Tímarit Máls og menningar - 01.03.1938, Page 3

Efling félagsins.
Mál og menning hefir á örstuttum tíma orðið fjöldafélag i
landinu. Áður cn nokkur bók er út komin hjá félaginu, telur
það á 17. hundrað manns, og' er þannig komið vel á veg nú
þegar að ná takmarki næsta árs: 2000 félagsmönnum. Eftir jafn
frábærar undirtektir þjóðarinnar ætti að vera auðvelt að efla
svo Mál og menning, að félagið geti til fullnustu staðið við lof-
orð sín og hafið svo nytsama og vandaða útgáfustarfsemi, að
almenningur i landinu geli haft ómetanlegt gagn af. En samt
verða menn að gera sér grein fyrir, að vöxtur fclagsins kostar
áframhaldandi starf allra félagsmanna. Það verður hver félags-
maður að vinna að útbreiðslu þess og auknum vinsældum. Með
því tryggir hann sjálfum sér betri bækur. Enginn má láta það
bregðast, að útvega strax á þessu ári nýja menn í félagið. Mál
og menning setur sér nú það takmark, að koma félagatölunni
upp í 2000 fyrir 1. febrúar n.k. og að ná loka-áfanganum, 3000
félagsmönnum fyrir 1. október næsta ár. Ef þetta takmark næst,
höfum við fulla tryggingu fyrir því, að Mál og menning getur
starfað með góðum árangri. Kristinn E. Andrésson.
UMSÖGN UM TVÆR NÆSTU BÆKURNAR.
Maxim Gorki: Móðirin.
„Móðirin“ nnm vera sú af bókum Maxim Gorkis, sein lang-
mesta útbreiðslu hefir fengið. Hún hefir verið þýdd á velflest
tungumál heimsins, og þegar eftir útkomu hennar var hún prent-
uð sem neðanmálssaga i fjölda blöðum, bæði i Þýzkalandi, Frakk-
landi og Italiu, auk þess sem hún var í þessum löndum gefin
út í bókarformi, og var þannig útbreidd i milljónatali.
Bókina skrifaði Gorki á ferð sinni til Ameriku árið 1906. í
föðurlandi hans var bókin gerð upptæk og mál höfðað gegn
honum fyrir fjandsamlegar árásir á yfirstéttina og guðlast. Sið-
ar kom þó sagan út í safni af ritum hans, en ritskoðendurnir
höfðu þá strikað út úr henni um fjóra fimmtu hluta hennar.
Það var ekki fyrr en eftir byltinguna 1917, að bókin kom út
í Rússlandi í sinni upprunalegu mynd.
í sögunni lætur Gorki bóndann Rybin segja, að það þurfi aö
skrifa þannig bækur, að sá sem les þær finni engan frið fram-
ar, og svo ljóst, að jafnvel kálfarnir skilji þær. Það er ekki frá-
leitt að segja, að Gorki hafi með þessari skáldsögu auðnazt að
fullnægja þessari krö'fu. í meistaralegum einfaldleik dregur hann,
af sinni alkunnu list, upp mynd af verkalýðsbaráttunni, eins og
3