir „fiskar“ fóru að veiðast á
djúpslóð við landið var talið að vísindaheiti
tegundarinnar væri Myxine ios, en sú tegund
hefur veiðst djúpt vestur af Írlandi. Nýjustu
rannsóknir hafa hins vegar leitt í ljós að ekki
er um þá tegund að ræða og hefur henni
verið lýst undir nýju nafni, Myxine
jespersenae. Þessi nýskírða tegund hefur
fundist við Vestur-Grænland auk Íslands-
miða.
Þrjár fremur sjaldséðar skötutegundir,
maríuskata (Bathyraja spinicauda), náskata
(Leucoraja fullonica) og djúpskata (Rajella
bathyphila) veiddust einnig. Maríuskatan er
þeirra algengust og jafnframt stærst, hún
getur orðið rúmlega 170 cm löng. Allar eru
þessar skötur hvítar að neðan og er
auðveldast að greina þær sundur á röð stórra
gadda sem liggur eftir halanum og fram á
herðar. Á náskötu eru tvær gaddaraðir á
halanum, sitt hvoru megin við miðju, en ein
röð á hinum tegundunum tveimur.
Maríuskatan er með 21-26 gadda í röðinni,
en djúpskatan 33-41.
Rósafiskur – Þessi tegund heldur sig í kalda sjónum
norður og austur af Íslandi.
Aðrar merkar tegundir sem veiddust í
haustralli eru broddatanni, Borostomias
antarcticus, uggi, Scopelosaurus lepidus,
bletta, Gaidropsarus vulgaris, fiskar af
hyrnuætt, Oneirodidae, svartdjöfull, Mela-
ocetus johnsonii, sædjöfull, Ceratias
holboelli, surtur, Cryptopsaras couesii,
kistufiskur, Scopelogadus beanii, bjúgtanni,
Anoplogaster cornuta, stóra sænál, Entelurus
aequoraeus, tómasarhnýtill, Cottunculus
thomsonii, úthafssogfiskur, Paraliparis
bathybius, rósafiskur, Rhodichthys regina,
bleikmjóri, Lycodes luetkenii, sars álbrosma,
Lycenchelys sarsii og svarthveðnir,
Centrolophus niger.
4
aegirgust06_lagad.qxp 9/11/06 9:42 AM Page 26