Morgunblaðið - 22.01.2015, Page 6
6 FRÉTTIRInnlent
MORGUNBLAÐIÐ FIMMTUDAGUR 22. JANÚAR 2015
VIÐTAL
Benedikt Bóas
benedikt@mbl.is
„Stjórnendur Strætó og aðrir sem
tóku þessa ákvörðun vanmátu þetta
verkefni. Við sögðum við yfirmann
Strætó á starfsmannafundi, þegar
okkur var tilkynnt að nýtt kerfi
myndi byrja í janúar, að það væri
ekki rétt tímasetning – allra síst í
janúar,“ segir Ingi Steinn Gunnars-
son sem var einn af starfsmönnum
þjónustuvers ferðaþjónustu fatlaðra
en var sagt upp þegar nýja kerfið
var tekið upp og þjónustuverið sett
undir hatt Strætó. „Undanfarin ár
hafa verið farnar u.þ.b. þúsund ferð-
ir á dag en þær detta niður í 250
ferðir í júní. Í janúar byrja skólar,
fólk fer í ræktina, æfingar, á nám-
skeið og alls konar félagsstarf. Upp-
haf anna í september og janúar er
erilsamur tími hjá ferðaþjónustunni.
Í byrjun sumars dregst þetta saman.
Það er mikið álag á þjónustuverið í
janúar og hefur alltaf verið,“ segir
hann.
Ingi Steinn hefur unnið við þjón-
ustuverið síðan 1987 þegar hann
byrjaði í afleysingum en var í föstu
starfi frá 1992.
Varð kjaftstopp
Deilt hefur verið á Strætó fyrir að
láta reynt fólk fara og taka nýtt
reynslulaust fólk inn um leið og nýja
kerfið var tekið í notkun. Manns-
höndin hvarf að mestu leyti með nýja
kerfinu því tölvur sjá nú um að raða í
bílana.
Samkvæmt svörum Strætó hvatti
fyrirtækið starfsmennina til að
sækja um í sameinuðu þjónustuveri.
Ingi segir að Strætó hafi aðeins boð-
ið 100% starf og er ósáttur við skýr-
ingar fyrirtækisins sem sögðu að lít-
ill áhugi hefði verið hjá Inga og
fyrrverandi samstarfsfólki á að
starfa áfram hjá fyrirtækinu.
„Í vor lá fyrir að starfsmönnum
þjónustuversins yrði sagt upp. Þá
var ákveðið að taka upp hið nýja
kerfi. Í framhaldi var tekið viðtal við
okkur úr þjónustuverinu og við tekin
í starfsmannaviðtal. Þar er mér sagt
að um áramót verði einungis 100%
vaktavinna í boði.
Ég tjáði konunni sem tók viðtalið
að ég gæti ekki unnið þannig og
spurði hvort fólk mætti deila með
sér stöðum. Þá svaraði hún að starfið
væri svo yfirgripsmikið að fólk í
hlutastarfi gagnaðist ekki. Ég varð
kjaftstopp.“
Í kjölfarið hélt Strætó opna starfs-
mannafundi og var mæting starfs-
manna góð að sögn Inga Steins. „Þar
er yfirmaður þjónustuversins marg-
sinnis spurð hvort ekki sé í boði að fá
hlutastarf í nýja þjónustuverinu og
hún segir nei, ekki eins og staðan sé
núna. Á fundi sem haldinn var síðar
var hún spurð hvort staðan hefði
breyst og hún svaraði nei.
Strætó segir að við höfum ekki
sýnt þessu áhuga – sem er alveg
rétt, því okkur var sagt að gamla
þjónustuverið yrði yfirtekið og það
sameinað þjónustuveri Strætó. Þær
hugmyndir sem við komum með
fengu ekki hljómgrunn, t.d. að
þjónustuverið yrði tvískipt. Í sam-
einuðu þjónustuveri áttu allir að
vera sérfræðingar í öllu. Ég átti að
geta svarað fyrir það hvenær Strætó
færi til Akureyrar, af hverju fimman
hefði keyrt framhjá stoppistöð og
svo framvegis. Þetta er ekki starf
sem mér hugnaðist. Ég hefði gjarn-
an viljað halda áfram að þjónusta
fatlaða,“ segir hann.
Hefði aldrei raðað svona
Nýtt og sameinað þjónustuver var
tekið í notkun seint á árinu 2014 og
margt nýtt fólk látið sjá um ferða-
þjónustuna. Umfangið jókst einnig
til muna því Strætó yfirtók akstur í
öllum sveitarfélögum höfuðborgar-
svæðisins nema Kópavogi.
Mikil óánægja hefur verið meðal
fatlaðra með upphafskaflann að
þessari nýju sameiningu enda hafa
þeir oft verið sóttir seint, alls ekki
eða skilað á rangan stað og það tekur
oft langan tíma að koma þeim á
áfangastað.
Ingi Steinn er hjólastólsbundinn
og notar ferðaþjónustu fatlaðra auk
þess að hafa mikla reynslu af því að
raða ferðum á bíla. „Ég fer tvisvar í
viku á æfingar á Grensás og það hef-
ur gengið brösuglega. Bílarnir eru
seinir og það er oft fáránlega raðað í
þá. Það tekur u.þ.b. 12 mínútur að
aka þangað frá heimili mínu í
Grafarvogi en ég er oftast hálftíma
eða lengur á leiðinni.
Ég þarf að sitja í bílnum að Klapp-
arstíg því þar er einstaklingur sem
er líka að fara í þjálfun á sama tíma.
