Morgunblaðið - 05.02.2015, Blaðsíða 33

MENNING 33
MORGUNBLAÐIÐ FIMMTUDAGUR 5. FEBRÚAR 2015
sínar þó ætíð skína í gegn í verkum
sínum.
„Ég held að það beri allir með sér
hverjir þeir eru. Ég er stoltur af því
að vera Kúbverji og það skín í gegn.
Mér finnst líka stórskemmtilegt að
geta teflt fram þessari efnisskrá þar
sem verkin á henni eru mörg hver
mjög stór hluti af mér. Ég er marg-
þættur tónlistarmaður; ég er Kúb-
verji sem lærði í Vín, Moskvu og
París. Ég hef þannig alla gömlu tón-
listarskólana í mér en á sama tíma
er ég með skóla kúbversku götu-
tónlistarinnar í mér,“ segir hann.
Býr yfir nautinu innra með sér
„Það er þó synd að fá ekki fleiri
tækifæri til þess að deila þekkingu
minni með nemendum hvers lands
fyrir sig. Ég veit ekki af hverju því
hefur aldrei verið komið í kring. Það
sem er hvað mikilvægast fyrir tón-
listarmann er að deila þekkingu
sinni með öðrum tónlistarmönnum
og hlýða á aðra. Ég óska þess stund-
um að vera boðið til að dvelja um
hríð á einhverjum stað svo ég geti
unnið með nemendum og deilt
reynslu minni,“ segir píanóleikarinn.
„Ég hef mikið yndi af því að koma
aftur til Reykjavíkur. Ég átti einkar
fallega tengingu við áhorfendur síð-
ast þegar ég spilaði hér og varð ást-
fanginn af landinu og fólkinu. Að
þessu sinni verður heimsóknin þó ef-
laust eilítið kaldari, ég er ekki vanur
svona kulda. Sundlaugin í húsinu
mínu á Flórída er til dæmis tuttugu
og átta gráðu heit,“ segir hann.
„Og það án þess að hún sé hituð
upp,“ bætir hann við og hlær.
Hljómurinn í rödd píanóleikarans er
þó fljótur að breytast þegar komið
er að kveðjustund.
„Ég er ekki góður með orð. Sam-
ræður eru ekki mín sterkasta hlið,
hvað þá á ensku. Ég kýs fremur að
tjá mig í gegnum tónlist mína. Mér
finnst öllu þægilegra að segja sögu
mína með tónlistinni eins og ég
hyggst gera á laugardaginn. Ég mun
færa áheyrendum mínum reynslu
mína og ást með ósk um að fá að
hitta þá aftur. Það vill nefnilega svo
til að tónlistin er ekki bara hljómfall
og tónar. Tónlistin er lífið sjálft og
flutningur minn er það sem ég er.
Þegar ég spila til að mynda spænsku
tónlistina þá er það vegna þess að ég
bý yfir nautinu innra með mér,“ seg-
ir Prats ákveðinn að lokum.
Ljósmynd/Jan Willem Kaldenbach
Píanó „Ég hef þannig alla gömlu tónlistarskólana í mér en á sama tíma er
ég með skóla kúbversku götutónlistarinnar í mér,“ segir Jorge Luis Prats.
Íslenskar stuttmyndir verða á dag-
skrá íslensku menningarhátíð-
arinnar Air d’Islande sem haldin er í
París þessa dagana. Stuttmyndirnar
verða sýndar í dag á Cinematheque
Francaise, en í tilkynningu segir að
kvikmyndastofnunin sé ein sú elsta
og þekktasta í heimi en hún var
stofnuð árið 1936.
Tvær eftir Hlyn Pálmason
Myndirnar sem um ræðir voru
sýndar á RIFF 2014 og kepptu um
verðlaunin besta íslenska stutt-
myndin sem féllu Hlyni Pálmasyni í
skaut fyrir stuttmyndina Málarann.
Aðrar myndir sem sýndar verða í
dag eru Sjö bátar eftir Hlyn, Ártún
eftir Guðmund Arnar Guðmundsson
og Hjónabandssæla eftir Jörund
Ragnarsson.
