Tímarit Máls og menningar - 01.03.1938, Síða 14

et5a skiluðu því til umboðsmanns á staðnum. Félagið ber engan
kostnað af póstkröfusendingum.
Bækurnar fást innbundnar.
Þeir, sem óska eftir, geta fengið bækurnar innbundnar, með
því að greiða 2 krónur að auki fyrir hverja bók. En félagsmenn
verða að taka það fram sérstaklega, ef þeir óska eftir band-
inu, þvi að við látum aðeins binda inn ákveðinn eintakafjölda
af hverri bók.
Bókavalið næsta ár.
Næsta ár eiga bækurnar að verða sex. Aðeins tvær af þeim
eru ákveðnar, Móðirin II og Rauðir pennar V. bindi. Þá mun-
um við reyna að framfylgja þeirri ákvörðun, að gefa lit bók
eftir nýjasta Nóbelsverðlaunarithöfundinn. Þá er enn þrjár
bækur að velja. Við höfum fengið bréf frá mörgum félagsmönn-
um, sem látið hafa uppi álit sitt á útgáfunni í ár, og eins kom-
ið fram með tillögur um ákveðna efnisflokka. Það er mikill stuðn-
ingur fyrir okkur að lillögum félagsmanna, eins þótt óskirnar
fari eðlilega i margar áttir. Við vildum aðeins að miklu fleiri
kæmu fram með óskir sínar. Hvað vilja féíagsmenn, að við velj-
um næst? Hvað margir vilja heimspeki, livað margir uppeldis-
mál, skáldsögur, ljóð, sagnfræði, stjórnmál? Hvaða óskir hafa
menn um ákveðna höfunda, innlenda og erlenda? Þetta allt er
nauðsynlegt fyrir okkur að fá að heyra, eins dóma um þær
bækur, sem við gefum út.
Afslátturinn á bókum Heimskringlu.
Allir félagar i Mál og menning fá, eins og kunnugt er, 15%
afslátt á þeim bókum, sem Heimskringla gefur út. Þetta eru stór-
kostleg hlunnindi, ekki sizt þar sem Heimskringla gefur út bæk-
ur eftir marga vinsælustu rithöfundana hér á landi. Þessi af-
sláttur kemur mönnum að fullum notum í Reykjavik. Þar er
ekki annað en að koma í bókaverzlun Heimskringlu, sýna félags-
skírteini og fá bækurnar afgreiddar með afslættinum. Erfiðara
er við að fást úti um land, vegna burðargjaldsins, sem leggst á
bækurnar, þegar hver einstakur pantar þær úr Reykjavík. Þá
getur farið svo, að burðargjaldið nemi eins miklu og afsláttur-
inn. Og þessi afgreiðsla hefir einmitt valdið óánægju hjá félags-
mönnum. Við höfum ekki enn fundið viðunandi lausn á þessu.
Ef Heimskringla á að gefa afsláttinn og greiða burðargjaldið
8