Tímarit Máls og menningar - 01.03.1938, Side 24

Niels Nielsen: Vatnajökull.
„Vatnajökull“ er falleg bók, jafnt að innihaldi sem ytra bún-
ingi. Frásögnin af hinu mikla hamfarasvæði höfuðskepnanna
austur þar er hvorttveggja í senn, fróðleg og töfrandi. Hér renna
saman í eitt, göfug og karlmannleg vísindamennska og alþýðleg;
aðdáun og lotning fyrir öræfaríki íslands. Vér finnum að þetta
er hold af voru holdi og bein af vorum heinum, eðliskjarni
vor titrar hér í djúpri snertingu við uppruna sinn, vér finnum
að vér eigum heima i þessari baráttusögu elds og ísa, að hún
er undirspil vorrar eigin örlagabaráttu.
Og þýðing Pálma Hannessonar dregur ekki úr samkenndinni:
sérkennilega kraftmikill stíll, sem í hita sínum og þunga minn-
ir á frjómagn vorleysingar, og fellur óvenjuvel að sterkum
náttúrulýsingum.
Það leynir sér hvergi, að um bók þessa hafa fjallað liugir og
hendur þeirra manna, er unnu viðfangsefninu hugástum, og sjálf-
ir hafa reynt á manndóm sinn í skauti þeirrar veraldar, sem þeir
svo fagurlega opna lesandanum. Maður þarf því ekki að undr-
ast þá óvenjulegu liylli, sem bókin virðist þegar hafa áunnið sér
með þjóðinni, — enn vilja íslendingar kunna skil á þeim öfl-
um, sem hafa mótað þá mest, og því, þrátt fyrir allt, standa
hjarta þeirra næst. Jóhannes úr Kötlum.
Jóhannes úr Kötlum: Hrímhvíta móðir.
Allir þeir, sem unna list i ljóði og fagna því, er drengskap>
og dáð er sungið verðugt lof, og þola að sjá óstjórn og þræl-
mennsku sýnd skil og vísað til sinna heimkynna i yztu myrkr-
um, ættu að eignast og lesa þessa bók.
Theódóra Thoroddsen.
Tónlistarfélagið.
Tónlistarfélagið hefir vakið á sér mikla athygli með starf-
semi sinni undanfarið. „Mál og menning" sneri sér til Ragn-
ars Jónssonar, sem er einn mesti atkvæðamaðurinn í stjórn fé-
lagsins, og fékk hjá lionum þessar upplýsingar:
Tónlistarfélagið er stofnað 1932 af 12 mönnum, sem áhuga
höfðu fyrir því, að halda hér uppi hljómsveit og umfram allt
skóla fyrir þá, sem vildu læra tónlist. Félagið hefir síðan séð
um rekstur Tónlistarskólans og Hljómsveitar Reykjavikur, og
18