Ægir - 01.07.2013, Qupperneq 15

15
H A F R A N N S Ó K N I R
landi Íslandi og Færeyjum og
tvö frá Noregi. Þau notuðu
samskonar flotvörpu sem
hönnuð var sérstaklega fyrir
verkefnið. Rannsóknin stóð
yfir á tímabilinu 2. júlí til 9.
ágúst en á þessum tíma eru
stofnar makríls og annarra
uppsjávartegunda á ætis-
göngu um norðurhöf.
„Magn og útbreiðsla makr-
íls á svæðinu var metið út frá
afla í togum sem tekin voru
með reglulegu millibili og var
rannsóknasvæðið um 3,2
milljónir ferkílómetrar. Heild-
arvísitala makríls á svæðinu
var um 8,8 milljón tonn, þar
af voru 1,5 milljón tonn eða
rúm 17% innan íslenskrar
efnahagslögsögu. Vísitalan er
sú hæsta sem mælst hefur á
heildarsvæðinu, en magn
makríls innan íslenskrar lög-
sögu var svipað og mældist
árið 2012. Svæðið sem kann-
að var í ár var mun umfangs-
meira en áður og kann það
að einhverju leyti að skýra þá
aukningu sem mældist á
heildarmagninu. Líkt og fyrri
ár var einungis hluti lögsögu
Evrópusambandsins kannað-
ur,“ segir í samantekt Haf-
rannsóknastofnunarinnar um
leiðangurinn.
Elsti makríllinn ferðast lengst
Í leiðangrinum var vart við
töluvert af tiltölulega smáum
makríl og aldursgreiningar
sýna nokkuð hátt hlutfall ár-
gangsins frá 2010 (20% af
fjölda) en einnig voru áber-
andi árgangarnir frá 2006,
2007 og 2011 með um 15%
hver. Þetta segir Hafrann-
sóknastofnunin fara saman
við reynslu og afla íslenskra
veiðiskipa í sumar.
„Þó svo að niðurstöður
þessar séu ekki ennþá lagðar
til grundvallar við mat á
stofnstærð makríls hjá Al-
þjóðahafrannsóknaráðinu
(ICES), staðfesta þær líkt og
leiðangrar fyrri ára, víðáttu-
mikla útbreiðslu makrílsins.
Þá sýna þær að elsti makríll-
inn ferðast lengst í sínum æt-
isgöngum í Norðaustur Atl-
antshafi á sumrin, en hann
var einkum að finna vestast
og nyrst á rannsóknasvæð-
inu.“
Mikil áta laðar makrílinn að
Skipstjórar á makrílveiðiskip-
unum hérlendis hafa margir
hverjir átt í vandræðum með
að fá hreina makrílfarma í
sumar enda sýnir niðurstaða
rannsóknanna líkt og í fyrra
skörun á útbreiðslu makríls
og síldar, einkum vestan til í
Austurdjúpi og austur af Ís-
landi.
„Á austanverðu og miðju
hafsvæðinu var lítið af síld.
Bergmálsvísitala norsk-ís-
lenskrar síldar mældist 8,6
milljónir tonna. Niðurstöður
leiðangra undanfarinna ára
sýna neikvæða þróun stofn-
stærðar norsk-íslenska síldar-
stofnsins.
Mesti þéttleiki rauðátu,
sem er helsta fæða makríls,
var við Ísland og Færeyjar
þar sem jafnframt var mikið
um makríl. Meðalmagn átu á
öllu rannsóknasvæðinu var
um 8,6 grömm á fermetra
(þurrvikt), samanborið við
um 6 grömm árið á undan. Á
öðrum svæðum var þéttleiki
átu yfirleitt minni, líkt og
undanfarin ár.
Yfirborðshiti sjávar í Norð-
austur Atlantshafi var nálægt
langtíma meðaltali nema í
norðanverðu Noregshafi þar
sem hann var vel yfir meðal-
tali síðustu tveggja áratuga,“
segir í samantekt Hafrann-
sóknastofnunar en nánar
verður unnið úr gögnum sem
aflað var í leiðangrinum á
næstu mánuðum.
www.isfell.is
Sjófatnaður
Starfsstöðvar Ísfells og Ísnets:
• Ísnet Þorlákshöfn - Óseyrarbraut 28
• Ísnet Vestmannaeyjar - Flötum 19
• Ísnet Húsavík - Barðahúsi
• Ísnet Akureyri - Oddeyrartangi
• Ísnet Sauðárkrókur - Lágeyri 1
• Ísfell / Ísnet Hafnarfjörður -
Óseyrarbraut 28 • 220 Hafnarfjörður • Sími 5200 500 • isfell@isfell.is
Smábátar höfðu nú í lok ágúst fiskað um 3200 tonn af makríl hér við land og dreifist sá afli á 86 báta alls.