Ægir - 01.07.2013, Blaðsíða 20

20
V E S T M A N N A E Y J A R
Í heimsókn hjá Grími kokki í Vestmannaeyjum:
Fullvinnur brakandi
ferskt sjávarfangið
á disk neytenda
Grímur Gíslason við kælinn með humarsúpu
Gríms kokks í höndunum. Hann segir kælana
vera hjartað í fyrirtækinu sem geri það að verk-
um að engin aukaefni þarf að setja í réttina.
Grímur kokkur er vaxandi fyrirtæki sem byggir á þeirri matar-
kistu sem Vestmannaeyjar eru. Fyrirtækið framleiðir 24 vöruteg-
undir, mestmegnis úr sjávarfangi og þekktur er plokkfiskurinn
hans Gríms og humarsúpan sem hvort tveggja er fáanlegt í
verslunum um allt land. Grímur kokkur er Gíslason og mat-
reiðslumeistari sem vildi prófa hvort ekki væri hægt að fram-
leiða tilbúna sjávarrétti ofan í landsmenn. Fyrirtækið hóf starf-
semi í leiguhúsnæði úti á Eiði sem var selt ofan af því nýlega.
Það var því strax farið í leita að hentugu húsnæði sem fannst í
gömlu netaverkstæði við Hlíðarveg. Öllu var rústað út úr húsinu
og það endurhannað fyrir matvælaframleiðslu. Flutt var inn í
nýja húsnæðið um áramót og síðan hefur Grímur ekki litið til
baka.