Fréttablaðið - 12.08.2015, Blaðsíða 42

12. ágúst 2015 MIÐVIKUDAGUR| SPORT | 26
PEPSI DEILD KVENNA
ÞÓR/KA-KR 2-0
1-0 Sandra María Jessen (22.), 2-0 Sandra María
Jessen (80.).
ÞRÓTTUR-SELFOSS 0-3
0-1 Dagný Brynjarsdóttir (38.), 0-2 Magdalena
Anna Reimus (45.), 0-3 Guðmunda Brynja
Óladóttir (71.).
BREIÐABLIK-FYLKIR 3-0
1-0 Aldís Kara Lúðvíksdóttir (30.), 2-0 Rakel
Hönnudóttir (59.), 3-0 Telma Hjaltalín Þrastar-
dóttir (78.).
STAÐA EFSTU LIÐA
Breiðablik 13 12 1 0 38-2 37
Stjarnan 13 11 0 2 36-7 33
Þór/KA 13 7 3 3 34-19 24
Selfoss 13 7 2 4 23-12 23
ÍBV 13 7 1 5 30-19 22
SPORT
HANDBOLTI Ómar Ingi Magnússon
og félagar í íslenska 19 ára lands-
liðinu hafa unnið þrjá fyrstu leiki
sína á Heimsmeistaramótinu í
Rússlandi og þar á meðal eru sigr-
ar á móti Þýskalandi og Spáni.
Strákarnir unnu Egypta í gær.
„Þetta hefur byrjað vel hjá
okkur þó að leikurinn í dag hafi
ekki verið upp á marga fiska.
Tveir fyrstu voru mjög góðir hjá
okkur en þessi er vonandi bara
undantekningin. Við kláruðum
hann og það er það sem skipti
máli,“ segir Ómar Ingi Magnús-
son, lykilmaður í íslenska liðinu.
Íslenska liðið lét sér nægja
tveggja marka sigur á Egyptum
31-29 en áður hafði liðið unnið
Þýskaland 34-26 og Spán með einu
marki, 25-24.
„Við spiluðum mjög vel á móti
Þýskalandi og vorum frábærir á
móti Spáni. Stemningin er góð hjá
okkur og allir eru glaðir og flott-
ir,“ segir Ómar Ingi sem er næst-
markahæsti leikmaður íslenska
liðsins með sextán mörk í þess-
um þremur leikjum. Íslenska liðið
vann Opna Evrópumótið í Gauta-
borg með sigri á Svíum í úrslita-
leik og strákarnir hafa haldið
sigur förinni áfram á þessu móti.
„Við erum ekki búnir að tapa í
þó nokkurn tíma, síðan í fyrra ein-
hvern tímann,“ segir Ómar Ingi.
„Við ætlum okkur stóra hluti á
þessu móti en markmiðið núna er
samt bara að klára riðilinn. Það
eru tveir leikir eftir í riðlinum og
við þurfum að klára þá almenni-
lega til að fá sem auðveldastan
andstæðing í 16 liða úrslitunum.
Síðan pælum við bara í 16 liða
úrslitunum þegar þar að kemur,“
segir Ómar Ingi og passar sig á því
að tala ekki af sér.
Íslenska nítján ára liðið er búið
að vinna alla fjórtán leiki sína á
árinu 2015. Sigurinn á Spáni þar
sem Ómar Ingi skoraði sigurmark-
ið er einn af þeim stærri til þessa
í ár.
„Spánn lenti í þriðja sæti á Evr-
ópumótinu í fyrra og er með eitt
af bestu liðum í heimi. Á góðum
degi erum við þar líka. Við getum
unnið alla en þetta getur líka farið
illa á móti öllum ef við erum ekki á
tánum,“ segir Ómar Ingi.
„Það eru sömu gildi í gangi hjá
okkur eins og öllum íslenskum
liðum sem er stemningin, bar-
átta og vilji. Við erum flest allir
í góðum hlutverkum hjá liðunum
okkar heima. Við fáum þar mikið
að gera og það er sett ábyrgð á
okkur sem þroskar okkur gríðar-
lega,“ segir Ómar Ingi sem er frá
Selfossi en spilað með Val á síð-
asta ári.
„Hvert smáatriði skiptir máli
í svona leikjum og hver ákvörð-
un skiptir máli. Hausinn er ein-
beittur á riðilinn núna en síðan
koma aðrar hugsanir eftir það.