Þess má geta að listrænir stjórn-
endur Shalala, Erna Ómarsdóttir og
Valdimar Jóhannsson, komu einnig
fram á hátíðinni en þau fluttu verkið
Wonderings on Boarderline Musi-
cals í Pompidou-safninu í París á
dögunum. Hátíðinni, sem hófst 23.
janúar, lýkur síðan 8. febrúar.
davidmar@mbl.is
Stuttmyndir Hjónabandssæla eftir Jörund Ragnarsson er meðal þeirra
mynda sem sýndar verða á Cinematheque Francaise í París í dag.
Íslenskar stutt-
myndir í París
Óperan Peter Grimes eftir enska tón-
skáldið Benjamin Britten verður
frumflutt á Íslandi þann 22. maí
næstkomandi á 29. Listahátíð í
Reykjavík. „Um er ræða umfangs-
mikla tónleikauppfærslu í Eldborg
sem er samstarfsverkefni Sinfón-
íuhljómsveitar Íslands, Íslensku óp-
erunnar, Hörpu og Listahátíðar í
Reykjavík. Tvær erlendar stór-
stjörnur úr heimi óperunnar syngja
aðalhlutverkin, Stuart Skelton í titil-
hlutverkinu og Susan Gritton í hlut-
verki Ellen Orford,“ segir m.a. í til-
kynningu. Þar kemur fram að Ólafur
Kjartan Sigurðarson fari með hlut-
verk Balstrode, en hljómsveitarstjóri
verður Daníel Bjarnason. Meðal ann-
arra söngvara uppfærslunnar eru
Hanna Dóra Sturludóttir, Hallveig
Rúnarsdóttir, Snorri Wium, Viðar
Gunnarsson, Garðar Thór Cortes og
Oddur Arnþór Jónsson.
„Peter Grimes er talin til helstu
verka óperubókmenntanna. Óperan
var samin árið 1945 og er byggð á
samnefndu harmljóði Georgs Crabbe
frá upphafi 19. aldar, þar sem segir
frá ógæfu skipstjórans Peter Grimes.
Tónlistin er lagræn og aðgengileg,
ýmist gamansöm eða hádramatísk
eins og efnið býður upp á.“ Miðasala
fer fram á harpa.is og listahatid.is.
Óperan Peter Grimes
í fyrsta sinn á Íslandi
Stuart Skelton Susan Gritton
Osmo Vänskä,
aðalgestastjórn-
adi Sinfóníu-
hljómsveitar Ís-
lands, stjórnar
sinfóníum nr. 3
eftir Jean Sibel-
ius og Anton
Bruckner á tón-
leikum hljóm-
sveitarinnar í
Eldborgarsal Hörpu í kvöld.
„Vänskä hlaut Grammy-
verðlaunin 2014 ásamt Minnesota-
hljómsveitinni fyrir hljómdisk með
1. og 4. sinfóníu Sibeliusar og nú
gefst aðdáendum hans tækifæri til
að hlýða á túlkun hans á 3. sinfóní-
unni í meðförum Sinfóníuhljóm-
sveitar Íslands. Vänskä hefur einn-
ig fengið mikið lof fyrir túlkun sína
á sinfóníum Bruckners,“ segir m.a.
í tilkynningu frá hljómsveitinni.
Osmo Vänskä
stjórnar Sibelius
Osmo Vänskä
48
RAMMA
STÆRSTA OPNUNAR-
HELGI ALLRA TÍMA Á
ÍSLANDI!
E.F.I -MBL
2 VIKUR
Á TOPPNUM!
BRÁÐSKEMMTILEG GAMANMYND
www.laugarasbio.isSími: 553-2075
SÝNINGARTÍMA MÁ NÁLGAST Á
LAUGARASBIO.IS OG MIDI.IS
- bara lúxus
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Hópferð með
Fúsa á Brekku
7. árið í röð
16. - 21. september
Færeyjaferð með Fúsa á Brekku
og Svenna frá Hafursá. Skoðunar-
ferðir, skemmtun, gisting í
4 nætur á Hótel Færeyjum.
Hálft fæði og íslensk fararstjórn.
Verð á mann í tveggja
manna herbergi . . . kr. 145.900
Miðað við 2 saman.
Verð á mann í eins
manns herbergi. . . . kr. 164.900
Bókaðusnemma!
Uppseltöll árin