Fréttablaðið - 05.08.2015, Blaðsíða 14

5. ágúst 2015 MIÐVIKUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is ÞRÓUNARSTJÓRI: Tinni Sveinsson tinni@365.is HELGARBLAÐ: Erla Björg Gunnarsdóttir erla@frettabladid.is MENNING: Magnús Guðmundsson magnus@frettabladid.is
LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg Stefanía Pálmadóttir FORSTJÓRI: Sævar Freyr
Þráinsson ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is AÐSTOÐARRITSTJÓRAR:
Andri Ólafsson andri@365.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is.
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er
hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871
FRÁ DEGI
TIL DAGS
Fanney Birna
Jónsdóttir
fanney@frettabladid.is
Tilefni skrifa minna hér í þetta blað nú
um hásumar þegar sólin skín er að bregð-
ast við skrifum Árna Guðmundsonar um
æskulýðsmál í Hafnarfirði. Tilefni skrifa
Árna virðist eingöngu vera að gagnrýna
þá breytingu að um mitt ár var ákveð-
ið að færa yfirstjórn félagsmiðstöðva
og frístundaheimila frá fjölskyldusviði
til fræðslusviðs í samræmi við tillögur
rekstrar ráðgjafa um einfaldari og skilvirk-
ari stjórnsýslu hjá Hafnarfjarðarbæ. Þessi
skipulagsbreyting er þannig til komin að
betur sé hægt að sinna þessum málaflokki
og bæta þjónustu við börn og ungmenni í
frítíma þeirra, það er kjarni málsins.
Samhljómur er með þessari breytingu
og tillögum starfshóps sem skipaður er
fulltrúum allra flokka í bæjarstjórn ásamt
starfsmönnum, en starfshópurinn hóf störf
í lok síðasta árs og skilaði af sér tillögum
varðandi breytingar á rekstri frístunda-
heimila á vormánuðum sem kynntar voru á
opnum fundi í Lækjarskóla.
Tillögur starfshópsins, sem undirrit-
uð hefur veitt formennsku, snúa fyrst og
fremst að því að efla faglegt starf frí-
stundaheimila og leita leiða til þess að sam-
þætta og stytta vinnutíma barna og í því
skyni hefur verið leitað eftir samstarfi við
íþrótta- og frístundafélögin í bænum og
þeim gefinn kostur á að reka frístunda-
heimili samkvæmt þjónustusamningi. Enn
fremur var það tillaga starfshóps að gefa
skólastjórnendum kost á að reka frístunda-
heimili og þannig hugsanlega ná að sam-
þætta skólastarf og starfsemi frístunda-
heimila betur en verið hefur undanfarin ár,
enda ljóst að töluverðir agnúar hafa verið
á því fyrirkomulagi sem unnið hefur verið
eftir undanfarin ár.
Árna virðist ekki hugnast að yfirstjórn
frístundamála verði staðsett á fræðslusviði
en færir engin rök fyrir þeirri skoðun sinni
og setur í grein sinni gæsalappir á starfs-
heiti fagstjóra frístundamála, sem má túlka
á þann hátt að hann gefi ekki mikið fyrir
þann titil sem vekur furðu mína í ljósi
reynslu hans af æskulýðsmálum almennt.
Fagstjóri frístundaheimila mun hafa
yfirumsjón með faglegu starfi frístunda-
heimila í samræmi við samþykktir bæjar-
ins og enn fremur vinna að áframhaldandi
þróun. Það má nefna að þetta er svipað
fyrir komulag og er hjá Reykjavíkurborg
þar sem frístundaheimili eru staðsett á
skóla- og frístundasviði.
Það eru spennandi verkefni fram undan
við að efla og bæta þjónustu frístundaheim-
ila til samræmis við óskir foreldra um bætt
innra starf og samþættingu við íþrótta- og
tómstundastarf og það ætlum við að gera.
Faglegri umfjöllun óskast!
