Ægir - 01.07.2013, Side 26

26
Kvótinn 2013-2014
Nýtt fiskveiðiár hófst þann 1. september síðastliðinn og hefur
Fiskistofa úthlutað fiskveiðiheimildum ársins sem nemur
381.431 tonnum í þorskígildum talið. Um talsverða aukningu er
að ræða frá upphafsúthlutun fyrir réttu ári en hún var 348.553
en Fiskistofa bendir á að þar komi tvennt til. Annars vegar
breytingar á þorskígildisstuðlum, einkum vegna verðfalls í
þorski, og hins vegar sé um að ræða auknar aflaheimildir. Þann-
ig hækki úthlutun í þorski um rúm 14 þúsund tonn og nemi 171
þúsund tonnum. Úthlutun í gullkarfa fer í rúm 50 þúsund tonn
og hækkar um 6 þúsund tonn og úthlutun í ufsa hækkar um 3
þúsund tonn. Þá er upphafsúthlutun i síld um 16 þúsund tonn-
um hærri en í fyrra, eða 79 þúsund tonn.
Nú er í fyrsta sinn úthlutað í þremur nýjum kvótategundum,
blálöngu, gulllaxi og litla karfa. Um bráðabirgðaúthlutun er að
ræða þar sem aðeins er úthlutað 80% aflamarksins í þessum
tegundum. Afganginum verður úthlutað eftir að útgerðir sem
telja sig búa yfir aflareynslu hafa haft möguleika á að gera at-
hugasemdir við úthlutunina. Athygli er einnig vakin á að síðar
á árinu verður úthlutað aflamarki í deilistofnum og ekki er óal-
gengt að aukið sé við aflamark í uppsjávarfiski. Þess vegna á
heildaraflamark einstakra skipa og hafna og innbyrðishlutfall
þeirra eftir að breytast í kjölfar slíkra úthlutana þegar líður á
fiskveiðiárið.
Alls fá 627 skip úthlutað aflamarki í upphafi fiskveiðiárs
2013/2014. Úthlutað er til fleiri (smábáta með aflamark og
krókaaflamark) á þessu fiskveiðiári en í fyrra, 441 samanborið
við 427. Skipum í aflamarkskerfinu fjölgar um 19 milli ára og
eru nú 282. Samkvæmt útgerðarflokkun Fiskistofu fá skuttogar-
ar úthlutað 52,6% af heildaraflamarki í ár í þorskígildum talið,
skip með aflamark 35,2%, smábátar með aflamark 1,2% og
krókaaflamarksbátar 11,0%. Vakin er athygli á því að krókaafla-
marksbátar fá eingöngu úthlutað þorski, ýsu, ufsa, gullkarfa,
löngu, keilu og steinbít.
Töluvert meira magni er úthlutað nú í upphafi árs sem skel-
og rækjubótum en í fyrra eða 2.360 þorskígildistonnum og fara
þau til 120 skipa samanborið við 88 skip á fyrra ári.
K V Ó T I N N 2 0 1 3 - 2 0 1 4
Fornubúðir 3 - 220 Hafnarfjörður - Sími 555 6677 - oli@umb.is
Project1 3/31/07 12:20 PM Page 1