Hins vegar ökum við framhjá manni
sem er á sömu leið og ég og annar
bíll sækir hann. Oft erum við of sein-
ir á æfingar. Í gamla kerfinu röð-
uðum við fólki saman í bíla sem var í
nágrenni og á sömu leið.
Þegar ég er búinn í æfingum hef
ég iðulega þurft að þvælast niður í
bæ á nokkra staði áður en haldið er í
Grafarvog. Þetta ferðalag getur tek-
ið meira en klukkustund.
Svona hefðum við aldrei raðað í
gamla kerfinu,“ segir hann.
Vanmátu verkefni ferðaþjónustunnar
Ingi Steinn Gunnarsson hafði 28 ára reynslu úr ferðaþjónustu fatlaðra en var sagt upp um áramót
Gat ekki unnið 100% starf Segir niðurröðun í bílana sérstaka Hefur sjálfur lent í seinkunum
Morgunblaðið/Árni Sæberg
Reynsla Ingi Steinn hafði unnið í þjónustuveri fatlaðra frá 1987 en var fast-
ur starfsmaður síðan 1992. Tölva raðar nú í bíla og er mannshöndin horfin.
Framsóknarflokkurinn og flug-
vallarvinir í Reykjavík óskuðu
eftir því á borgarstjórnarfundi
á þriðjudag að þjónustusími
Strætó yrði gerður gjaldfrjálst
grænt númer án tafar. Tillög-
unni var vísað til velferðarráðs
Reykjavíkurborgar. S. Björn
Blöndal, formaður borgarráðs
og varaformaður velferðar-
ráðs, sagði númerið engu
skipta í stóra samhenginu á
fundinum. Bergur Þorri Benja-
mínsson, varaformaður Sjálfs-
bjargar, segir hins vegar nauð-
synlegt að gjaldfrjálst númer
sé tekið upp. Öryrkjar og fatl-
aðir, sem nota ferðaþjónustu
fatlaðra, þurfi oft að bíða
löngum stundum í símanum
og flestir séu með frelsi. „Mér
fannst Björn Blöndal gera of
lítið úr þessu vandamáli. Þeg-
ar þarf að bíða í 20-30 mín-
útur í símanum klárast inn-
eignin fljótt. Það eru margir,
trúlega flestir, með inneign en
ekki áskrift. Það er einföld að-
gerð að gera númerið gjald-
frjálst, það kostar vinnu fyrir
símafélögin að snúa þessu við.
Eins og ástandið er í dag gefur
það augaleið að það verður að
gera númerið gjaldfrjálst,“
segir hann.
Símaverið tók á móti 710
símtölum síðastliðinn föstu-
dag og var meðalbið tvær mín-
útur og 22 sekúndur.
Þegar blaðamaður prófaði
að hringja í ferðaþjónustu fatl-
aðra tók sex mínútur og 22
sekúndur að ná inn.
Öryrkjar og
fatlaðir flestir
með frelsi
VILJA GRÆNT NÚMER
Verðskrá hjá Bifreiðastöðinni
Hreyfli hefur verið óbreytt í nær
tvö ár eða frá 1. mars 2013. For-
maður verðlagsnefndar Hreyfils
segir að staðið hafi verið á brems-
unni þrátt fyrir að ástæður hafi ver-
ið til hækkunar og að sama skapi
nægi lækkun á eldsneyti að undan-
förnu ekki enn til þess að lækka
taxtann.
Hafliði Ingiberg Árnason, for-
maður verðlagsnefndar Hreyfils,
segir að forsvarsmenn Hreyfils, eins
og forsvarsmenn fjölda annarra fyr-
irtækja, hafi skrifað undir samning
þess efnis að hækka ekki verðið fyr-
ir þjónustuna á nýliðnu ári og
Hreyfill hafi staðið við gerðan
samning. Hins vegar hafi hækk-
unarþörfin 2014 nálgast 5%.
Samningar hafa áhrif
Taxtagrunnurinn hjá Hreyfli tek-
ur mið af 18 liðum og þar af 12 vísi-
tölubundnum. Hafliði segir að fylgst
sé með þessum liðum mánaðarlega
og miðað við vísitöluna í desember
sé enn þörf á hækkun. „Við höfum
ekki brugðist við henni og það
stendur ekki til í augnablikinu,“
segir hann. Hafliði bætir við að end-
urskoðun á töxtum komi vart til
framkvæmda fyrr en búið verði að
semja á almennum vinnumarkaði.
Eldsneyti hefur hríðlækkað und-
anfarnar vikur og mánuði. Hafliði
segir að frá 1. mars 2013 þar til í
desember á liðnu ári hafi eldsneytis-
lækkunin verið um 18%, en á sama
tíma hafi launavísitala hækkað um
13%. Laun og launatengd gjöld séu
stærsti kostnaðarliðurinn í rekstr-
inum eða um 46% og eldsneytis-
kostnaðurinn sé um 15%. Launaþró-
unin eyði út hugsanlegri lækkun á
taxta vegna eldsneytislækkunar.
„Því miður nær þessi mikla elds-
neytislækkun, sem hefur átt sér
stað undanfarna tvo mánuði, ekki að
skila sér út í verðlagið hjá okkur,“
segir hann og vísar meðal annars til
þess að tryggingar hafi hækkað um
9%. steinthor@mbl.is
Óbreytt verðskrá
hjá Hreyfli í tvö ár
Eldsneyti um 15% af kostnaðinum