Við ætlum bara að taka einn leik
í einu,“ segir Ómar en liðið mætir
Noregi í dag. Norðmenn hafa líka
unnið þrjá fyrstu leiki sína.
„Norðmenn eru stórir og sterk-
ir. Þeir keyra líka mikið og þetta
verður erfiður leikur,“ segir Ómar
og hann viðurkennir að það sé
hungur í fleiri sigra innan íslenska
liðsins. „Það væri ekki verra að
geta haldið sigurgöngunni áfram
fram eftir ágústmánuði,“ segir
Ómar Ingi. - óój
Hafa ekki tapað síðan einhvern tímann á síðasta ári
Nítján ára landsliðið í handbolta byrjar vel á HM í Rússlandi en fyrr í sumar unnu strákarnir sigur á Opna Evrópumótinu í Gautaborg.
SEXTÁN MARKA MAÐUR
Ómar Ingi Magnússon er í
stóru hlutverki hjá íslenska
liðinu í Rússlandi.
FRÉTTABLAÐIÐ/XXX
FRJÁLSAR ÍÞRÓTTIR Ísland hefur
ekki átt langhlaupara á HM í
frjálsum í tuttugu ár og það leit út
fyrir að biðin lengdist enn þegar
Aníta Hinriksdóttir náði ekki
ströngum lágmörkum fyrir þátt-
tökurétt í 800 metra hlaupi. Í gær
kom hins vegar í ljós að íslenska
hlaupadrottningin fær tækifæri
til að feta í fótspor frænku sinnar,
Mörtu Ernstsdóttur.
Öðruvísi reglur fyrir þetta HM
„Það voru öðruvísi reglur áður
þegar það voru A- og B-lágmörk.
Íslendingarnir voru oft að fara inn
á stórmótin á B-lágmörkunum. Nú
eru engin B-lágmörk lengur held-
ur stjórnar mótshaldarinn regl-
unum. Lágmarkið inn á HM núna
er eigin lega eins og gömlu A-lág-
mörkin eða mjög strangt. Síðan
fylla þeir upp í fjöldann með afrek-
um sem koma næst,“ segir Gunn-
ar Páll Jóakimsson, þjálfari Anítu.
Alþjóðasambandið staðfesti í gær
að Aníta verði með keppenda á
heimsmeistaramótinu sem hefst
þann 20. ágúst í Peking í Kína.
„Við vorum búin að fara á mót
í Belgíu tvær helgar í röð og þar
voru allir að miða við þessi lág-
mörk. Það vissu því margir eftir
tvö síðustu mót að þeir væru mjög
heitir,“ segir Gunnar Páll en Anítu
vantaði aðeins fimmtán hundraðs-
hluta upp á að ná lágmarkinu.
„Við vissum í gær að það væri
mjög líklegt að hún fengi að fara
en það var ekki gefið endanlega
út fyrr en í dag (í gær). Hún var
svo ofboðslega nálægt lágmarkinu
þannig að líkurnar voru talsverð-
ar. Við erum mjög sátt með að hafa
farið í þessi tvö hlaup gagngert til
þess að reyna að ná lágmarkinu.
Það borgaði sig,“ segir Gunnar.
Fyrsta heimsmeistaramótið
Aníta keppir nú á sínu fyrsta
heimsmeistaramóti í fullorðins-
flokki. „Þetta verður stærsta mótið
sem hún hefur tekið þátt í og mér
finnst þetta vera mjög mikilvægt.
Hún komst í úrslit á EM innan-
húss og var eini unglingurinn sem
náði því. Hún komst síðan í undan-
úrslit á EM utanhúss í fyrra og er
byrjuð að gera sig gildandi í full-
orðinsflokknum. Það að komast
inn á heimsmeistaramótið styrkir
enn frekar stöðu hennar í undir-
búningnum fyrir Ólympíuleik-
ana. Þetta gæti líka hjálpað henni
almennt í að skapa sér nafn til þess
að komast inn á stærstu mótin. Það
er mikil barátta um að komast inn
á þau mót. Reynsla og annað hefur
töluvert að segja í öllum greinum
en ekki hvað síst í þessum greinum
sem hún er að finna sig í enda að
læra taktísk hlaup í hverju hlaupi,“
segir Gunnar Páll.