ÆSKULÝÐSMÁL
Helga
Ingólfsdóttir
bæjarfulltrúi í
Hafnarfj arðarbæ
365.is Sími 1817
Færðu fjarskiptin yfir til 365
og fáðu vandað sjónvarpsefni
á fáránlega góðu verði
REIKNAÐU
DÆMIÐ
á 365.is
Þingflokkur án fylgis
Greint var frá því í gær að sam-
kvæmt nýjustu skoðanakönnun
MMR mælist fylgi Bjartrar framtíðar
á landsvísu undir fimm prósentum.
Yrði það niðurstaða kosninga
þá fengi flokkurinn ekki kjörinn
mann á Alþingi. Það er raunar
sambærileg niðurstaða og í könnun
Fréttablaðsins fyrr í sumar. Það er
svo líklegast ekki til að bæta stöðu
flokksins að guðmóðir hans, Heiða
Kristín Helgadóttir, lýsti því yfir
samdægurs að hún muni ekki
taka þingsæti flokksins í fjarveru
Bjartar Ólafsdóttur.
Formaður með fortíð
Stærsti flokkurinn mælist nú,
líkt og lungann úr þessu
ári, Pírataflokkurinn.
Píratar og Björt framtíð eiga það
sameiginlegt að þeir buðu fram í
fyrsta skipti árið 2013. Ástæðan fyrir
ólíkri þróun fylgis er ekki augljós.
Þó hefur verið bent á að kjósendur
séu hugsanlega þreyttir á þeim
valkostum sem boðist hafa undan-
farin ár og vilja eitthvað nýtt. Og
þá er líklegast ekki sannfærandi að
formaður nýs stjórnmálaafls hafi átt
viðkomu í öðrum tveimur rótgrónum
stjórnmálaflokkum á ferli
sínum. Líkt og Guð-
mundur Steingrímsson
sem starfaði með
Samfylkingunni og
Framsóknarflokknum
áður en hann stofnaði
Bjarta fram-
tíð.
Án auglýsingar
Að allt öðru. Fréttavefurinn Kjarninn
greindi frá því í gær að Baldvin Þór
Bergsson hafi verið ráðinn einn
umsjónarmanna Kastljóss. Baldvin
hefur reynslu af fjölmiðlastörfum
og mun vafalítið reynast liðsstyrkur
fyrir ritstjórnina. Að því sögðu þá má
kannski velta fyrir sér hversu eðlilegt
ráðningarferlið var hjá þessari
stofnun sem þiggur rekstrarfé úr
vasa skattgreiðenda. Ráðningin var
nefnilega án auglýsingar. Og þá er
spurning hvernig fréttamenn þar
á bæ ætla að bregðast við í fram-
tíðinni þegar aðrar stofnanir, sem
eru kostaðar af almannafé, ráða
í störf án auglýsinga. Eru þeir
færir um að fjalla um slíkt?
jonhakon@frettabladid.is
H
insegin dagar, menningar- og mannréttindahátíð
Hinsegin fólks á Íslandi, hófust í gær. Hátíðin, sem
nær hápunkti sínum með Gleðigöngunni á laugardag,
hefur þróast úr því að vera tiltölulega fámenn kröfu-
ganga í eina stærstu útihátíð landsins. Þessi árlegi
laugardagur, þar sem þúsundir safnast saman, fylgjast með eða
ganga til stuðnings réttindum hinsegin fólks, er einn þeirra daga
þar sem innilega er hægt að vera stoltur af því að tilheyra íslensku
samfélagi. Samfélagi umburðarlyndis, jafnréttis og ástar.
Íslenskt samfélag hefur þó ekki ávallt getað státað af þessum
titlum. Leiðin þangað er vörðuð þöggun, einelti, ofbeldi og skömm.
Á stuttum tíma hefur mikill árangur náðst þar sem viðhorfi
almennings gagnvart samkynhneigð og því að vera öðruvísi en
normið hefur að mestu verið snúið við og fordómar eru undan-
tekning frekar en regla. Auk þess
hefur löggjafinn tekið við sér og
hér á landi er lagalegt jafnrétti
með því mesta sem fyrirfinnst.
