Fréttatíminn - 07.08.2015, Qupperneq 62

Thor hafði yndi af að teikna úti í
náttúrunni og sá í formum landsins
fólk, dýr og kynjaverur.
Ljósmynd/Jim Smart
 Myndlist sýning í safnasafninu á svalbarðsströnd
Málarinn Thor Vilhjálmsson
Nú stendur yfir sýningum og
málverkum Thors Vilhjálms-
sonar í Safnasafninu á Sval-
barðsströnd. Á morgun, laugar-
dag, verður dagskrá um Thor,
en hann hefði orðið 90 ára á
árinu. Þeir sem koma fram eru
Guðmundur Andri Thorsson
rithöfundur, Arna Valsdóttir
myndlistarmaður og söngkona,
Þorsteinn frá Hamri ljóðskáld
og Laufey Sigurðardóttir fiðlu-
leikari. Umsjón hefur Harpa
Björnsdóttir.
Thor Vilhjálmsson er löngu
þjóðþekktur af ritstörfum
sínum en færri vita að hann
hefur einnig gert fjölbreytt
myndverk. Thor hafði yndi af
að teikna úti í náttúrunni og
sá í formum landsins fólk, dýr
og kynjaverur. Kallast mynd-
verk Thors á við kjarnyrtar
náttúrulýsingar í skáldverkum
hans, þar sem hann kallar fram
með orðum þær náttúrumyndir
sem hann í myndverkum sínum
dregur upp með penna, krít eða
lit. Þegar litið er yfir afrakstur
áranna í einni samstæðri heild
verður ljóst að hin teiknuðu
tilbrigði við náttúrustefið eru
af sama toga og kliðmjúkur
texti sem getur látið grámosa
glóa og hrjóstrugt land kveikja
til lífs löngu liðna atburði og
fólk. Allar nánari upplýsingar
um sýninguna er að finna á
heimasíðu Safnasafnsins, www.
safnasafnid.is. -hf
 tónlistarhátíð ExtrEME Chill fEstival haldin uM hElgina
Nördahátíð undir jökli
Íslenska tónlistarhátíðin
Extreme Chill Festival –
Undir jökli verður haldin nú
um helgina, 7. - 9. ágúst,
á Hellissandi við rætur
Snæfellsjökuls. Þetta er í
sjötta sinn sem hátíðin fer
fram, en fimm ára afmæli
hátíðarinnar var haldið í
Berlín síðastliðið sumar við
ótrúlegar undirtektir. Pan
Thorarensen, stofnandi og
skipuleggjandi hátíðarinnar,
segir að hún sé heimilisleg
og smá nördaleg.
v ið byrjuðum með þessa hátíð árið 2010 og hugmyndin spratt
út frá útgáfutónleikum sem
Stereo Hypnosis, sem ég er
meðlimur í, hélt árið 2009,“
segir Pan Thorarensen. „Við
héldum þá í félagsheimilinu
á Hellissandi, sem gekk svo
vel að við ákváðum að halda
hátíð ári seinna. Þetta er
búið að vera mikið ævin-
týri og verður flottara með
hverju árinu hjá okkur, segir
hann. Við leggjum mikið
upp úr góðu hljóði og mynd-
gæðum því þetta er líka
vídeólistahátíð.“
Dagskráin í ár er ekki af
verri endanum en tónlistar-
menn á borð við: Biosp-
here, Hilmar Örn Hilmars-
son, Steindór Andersen,
Jafet Melge, Mixmaster
Morris, Studnitzky, Stereo
Hypnosis, Dj Flugvél og
Geimskip, Jónas Sen, Tonik
Ensemble, Futuregrapher,
Ruxpin, Skurken, Jóhann
Eiríksson og fleiri munu
koma fram á hátíðinni. „Við
höfum bara haft 400 miða til
sölu og við viljum bara halda
því,“ segir Pan. „Það kom
einu sinni upp sú pæling að
stækka þetta eitt árið, en
svo vorum við á því að það
mundi skemma sjarmann
Pan Thorarensen mun koma fram ásamt Stereo Hypnosis á laugardaginn.
sem var búinn að myndast
hjá okkur. Það er flott að hafa
þessa hátíð í þessum anda.
Erlendum blaðamönnum og
tónlistarfólki finnst þetta vera
svo skemmtilegt, hafa þetta
lítið og heimilislegt, segir
Pan. Þetta er líka nördahátíð.
Það er mikið verið að ræða
græjur og hljóðver sem gerir
þetta líka mjög skemmtilegt.
Miðasalan gengur vel og
stefnir í að það verði uppselt
hjá okkur.“
Allar nánari upplýsingar
um hátíðina má finna á www.
extremechillfestival.com
Hannes Friðbjarnarson
hannes@frettatiminn.is
Dj Flugvél og Geimskip er ein þeirra sem troða upp á hátíðinni um helgina.
62 menning Helgin 7.-9. ágúst 2015