Strákarnir ekki eins góðir
Aníta og spjótkastarinn Ásdís
Hjálmsdóttir verða einu
íslensku keppendurnir á HM
í ár. „Hulda Þorsteinsdóttir
(stangarstökk) og Hafdís Sig-
urðardóttir (langstökk) eru
næstar á eftir þeim Ásdísi
og Anítu. Strákarnir hafa því
ekki átt alveg eins gott ár og
stelpurnar,“ segir Gunnar
Páll. Hann býst við frábæru
móti.
„Þetta verður mikið ævin-
týri. Kínverjarnir kunna þetta
frá Ólympíuleikunum og þetta
verður örugglega mjög flott mót,“
segir Gunnar Páll að lokum.
ooj@frettabladid.is
Í fótspor frænku
tuttugu árum síðar
Aníta Hinriksdóttir verður meðal keppenda á HM í frjálsum íþróttum sem fer
fram í Peking í ágúst. Hún verður fyrsti langhlaupari Íslands á HM síðan 1995.
FÖGNUÐUR Blikastúlkur fagna einu marka sinna í gær. FRÉTTABLAÐIÐ/ANTON
FRÆKNAR FRÆNKUR Aníta Hin-
riksdóttir og Martha Ernstsdóttir.
Martha keppti í 5000 og 10000 metra
hlaupi á HM 1995. FRÉTTABLAÐIÐ/STEFÁN
Aníta Hinriksdóttir og Ásdís Hjálmsdóttir munu að öllum líkindum
ferðast saman til Kína en þær eru einu íslensku keppendurnir á HM í
frjálsum íþróttum í Peking. Ásdís hefur vitað það síðan í vor að hún væri að
fara til Peking.
„Þetta er frekar stuttur fyrirvari og nú er allt á fullu að reyna að fá vega-
bréfsáritun til Kína og skipuleggja ferðir. Við erum að vonast til þess að
hún geti ferðast með Ásdísi frá Zürich þar sem Ásdís býr,“ segir Gunnar Páll
Jóakimsson, þjálfari Anítu.
„Ef hún kemst með Ásdísi þá fær hún nógu marga daga úti því fyrstu
dagarnir fara bara í það að jafna sig, bæði á löngu ferðalagi og tímamis-
muninum. Við tökum aldrei mjög erfiðar æfingar þarna úti en við tökum
enga alvöru æfingu fyrr en á þriðja, fjórða degi,“ segir Gunnar Páll.
Komist Aníta út með Ásdísi líða sex dagar frá því að hún kemur til
Peking þar til keppni í undanrásum 800 metra hlaupsins fer fram 26. ágúst
næstkomandi. - óój
➜ Aníta vill ferðast með Ásdísi til Kína
Kvennalið Stjörnunnar byrjar vel í undanriðli Meistara-
deildar Evrópu en Íslandsmeistararnir unnu 5-0 sigur á
Hibernians frá Möltu í gær í fyrsta leik liðsins af þremur
en þeir fara allir fram á Kýpur. Liðið sem vinnur riðilinn
tryggir sér sæti í 32 liða úrslitum keppninnar.
Brasilísku stelpurnar Poliana (2 mörk) og Francielle
(1 mark) skoruðu báðar á fyrstu 47 mínútunum en
þriðja mark Stjörnunnar í leiknum var sjálfsmark.
Guðrún Karítas Sigurðardóttir skoraði síðan fimmta
markið aðeins sex mínútum eftir að hafa komið
inn á í fyrsta Evrópuleiknum sínum. Stjarnan hafði
tvisvar tekið þátt í 32 liða úrslitum Meistaradeildarinnar
á síðustu árum en hafði ekki unnið Evrópuleik fyrr en í
gær. Apollon frá Kýpur vann 2-0 sigur á KÍ frá Færeyjum
í hinum leik riðilsins en Stjörnustelpur mæta færeyska
liðinu í næsta leik sem verður strax á morgun.
Fyrsti Evrópusigur Stjörnukvenna
1
1
-0
8
-2
0
1
5
2
2
:0
6
F
B
0
4
8
s
_
P
0
4
3
K
.p
1
.p
d
f
F
B
0
4
8
s
_
P
0
4
2
K
.p
1
.p
d
f
F
B
0
4
8
s
_
P
0
0
6
K
.p
1
.p
d
f
F
B
0
4
8
s
_
P
0
0
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
5
B
6
-F
4
6
C
1
5
B
6
-F
3
3
0
1
5
B
6
-F
1
F
4
1
5
B
6
-F
0
B
8
2
8
0
X
4
0
0
5
B

F
B
0
4
8
s
C
M
Y
K