Eva María Þórarinsdóttir,
formaður Hinsegin daga, segir
að áhersla hátíðarinnar í ár
sé fræðsla. „Við verðum með
fræðslufundi um málefni sem
vilja oft gleymast eða hafa ekki enn komist upp á yfirborðið,“ sagði
Eva í samtali við Fréttablaðið í gær. Hún segir skipuleggjendur
hafa velt því fyrir sér hvers vegna enn þá sé verið að halda þessar
hátíðir. „Það hefur orðið svo mikil þróun hér á landi og við erum
komin með þannig séð öll réttindi sem við höfum verið að berjast
fyrir.“
Í sama blaði var sagt frá því að samkynhneigð hjón frá Rúss-
landi og Lettlandi fá ekki skilnað hjá Sýslumanninum á höfuðborg-
arsvæðinu því lagaheimild fyrir því skorti. Hjónin giftu sig hér á
landi árið 2011 og fá ekki heldur skilnað í heimalöndum sínum þar
sem hjónabönd samkynhneigðra eru ekki viðurkennd þar.
Lára V. Júlíusdóttir, lögmaður hjónanna, segist hafa vakið
athygli stjórnvalda á málinu en talað fyrir daufum eyrum. „Ein-
hvern veginn yppa allir öxlum,“ segir Lára, sem hefur skrifað
bæði Alþingi og innanríkisráðuneytinu bréf, auk þess sem hún
hefur hitt ráðherra sérstaklega vegna málsins. Samkvæmt lögum
þarf annar aðili í hjónabandi að hafa verið búsettur hér á landi í
minnst tvö ár séu báðir aðilar erlendir ríkisborgarar til þess að
fá skilnað samþykktan. Hugsað hafi verið fyrir þessu í lögum um
staðfesta samvist en ekkert sambærilegt ákvæði hafi komið við
lagabreytinguna um að samkynhneigðir gætu gift sig. Lára bendir
á að fólk eigi rétt á að fá að gifta sig samkvæmt Mannréttindasátt-
mála Evrópu og ætti því að fá að skilja.
Það er fagnaðarefni hversu framarlega Íslendingar standa þegar
kemur að réttindum samkynhneigðra. Í alþjóðlegu samhengi eru
það forréttindi að búa í landi þar sem skipuleggjendur Hinsegin
daga þurfa raunverulega að velta því fyrir sér hvort nauðsynlegt
sé að halda áfram með hátíðina í ljósi bættrar stöðu. En eins og
dæmið hér að framan sýnir eru enn verkefni sem blasa við. Stjórn-
völd eiga ekki að yppa öxlum þegar kemur að framfaraskrefum í
réttindamálum minnihlutahópa. Samfélag sem hefur náð svo langt
sem raun ber vitni ætti að leggja sig allt fram við að bera af og
laga alla þá hnökra sem upp koma. Fræðslan sem samtökin bjóða
upp á þessa vikuna í tengslum við hátíðina er mikilvæg og brýnt
að sem flestir hlusti og fræðist. Slagirnir, sem lítið ber á, gleymast
eða komast ekki upp á yfirborðið en eru ekki síður mikilvægir en
þeir sem nú þegar hafa unnist.
Sníðum hnökrana af
0
4
-0
8
-2
0
1
5

2
3
:4
6
F
B
0
4
0
s
_
P
0
2
7
K
.p
1
.p
d
f
F
B
0
4
0
s
_
P
0
2
2
K
.p
1
.p
d
f
F
B
0
4
0
s
_
P
0
1
4
K
.p
1
.p
d
f
F
B
0
4
0
s
_
P
0
1
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
5
A
2
-6
9
F
C
1
5
A
2
-6
8
C
0
1
5
A
2
-6
7
8
4
1
5
A
2
-6
6
4
8
2
8
0
X
4
0
0
4
B

F
B
0
4
0
s
C
M
Y
K